عايشة بمجد ابوها :

البارت الثاني والعشرين من ادعي علي بالموت ولا سمني بس لا تفارقني .... في بيت ابو فارس ..البنات مصدومين من الي حاصل وام طلال كانت تبكي وتدعي لحنين .. يمامه كانت تبكي وعلي سجادتها تدعي وميما بحظنها جالسه .. خايفه ماتدري ايش الي حصل لامها غير الدم الي شافته ..تحسبها تلعب وهذا كله مجرد مسلسل وبينتهي قريب.. ليت كل تفكير الناس مثل تفكير الاطفال وبرائتهم ..ليت كله مسلسل وينتهي عند الحلقه 30 .. وينتصر الخير دائما علي الشر ..بس مو كل شي يتمناه الشخص يصير.. وحياتنا الواقعيه مو دايم ينتصر الخير ومو دايم احنا الي نختار النهايات .. ابو فارس في المجلس جالس وهو بينه وبين نفسه متحسف علي بنت اخوه ..والي قاعد يصير مايرضي احد.. لكن ظغوطات اخوانه تغير كل شي.. ابوحمد يتحسب ويسفل في بنت عبد العزيز..الي خربت السالفه ولو ماتت رح يتغير اشياء كثيره .. اولها ورثها راح يروح لزوجها ولبنتها بس ماراح يوصلهم شي.. في دنيانا الفلوس تغير نفوس اقرب الناس لك ..عبد العزيزابو حنين ..عمره ماقصر مع اخوانه بشي كان لهم السند وقت الحاجه لكن ماعرفو كيف يكافئون وقفته معهم ..جازو بنته ورموها علي مصير ماتدري كيف تتصرف فيه ..صغر سنها منع عنها اشياء كثيره مثل ولاية نفسها .. تزوجت حمد وصبرت علي ذله ومهانته حتي كرامتها انداست واذبلت .. رجعت ارتوت وعاشت حياة حلوه مع فارس لكن كانت ايامها معدوده ومحسوبه عليها .. حتي فارس قسي قلبه عليها ..وماتراجع في قرار اخذه .. يمكن بقراره تصرف صح ويمكن يخسر اشياء كثيره ..قالها بلحظه مايدري اختار الوقت المناسب او غلط .. كل مناه يخلص السالفه باقل خساير يقدر عليها .. مايبي يرجع حنين لحياتها اول ويضيع الامانه منه مره ثانيه ..ونفس الوقت كل تعب عمره وسهر لياليه بيروح منه وبدون استئذان بيكون تحت يدين ناس ظالمه.. تشتت تفكيره مثل ماهو تشتت جر احزانه وشال فرحته من بين يديه من شال حنين .. حس فارس بان حياته متعلقه تحت حدة سيف تنتظر الامر لتبتره.. مر الوقت وفارس بين افكاره وجروحه بين ايامه وماضيه وفرحه وبكاه.. بين سعادته الي كان عايشها وحزنه الي يتعايشه .. حيرته وضياعه بين اسمه وروحه.. مظطر يختار ..ويجزم .. فارس اختار ووكل امره وفوضه للي خلقه وماراح ينساه ولا ينسي حنين الي خلقها .. طلع الدكتور من الغرفه وفارس مثل الملهوف راح عنده يقرا ويفسر من ملامحه شي يطمنه .. الدكتور :انت ولي امرها .. فارس :انا زوجها دكتور طمني الله يطمنك .. الدكتور :زوجتك في حاله صعبه نفسيا لكن جسديا قدرنا نسعفها لان من الواضح انها انهارت عصبيا قبل تغرز القزاز بيدها .. والي رحمها بعد ان الجرح بيدها اليمين مو باليسارلان بالحاله هذي راح تكون مست الوريد والموت مصيرها اكيد بس ربي رحمها.. والحاله الي وصلت لها حاله مره صعبه لانها وصلت لاخر مراحل الانهيار.. اتمني نقدر نسوي شي .. فارس انهار من داخله وكل مافيه يلومه ..وصلها لمرحله هذي .. فارس جلس علي اقرب كرسي رجوله مو قادره تشيله مايدري حنين بترجع مثل اول او بينكسر اشياء كثيره بينهم .. انهار اكثر واكثر من شافها طالعه من الغرفه ورايحه لغرفة الملاحظه .. صحيح الدكتور طمنه لكن باله ماراح يرتاح ولا حتي نفسه راح ترتاح الا لما يشوفها صاحيه وتكلمه. دخل فارس لغرفة حنين شافها متمدده علي سرير ابيض مثل بياض قلبها وطهارته.. الغرفه بارده مافيها من المشاعر حنين في غيبوبتها ..وفارس يلوم نفسه في الدقيقه الف مره .. وقف يتامل حنين وفي ملامحها كان يمسكها ويمرر اصابعه عليها ..جلس يتامل ويتامل علي اساس تصحي فيه .. طلع من الغرفه وعقله وقلبه عندها .. ركب سيارته تايه مايدري وين يروح حيران تعبان من كل شي .. قرر يرروح للبيت ياخذ له اغراض واغراض لحنين ويرجع عندها .. وصل للبيت ودخل الكل متواجد ويوم شافوه الكل وقف ينتظر اجابه منه من شافو قميصه مفتوح نص ازاريره وشعره مو مرتب وملابسه متلطخه من الدم.. طالع في كل واحد فيهم ونظراته كلها حقد.. صرخ باعلا صوته وبعصبيه :لا احد يسئلني عن حالها مالكم اي كلمه معاي الي تبغونه صار وهدمتو اخر امل لي بالحياة ..قالها وطلع للغرفه بس قبل راح يشوف ميما وينها ..يكفي انها قطعه من حنين . شافها نايمه علي رجول يمامه وهي قاعده علي سجادتها تدعي وتبكي.. دق الباب ودخل فزت يمامه وطالعت فيه كانت خايفه يصدمها بشي.. فارس وعيونه علي ميما وجلس علي ركبه يبي يبوسها :لا تخافين حنين مافيها شي بس بتجلس عندهم كم يوم يراعون حالتها. يمامه ارتاحت وتنفست ومسحت دموعها واشكرت ربها :فارس انت صدق بتتخلا عنها.. فارس طالع في يمامه :لا تسئليني هالسؤال .. قام من عندها ويوم جا يطلع التفت عليها :يمامه ميما امانه بيدك تكفين لا احد يمسها واذا صار شي دقي علي .. يمامه:ولا يهمك بس انت خلك مع حنين والي يسلم عمرك .. فارس :لا توصيني علي نفسي.. طلع فارس من عندها وراح للغرفه ماوده يدخلها وحنين مو فيها ..متعود يدخلها ويحصل ضحكها واصل للاخر المكان يدخلها ويشوف بسمة تستقبله من عند باباها..يدخلها ويحس بروحه تنتشي حياة جديده .. حاول يجر نفسه ويدخلها .. دخل المكان ظلام صوت القزاز تحت رجوله يتكسر اثار غضب حنين وحسرتها .. وقف يتامل ويطالع في المكان يمكن يحصل ذكرا لها تسعده.. مافي الا حطام يذكره بالي صار وكل كلمه كانت ترن باذنه .. انت حقييرررر انت ظالم ..انت اناااااني... غمض عيونه بقوه يبي ينسي.. شاف السريرانتبه للمفرش الجديد..دمعت عينه ..ولف وجه مايبي يذكر اكثر..ضحكهم لعبهم ..همسهم سوالفهم ..لعب حنين علي السرير.. شال كل شي من راسه وراح للدولاب اخذ له ملابس وطلع..بسرعه مايبي يتذكر شي .. راح لسيارته . حاولت اشواق توقفه لكن مااعطاها اهتمام ولا فكر حتي يلتفت عليها ركب سيارته ومشي ومشت معه افكاره وقراره الي اخذه بيكون قده او لا .. كل الطريق وصورة ميما بخياله طفولتها حرام تنحرم من امها ..حرام ماتحصل الحنان منها .. انا مستعد ابعد واخلي ميما بحظن امها ..الي اعطتنياه حنين كافي يكفيني كل عمري.. ما جا في باله الا اخوه راشد يتصل عليه..بس الحين فترة اختبارات مايبي يشغله معاه بيخلي السالفه كم يوم يمكن يقدر يكلمه وياخذ منه شي يساعده .. وصل للمستشفي نزل بسرعه وراح للغرفه الدكتورعندها.. دخل الغرفه ... شاف حنين وهي تتالم وملامحها واضحه فيها .. فتحت عيونها ودارت في ارجاء الغرفه ..شافت فارس يمينها والدكتور والممرضه يسارها ..مغذي الدم بيدها .. من شافتهم واستنشقت هوا المكان اعرفت انها عايشه وماماتت مثل ماكانت تتمنى مر عليها كل شي سريع.. فارس قرب منها لكن حنين ..بحركه سريعه بدت تصارخ وتحاول تنازع... فكت المغذي من يدها باقوا ما عطاها ربي.. سحبت الابره من يدها وبدت تصارخ ووصلت لحاله هستريه ... حاول الدكتور والممرضه يمسكونها فارس وقف مصدوم منها ومن كلامها .. طرته من الغرفه ..كانت تصارخ وحالتها غريبه تحاول تفك نفسها منهم لكن مسكوها ..بقوه وثبتوها . الدكتور صار يطلب من فارس يطلع برا لين يهدا الوضع شوي.. طلع فارس وعيونه علي حنين وتصرفاتها الي قطعت كل جزء منه .. عطاها الدكتور ابره وهدت من بعدها ورجعت نامت .. حاولو يضمدون الجروح الي سببها سحب الابره من يدها .. بعد دقايق استسلمت حنين للمخدر وكان اقوا منها ..غابت عن الدنيا .. استمرت علي الحال هذا يومين تصحي وتصارخ وتدخل في حاله هستريه ..تغيرت وتغير فيها كل شي .. صارت مريضه نفسيا علاجها صعب مصدومه من كل شي صبرها نفذ ..كل الي عندها قدمته بحياتها يمكن في يوم يرجع لها الي اعطته ..لكن كانت الدنيا تاخذ منها ولا تعطي .. فارس تعب تعب من كثر مايشوف شمعته تنطفي قدامه .. ماتبي تشوفه ولا حتي تسمع صوته .. حنين صارت عدائيه بطبعها ..جسمها امتلا وتشرب من المخدر ..صارت تعبانه جسمها منهد . كل ماتصحي تصارخ وتبكي وتشاهق وتحاول تاذي نفسها باي شي..وصلت لمرحله صار الدكتور يربط يدينها بالسرير..ماصارات تاكل ولا تشرب..استسلمت للموت ..كرهت حياتها ونفسها.. فارس تعب من عذابها كل يوم يشوفها وهي تصارع لحالها ..مو قادر يقدم شي او بالاصح حنين نفسها ماتبي منه شي..كل ماشفاته تطرده وتسمعه كلاام يجرحه ويعذبه اكثر..الدكتور منع فارس يدخل عندها او تشوفه .. ماقدر يتحمل كل هذا غير مشاكله الي تواجه من كل جهه اعمامه وقراراتهم وميما وحنين ..وتعبه . خاطره يرتاح وينتهي كل شي مر علي طيحت حنين ثلاث اسابيع وداخله الرابع.. ترك كل اشغاله في الشركه احيانا يجيه الشغل لمكانه واحيانا يكنسل ويلغي كل اجتماعاته.. صار مبهذل ودقنه مو مرتب ماينعرف له حال.. دق فارس الباب ودخل .. السلام عليكم .. الدكتور :وعليكم السلام تفضل اجلس.. فارس :جلس وهو منزل راسه دكتور طلبتك ابي اشوفها .. الدكتور قدر يئس فارس :بس انت تعرف حالتها وين واصله ..ماقدر اخليك تشوفها وتنتكس اكثر. زوجتك مصدمه حتي العلاج النفسي ما اعطي اي نتايج معها .. بشرح لك حالاتها بكل صراحه ووضوح.. زوجتك مصدومه من كل شي ..ماتستجيب لاي علاج..فاقده حياتها ..حتي الاكل ماتبي تاكل..مصدومه فيك انت بعد ..كيف اخليك تشوفها .. المغذي بيدها واذا جينا نعطي اياه لازم نخدرها قبل عشان ماتأذي نفسها.. وكثرة التخدير بيضر صحتها .. فارس وعيونه مخالطها اليئس:خليني اشوفها والله تعبت وانا بعيد عنها . الدكتور رحم يئس فارس وحزنه.. بخليك تشوفها بس بشرط وقت نومها .. فرح فارس بكلام الدكتور .. وطلع وهو ينتظر متي يجي وقت شوفته لحنين ..تعب ينتظر والساعات تمر كل ساعه اثقل من الثانيه . تمر كل دقيقه وهو يتعب اكثر واكثر.. نزل ياخذ له قهوه ويجلس ينتظر .. دخل الدكتور عند حنين بالغرفه كانت صاحيه لكن التعب ماخذ منها .. الدكتور وهو يفحصها:الي برا زوجك انتبهي عليه احد يخطفه منك .. حنين :.......... الممرضه :ما شا لله عليه شكله يحبك مره .. الدكتور ماتكلم الا يبي ياخذ منها اي تجاوب ..لكن حنين لفت وجهها عنهم وصارت تبكي..بحرقه..تبكي ايامها معه تبكي حبها الي ضيعه فارس عشان انانيته .. تبكي علي قلبها الي ضعف وصدق فارس بكل كلمه قالها .. في غرفة الانتظار.. الافكار تحاصره من جميع النواحي .. رن جواله وصحي من غفلته ... الو . راشد في الجهه الثانيه بعتاب :كل هذا يصير ولا تقولي . فارس وبصوته بحة الحزن :راشد لا تلومني يوم حبيتها وتعلقت فيها بياخذونها مني ..ليه خليتني احبها ليه خليتني اتزوجها يبون يسلبون مني نور الدنيا واملي بالحياة .. مااقدر اظلمها ولا اظلم ميما معاها.. وتعبي وشقي سنيني بيروح . راشد حزن علي اخوه وماقدر يعلق:فارس لا تسمع كلام احد حافظ عليها لا تضيعها من يدك .. فارس ساكت يسمع .. حنين اقوا من كيذا وراح تطلع منها . فارس ودموعه خانته :راااشد حنين ماتبي تشوفني ولا حتي تسمع صوتي كرهتني كيف تبغاني اكون بجنبها .هي ماتبي مني شي.. راشد :فارس والي يسلم عمرك خليك معها لا تتركها لهم فكر زين الله يخليك .. فارس وهو مخنوق:راااشد محتاج اشوفها اضمها .ابيها بجنبي بالهظروف هاذي ابيها معاي مع اني ادري انها هي الي تبغي احد بجنبها .. راشد :سو اي شي الله يخليك حنين تحبك ..خذ قرارك .. فارس :انا اخذته ياراشد وماراح اضيع تعب عمري والكل راح يشوف . راشد والغضب بدا عليه :ليه سويت كيذا ليه ساومت عليها .. فارس عصب :حتي انت ياراشد فاهمني غلط .. راشد :اذا حنين هي حنين صار فيها كيذا وهي القريبه منك وش لون انا .. فارس وخنقته العبره وغص الكلام بحلقه :انا اخر واحد يفكر يبيع حنين او يساوم عليها ..بعد ماحبيتها واعتبرتها امل عمري كله تبغاني افرط فيها ..انا ساومتهم ابي ادفع لهم اكثر من الي بيدفعون علي طلاقها بس عشان يخلونها معاي مستعد ابيع الي قدامي والي وراي بس ماتغيب عني . حنين خلتني مااشوف غيرها .. فارس وصل لحد ماقدر يعبر فيها اكثر.. الله يخليك بقفل الحين مااقدر اتكلم .. راشد رحمه وقفل منه ... فارس قفل الخط وفي قلبه غصات ذكرياتها معاها .. تنهد وحط يده علي راسه وسنده علي الكنب.. بعد ساعه وبعد ماهدت نفسه .. بدا يفتش في مسجاتها شاف حب حنين فيها ..يبي يرتاح.. ليه ياربي صار كيذا بدا يلوم نفسه .. شاف رقم تذكر الرقم اخذه من جوال مريم .. مو وقت يتصل الحين .. بس في شي بداخله يقوله اتصل .. قرر فارس يلاقي لحيرته حل واتصل.. انصدم وانشل كل مافيه ..؟؟ معقوله مريم تكلم غيري..وانا زوجها تخوني .. ثار والغضب البسه لبس طلع من المستشفي وهو مايشوف قباله شي ...راح لسيارته ركبها واسرع صار يقطع ويفوت اشارات .. وصل للبيت ..وكله غضب.. نزل ودخل للبيت شاف ابوه وامه والبنات مجتمعين .. دخل وسحب مريم من يدينها وعطاها كف .. فارس وهو معصب:يالخاااينه يالحقيرررره .. وعطاها الكف الثاني .. الكل منبهر من الي قاعد يصير تدخل ابو فارس ووقف المهزله الي قاعده تصير.. فارس ما انتظر يشرح او يبرر موقفه كان كاره الكل والي قاعد يصيرله منهم كلهم .. رمي عليها الطلاق وطلع ..مانتظر احد يكلمه او يحسفه علي شي.. الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ... ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......

البارت الثاني والعشرين من ادعي علي بالموت ولا سمني بس لا تفارقني .... في بيت ابو فارس ..البنات...