بسم الله الرحمان الرحيم ...
اولا / وعليكم السلام ورحمة الله وبركاته ...
ثانيا/ انا باكتبلك ردي بكل امانه وبالمقابل ابيك توعديني تقرأينه وتستوعبينه بكل امانه.... وماشاء الله الاخوات كفو ووفو..

نجي لمشكلتك ... اوو مانسميها مشكله هي مجرد سوء تنظيم فقط...
نبدا/

اولا/ التظيف والروائح ....
1-منظفاتك اعتمدي للحمامات العملاق الاخضر + شوية كلوركس وكذلك للارضيات لو كان بيتك سيراميك....
2-التنظيف العميق تكفي مرره اسبوعيا ..... ويوميا اول ماتصحي من النووم تمسحي الحمامات وترتبي غرفة الجلوس..
3-المطبخ تنظيفة يكوون بعد الوجبات .... وللمواعين فيري +كلوركس ... والثلاجه مره في الاسبوع ...
4- الملابس خلي غسيلك مرتين في الاسبوع اختاري يومين مناسبه لكي فيها يكون غسيلك + يوم في الاسبوع جهزي ملابس اسبوع كامل بمعنى اوضح (لنفرض يوم الجمعه تجهزين لنفسك 7 لبسات للاسبوع كامل ووملابس نووم وكذلك
لزوجك ملابس الدوام +ملابس طلعاته وكذلك لاطفالك ) هذي الطريقة توفر عليكي كثير وماراح تاخذ منك اكثر من ساعه مرره وحده في الاسبوع ....
5/ البخور والفواحات / هنا نقول الناس اذواق ولكن من انواع البخور اللي ريحته زينه مشلف وفيه العود اللي اسمها روعه هذي يعني اسعارها رخيصه وريحتها حلووه ...
الفواحات عندك الفانليا من بودي شوب والتوت البري من نكتار .... وللملابس فيه روائح في زهور الريف تجي حبيبات وتنثرينها في الدولاب ... وممكن المسك المكعبات بس لفيه في شاش عشان مايعدم الملابس ...

ثانيا/ الطبخ .....
هنا انتي حسب الللي يناسبك ... ولكن كافكار بسيطه ....
اي يوم وزوجك بالدوام ممكن تجهزين اشياء لبقية الاسبوع ...
يعني تسلقين دجاجتين ثم تسحبينهم من العظام .. تفرزنين جزء عشان اذا سويتي مكرونه مثلا ...
وجزء تسوين منه كفته .. وفرزينها .. الكفته ممكن تقلينها مع العشاء او تسوينها مع ايدام....
ممكن تسوين عجينه وتسوين منها فطاير جبن وبيتزار وفرزينها وقت جلستكم بس تدخلينها الفرن وتقدميها مع شاي
او عصير ....ممكن لو عندك لحم تطبخين لمرتين مع بعض وبعدين تقسمين كل جزء لحاله جزء مع مرقته ممكن تسوين فيه مرقوق ... الجزء الثاني مع مرقته على الفريزر وبيوم ثاني ممكن تسوين معه رز ..كبسه يعني .... والافكار كثيره .. والحلى اي شي سهل ليومين في الاسبوع ....
لاحظي هنا قبل كل فكره كنت اقول ممكن لان ممكن انتي حابه تسوي وعندك رغبه .. وممكن لا.... ولان انتي اللي عارفه زوجك واطفالك ايش يحبو وعليه تبدئي تحددي ...
وبالنسبه للرز فيه طريقة ذكرتها احدى الاخوات االي هي تكونين منقعه الرز قبل بوقت وبعدين تظيفين الماء اعلى عن الرز ب1سم تقريبا وهذي اظبط طريقه بالنسبه لي....

ثالثا /وهو الاهم نفسك ....
1/قوي علاقتك مع الله وحافظي على اذكارك خصصي لك ورد من القران ولو صفحه ... وصلي ولو ركعتين في الليل وبتشوفين كيف يطير عنك الخمول والكسل....
2/خصصي لنفسك كل يوم ساعتين .. ممكن ماسك شعر وجه مرتين في الاسبوع او حسب جدولك + شاور +استشوار المشكله تجيك وحده تقول مافي وقت او زوجها يكون مطفشها وعيالها وتقول مافي احد يستاهل وانا اقول نفسك تستاهل ...تستاهل انها تشعر انها انثى بكل ماتعنيه الكلمه وهذا ينعكس على حياتك طبعا ....ولكل وحده تشوف ان مافي وقت انا اقول لها حاولي وبتشوفين النتيجه باذن الله وكيف ينعكس ذلك على نفسيتك وبيتك ايجابيا....

3/خلي لك دفتر خاص فكل يوم افتحي صفحة جديده وسطريها بالنصف واكتبي فيه اليوم عملت زين في (فلانه) اسمك .. وفي الجهه الثانيه اليوم عملت شين في (فلانه) اسمك.. وابدئي ..اكتبي كل يوم تحت الجهه المخصصه.زعقت على زوجي ...اطفالي .. رتبت بيتي ... صليت فرضي ... ضيعت وردي ... اهملت نفسي ..اهتميت بمظهري ..اتكلمت في فلانه ...تصدقت ..طولت على النت.االخ حتا عادتك الغذائيه السيئه ...وبيوم افتحي دفترك وانتي لحالك وشوفي ايش سويتي...طبعا هذي الفكره اخذتها من دكتورة الله يجزاها كل خير وفادتني كثير وهذي دعوه للمصالحه مع النفس ...ودعوة لمحاسبة النفس وتصحيح العادات والسلوكيات الخاطئه...
4/النت + الجوال +الواتـــــــــــس مضيعه للوقت ولذلك حدديلها وقت معين في يومك فقط لاغير ....


في النهاية اوعديني تطبقين لو اسبوعين واستنى ردك ....والله يوفقك ويسعدك ويحفظلك اطفالك ولجميع الاخوات .هنا بالمثل......

دعواتك.............

الله يعينك

حبيبتى خليك مع عالم حواء راح تتعلمى منه الاكلات الطيبة والله يعنك ويسهل عليك

بالنسبه لطبخ انصحك بكتاب النخبه روعه للمبتدئات طبقيه بالحرف الواحد وراح تدعين لي 

خليه يجب خادمه لو تجي الصباح وتروح الظهر
عشان تفضي للطبخ
بلا للسان طويل وقلت ادب قليل زوق هذا