الله يعينك ايمعي نصايح البنات ومبدئيا اقولك كل 3ايام اغسلي السراميك بالذات الصاله والممرات والحمامات ..وبعدين غسلي مناشف ودايما خلي هاذي المناشف نظيغه مره ويوميا حطي المنشفه فمويا وديتول وامسحب كل السراميك بعدين جيبي منشفه ثانيه وجففي وﻻ تخلي احد يدعس عليه الا لاجف واقسمي بيتك لجزئين عشان كل مره تغسلي جزء وع بال ماتغسلي الجزء الثاني يكون اﻻول جف وغرفة النوم اول ماتصحين رتبيها واغسلي المفارش كل ماشفتيها تحتاج غسيل ....المطبخ طريقتي فيه خليىدخلتك مره وحده يعني طبخ وتنظيف ...يعني ﻻركبتي الغدا وهو ع النار ابدئي اشتغلي فالبدايه رتبي المغسله وشيلي النحاس الناشفه ورصي اللي تحتاج غسيل بعد ماتكوني نظيفتيها من اﻻكل الزايد ورميتي الزبايل قشر البصل وزي كذا ..ذحين حطي مويا وفيري واتركيها ﻻتبدئي غسيل روحي رجعي كل شئ مكانه وغسلي الاسطح حقت الدوﻻب ومسحي البدقاز الجهه اللي معاليها شئ المهم نظفي كل شئ واخر حاجه غسلي النحاس ...انا هاذي طريقتي فالمطبخ نصيحه اعتمدوها ﻻنك غصب بتخليىمطبخك نظيف ارتبي النحاس حقت الغسيل على المغسله واتركيها ونظفي مطبخك وﻻخلاصتي ومايبقى اﻻ الارضيه ابدئي اغسلي النحاس والفكره منها ﻻن مطبخك بيقعد نظيف طول الوقت ﻻن مستحيل بتتركي النخاس مانغسلت  ﻻكن ممكن لاغسلتي النحاس بتتكاسلين وتمشين عن الدتيا حوسه...طيب بعد ماخلصنا غسيل نحاس روحي للارضيه واذا شفتيها نزيفه بس القريب من المغسله والبدوقاز هو اللي يبغاله تنظيف بستمرار

كمان بقولك طريقه دايما اسويها كنت مره ماحب اطبخ واتثاقل الطبخ بس ذحين عقلت وحمدلله بديت احب الطبخ...المهم الطريقه هو انك متى ماصحيتي وكنتي فايقه اطبخي بس راعي ان الوقت هذا يكون المحروس فالعمل ماعدا بعض الحاجات زي الرز سوي بس المرقه اما المحاشي واﻻدامات معليك اطبخيها حتى لو العالم شمت ريحه الثوم ع الصباح ﻻيهمك امس الساعه سبعه اشم ريحه طبخ ...

وفيه نقطه بقولك عليها بتفيدك خصوصا اذا كانت غسالتك عاديه او ماعندك مجفف حراري طبعا فالبدايه انصحك تشتري هاذي الاشياء وكل الاجهوه مريحه صراحه

المهم النقطه اللي بنبهك عليها ان تخلي يوم مخصص للغسيل وجيبي كذا منشر وكثري مﻻبسكم والله كنت اخلي زةجي غصبا عليه يشتري مﻻبس له كثيره حتى تكفي اقل شئ اسبوع اما فايقه كل يومين اغسل...المهم حددي هذا الوقت وﻻتسوي وﻻ شئ معه ﻻن بصراحه مجربه اكثر من شغله فوقت واحد تجيب الملل وتطفشي ...



اممم اش كمان انصحك فيه اهم شء التنظيم والمكملات اي شئ تحسي  انه بيفيدك ع طول شوفو ميزانيتكم واشتروه

بنسبه للكوي انا كانت طريقتي انو احط شرشف كبير واجمع كل المﻻبس اللي تحتاج كوي وكل مافقت اجلس ع اﻻرض وقدام التلفزيون واجيب فراش واحط شرشف وابدا اكوي وراي انك تكوي المﻻبس الضروريه فالبدايه انا اقل شئ اكوي 3غيارات لزوجي ...المهم متى ماتعبتي رجعي المﻻبس واذا رقتي اكوي وكذا المهم ﻻدخلي وﻻ شئ فالدوﻻب مو مكوي صراحه موحلو منظر الدوﻻب وهو مو مرتب ...اذا تذكرت شئ اقولك ذكريات والله  مع الحوسه للان مانسى ايام الدراسه ياكنت حوسه والله احيان ابكي واقول خﻻص بروح مابغى الجواز ...هههه 

ايوه تذكرت لو احد من اخواتك او اي احد عنده شغاله تعاملي معها خليها تجيك لو فالشهر مره ومو تسوي هباله وي وحده اعرفها تجيب شغالات وتخليهم يغسلولها ويكونها وهاذي الشغلات اللي يومين وماحتاجه شغل من جديد ...ﻻياعسل خليها تنظف تنظيف عميق الجدران المراوح الستلير اوجه المكيفات الحمامات بتختصار الاساس صدقيني بعد كذا بتحسي الدنيا سهلت عليك والله يعينك اعرف طولت ....

التنظيم ثم التنظيم ثم التنظيم في كل شي هو اساس نجاح كل شخص وخااااصة حنا يا الزوجات اول شي نظمي نومك والله للتتغير وتيرة حياتك بشكل كبير تجي تقولي اولادي مسهريني ونومهم ملخبط معليش راح تتعبي في البداية بس نتايجها حلوة وبعد كذة راح تلقي وقت لكللللل شي ابحثي نافي عالمنا الرايع عن الاكلات اللي تتفرزن واسماء المنظفات وكيف التعايش مع امور الحياة المختلفة راح تستفيدي كثير وفغلا نصيحة الاخت احلى ريتال ممتازة لان نبينا محمد لا ينطق عن الهوا اتمنى انك تستفيدي من نصايح الاخوات واهم العزيمة والثقة في النفس لاااا تقولي ما اعرف بالعكس قولي لنفسك وللكل انا اعرف واعرف مع المثابرة والتجديد في حياتك اليومية اسال الله ان يسخر لك زوجك ويشوفك المرة السنعة

لازم تنظمين نومك ونوم عيالك وبعدها تتنظم حياتك
نامي بدري 10-11- بالكثير 12 واصحي بدري مثلا مابين ال 6 و 8
واطبخي الوجبات في اوقاتها .. ان زوجك اكل كان بها واذا مااكل عليكم بالعافيه لك ولعيالك
وبس

مشكورات خواتي بس مشكلته هو يسهر واذا نمت بدري على كذا ماراح نتقابل ابد ،، وهو دايم خليني براحتي اسهر بتنامين نامي ولاجا سوا ازعاج يتقلب ع السرير يفتح الدولابات يستمع لمقاطع بجواله يعني اشياء كثيره وانا من كنت عروس تعودت ما انام انتظره ومرات اسوي نفسي نايمه ما اكون نايمه واشوف كل هالازعاج

أكثري من قول
لا حول ولا قوة الا بالله