كوبونات الراقية تسجيل الدخول

شذى91
شذى91 •
انا في يوم من الايام ما كنت اعرف اسوي بيضة ولا شاي 😂 ..
ومثل ما يقولون الحاجة ام الاختراع قمت دشيت المطبخ اول مرة ف رمضان لما كنت بالجامعه اول سنة لان شغالتنا مسافرة .. اتذكر اول طبخة كانت سمبوسة خضار .. داشة بقوة😂 . كانت جيدة نوعا ما .. طبعا كنت دوم احاول و لا يأست و وايد اوقات اطبخ و لا احد ياكله لانه يفشل بس مع الاستمرار الحين صرت منال العالم😋 .. لا تيأسي و لما تطبخين خلي في بالج ان محد افضل منج و لا تتوترين و سوي صنفين ف البداية و ركزي عليهم لحد ما يضبطون
أنا ندمانه
أنا ندمانه •
رياحـــين رياحـــين :
اعرف وحدة تزوجت وماتعرف تسوي قهوة الحين ماشاء الله تبارك الله تتفنن في طبخها الله يحميها
اعرف وحدة تزوجت وماتعرف تسوي قهوة الحين ماشاء الله تبارك الله تتفنن في طبخها الله يحميها
هذه انا ههههههههه

بس جد انا والله القهوه توي اعرف اسويها بعد 9 سنوات زواج لكن الطبخ الحمدلله من اول سنه نجاهد والحلويات الحمدلله خبره كمان من زمان...


بس القهوه لاني ماحبها وتزوجت واحد مايحبها لا هو ولا امه فارتحت ههههه وماكنت اشتري بن ببيتي بس الحين خلاص صارو الناس يجو عندي وفشله لازم اسوي قهوه... اول بس اهلي وامي عارفتني وخالاتي عارفنيي فيجيبو معاهم قهوتهم...
ميوووم
ميوووم •
الطبخ يبي له ممارسه اذا إستمريتي تطبخين بيضبط
وعلى طاري اللقيمات
بنات كيف اخلي اللقيمات مدوره
اسويها تطلع أشكال الله لا يوريكم ههههههههههه
كل شي عرفته الا اللقيمات ابيها تصير شكلها مرتب ماعرفت
M!ss Smile
M!ss Smile •
لا تطبقي وصفات مكتوبة شوفي فيديوهات وطبقي عملي اليوتيوب مليان
اكتبي بالبحث اسم اكلة معينة واكتبيها بدفتر شوفي أكتر من فيديو لنفس الطبخة
واكتبلي اللي تحسيه أفضل
بصمة امل**
بصمة امل** •
حطي نفسك بالطبخ وخليكي مرتاحة وتطبخي وانت مبسوطة ومش خايفة ومركزة ومرتبطة كذا ماراح تظبط


كوني هادئة وحبي الي تسويه ولاتنتقدي نفسك وخليكي تجربي وتجربي الين تظبط


الله يسعدك ويسهل عليك يارب