ما شاء الله عليها

و في انتظار ردها

في انتظارها

أول شيء بحب أقدملكم شكر كتييييييييييييييييييييير كبييييييييير .... لأنه ما أنا فيه الآن هو بسببكم إنتو , و إنتو مو عارفين .....

صدقا أنا ما نحفت إلا بسببكم إنتو ... إنتو اللي شجعتوني و خليتوني أوصل لهذه المرحلة ( الله ينعم على كل من يطلب هالنعمة يا كرييييييم , قولوا آميييييين , و الله يديمها علينا )


المهم ما أطول عليكم ....


أنا جربت أنواع أدوية و ريجيمات لحد ما قلت بس – حتى في منها أشياء كانت تسحب من الصيدليات نتيجة إثبات الدراسات لخطورتها على الجسم !!! )

بدأت أعمل تخفيف لأكلي في شهر 8 من السنة الماضية مع لعب الرياضة لمدة ساعة يوميا (كنت أركض ساعة كاملة على الأوربترك ) ....

طبعا إنتو بتسألوا شو يعني خففت أكلي ؟؟؟؟ أنا بؤلكم كيف , يعني : الفطور : باخد قطعة توست أسمر مدهونة بلبنة أو عليها قطعة جبنة شدر أو بيضة مقلية من دون زيت , أو مثلا آخد قطعة RUSK ( أعتقد إنتو بتعرفوها بإسم الشابورة ) مع أي شيء متل لبنة جبنة ... إلخ .....

الغداء : قبل ما أبدأ بوجبة الغدا بشرب كاستين ماء ( يعني و أنا أحضر بالصفرة أو الأكل مع أمي ) الآن لما أأعد على الصفرة بحط 4 ملاعق رز ( سواء رز كبسة , أو رز أبيض , او برياني , شو ما كان ) أو معكرونة أو فريكة مع قطعة صدر الدجاج (1\4 الدجاجة ) مع صحن السلطة , و طبعا بحاول أركز بأكلي على السلطة أولا و بعدها على الشيء اللي أنا بحبه أكتر شيء في الطبق اللي أمامي ( اللي هوة قطعة الدجاج )

يعني بمعنى تاني , بحاول أخفف رز قدر الإمكان من دون ما أحرم نفسي .....

يمكن بعضكم يقول : طيب 4 ملاعق كتير قليل , و أنا أقولكم ما تنسوا إني شربت كاستين ماء مع صحن السلطة و قطعة الدجاج , يعني لما أبلش بالرز رح أكون شبعت , و في حال إني شعرت بأني ما زلت جوعانة , بسلق صحن من الخضروات المشكلة ( بتيجي جاهزة في المولات ) و باكلها... و الله العظيم إني بشبع كتيييييييييير ...


وجبة العشاء ملغاة إلا إذا كنت جوعانة , فباخد هالوجبة قبل الساعة 6 -7 المسا .... (يعني بمعنى تاني أكلي بوقف الساعة 7)

و طبعا وجبة العشاء ممكن تكون متل الفطور أو كاسة نسكافيه مع بسكوتين نخالة .... و طبعا لما أجوع بين الوجبات باكل أي نوع فواكه دون إستثناء ( يعني مانجا كيوي أناناس فراولة تفاح إجاص موز) لأنها مهما أحتوت على سعرات لن تكون مثل ما بتحتوي الشوكولاتة مثلا أو الشيبس .....

بالنسبة للحلو فأنا بحاول أخفف منو كتييييييير بس ما بحرم نفسي (مفجوعة و ما بأدر أعيش من دونه ) مثلا باكل لقمتين من كل الصحن ( والله كلو تعويد , تراني و الله شاطرة في الطبخ خصوصا الحلو , يعني بعمل لأخواني كميات كبيرة )

أو مثال آخر : أنا بحب الكريم كراميل , فبستبدل وجبة الفطور لأحد الأيام بصحن كريم كراميل ( المهم ما أحرم نفسي ) و كذلك بالنسبة لباقي الحلويات ( أنا ما بيجي بنفسي الحلو إلا في الأسبوع مرتين يمكن , يعني ما رح يكون في مشكلة إذا أسبدلت وحدة من الوجبات بصحن حلو) ...


كمان في شيء مهم هوة إنه كل أسبوع إلي وجبة مفتوحة لمدة ساعة بس ( باكل فيها الأخضر و اليابس هههههههههههههههه ) ...


أما بالنسبة للرياضة فأنا داومت عليها لمدة شهر و نصف ( كل يووووووووووم ساعة و أحيانا ساعة و نصف عقابا لنفسي إذا حسيت نفسي خبصت بالأكل ) كنت أخليها قبل النوم , عشان آخد دوش و على النوم على طوووووول....

كثرت من شرب عصير الأناناس الغير محلى ....


و أهم شيييييييء إني أقنعت نفسي إنه الأكل ما رح ينتهي من الدنيا , و رح ييجي يوم آكله و أنا مرتاحة ضميريا ...

ركزت كمان على شرب الماء ....



طبعا رح تسألوني كيف كانت النتيجة ؟؟؟؟ أول شهر و نصف نحفت 14 كيلو , وقفت بعدها رياضة بسبب الجامعة ( طبعا رحت على الجامعة الناس ما عرفتني ) و 6 الكيلو اللي باقين نزلتهم على نفس طريقة أكلي بس من دون رياضة بس إعتمدت على المشي في الجامعة ( و كنت أخبص كنتاكي و غيه لأني بحب الأكل السريع )


و من إحدى النتائج كمان إنه بشرتي صفيت و صارت أحسن ( لأنه نسبة الدهون خفت )




يا رب ما أكون نقصت شيء عليكم ... و أي إستفسار أنا جاهزة ....


و إذا حبيتوا نظامي إنضموا معي و منصير تنابع بعض

ما شاء الله عليج يانونو .. الله يوفقج دنيا وآخرة ..
سؤال أخير .. كم طولج ؟؟ لان أحس الوزن اللي وصلتيله اوكيه ولا شرايج ؟

ما شاء الله عليج

و نفس سؤال الاخت أنستازيا