سؤال ينتظر الإجابة

اذا كان اقل من 5000 ريال ماراح ارضى لأنه اش بيكفي
وبعدين كل شاب اول مايتزوج يعاهد نفسه انه بيدلل زوجته وبعدين يسطر الملل على حياتهم ويطنشها بلا دلع بلا فلوس
والحرمه تحب الواحد اللي يدلعها ويكون اتكيت وراتبه مو شرط يصير كثير بس اهم شي عندها انه يعطيها فلوس علشان تشتري لها لبس وماكياج وعطورات وشي يواجه قدام الناس وبعض البنات يتشرطون يكون مركزه عالي علشان يضمنون ان الرجال قادر انه يجيبلها لبس كل ماطلبت اما ابو 5000 ريال مو مضمون العيشه معاه تخاف يجي يوم من الأيام يفشلها عند معارفها واهلها تروح بلبسها 3 مرات يشفونه عليها جزمتها ماتغيرت هي السوداء اللي تلبسها دايما
يكون بعلمك لازم كل فستان معاه نفس لون الجزمه والشنطه احيانا لكن الجزمه الله يعزك دائما لازم تكون نفس اللبس
غير كذا اذا ولدت وحده من معارفها لازم تجيب لها هديه
واذا ولدت حرمتك لازم تجيب لها هديه
كل عزيمه لازم فيها طلعه للسوق علشان تشتري لبس جديد وماشافوه عليها
كل 6 شهور لازم زياره للكاوفيره هذا اذا ماصار كل 3 شهور

طبعا انا مااثقل عليك بهذه المعلومات اذا كنت كريم فعلا راح تكون المهمه سهله عندك اما اذا كنت بخيل باالأصل نصيحه فك بنات الناس ولاتتزوج الا مدرسه
والدلع يجي من حب زوجتك مو بس تدلعها علشان تسكتها هذه مو عيشه


والله يوفقك اذا كنت كريم وولد حلال

مشكورة على الرد وجزاك الله خير . لكن الراتب يفشل 1500 لكن كل اللي عندي يقولون لي ان البنات مايهمهم
الفلوس والراتب كثر مايهمهم الدين والأخلاق لكن هذا الكلام ماني مقتنع فيه واحاول اقنع اللي عندي لكن مافيه
فايدة وش اسوي؟

مرحبا
عجبا لك اختى ندو اذا 5000 الاف لاتكفى
اذا لانلوم شبابنا اذا ذهب يتزوج من الخارج ورضيت براتبه القليل حتى انه دائما من يتزوج من الخارج براتب قليل يرزقه ربى برزق كبير وتعيش معه زوجته عيشة هنيه
وعجبا لردك اذا لماذا نأسف على عنوسة بناتنا وننادى بالتعدد
وهل لرجل راتبه 7000 الاف ومافوق وعنده اولاد ان يتزوج اخرى ونخفف من العنوسه وعلى حسب قولك ان 5000 الاف لاتكفى لعروسين
على هذا سيبقى 3/4 الشباب بدون زواج وجميع بناتنا عوانس

السلام عليكم

طالما أنه يصلي وعلاقته بربه حسنة فلماذا الرفض ؟؟؟

لا أحد ينكر أهمية المادة في حياتنا ولكنها ليست كل شيء

وكما علمنا ديننا الحنيف

أن أهم شرط في الزوج يكون الدين والخلق

لانه من خلالهما سيتعامل مع زوجته وربما إستطاع بحسن خلقه أن يجعلها تحبه وتغض الطرف عن المظاهر والتقليد ومجاراة غيرها من الصديقات والمعارف, وتقدر ظرفه وتكتفي بما قسم لهما وتصبر إلى أن ييسر الله الامور

وخذوهم فقراء يغنيكم الله

ومهم جدا أن يكون هو صادق مع نفسه وأمين على عهده مع الله ويخافه فيها فلا يظلمها أو يقصر معها لو أسبغ الله عليه من نعمه ويقدر تضحياتها وصبرها وحبها في المستقبل

أسيرة الأمل كلامك صحيح لكن من يقتنع بهذا الكلام؟