ساعدوني في نفاسي بكرية داجة

مراحب


أنا تو والده الحمد لله وتو صغيرة وما اعرف اي شيء في النفاس

عندي كذا سؤال للخبيرات وراعيات التجارب

بسم الله

اول شيء بالنسبة للخيوط :
كم يوم تجلس على بال ما تطيح لأنها من جد مسببة لي قلق نفسي :44:
اخاف تطيح والجرح ما ألتئم لأني بكل صراحة ( ما أعرف كيف أغسل واتنظف بطريقة ما تطيح الخيوط )
( مره أحك / ومره أفرك / ومره بهدوء ) :icon33:
وهل الغسول لازم ؟
لاني ما استخدم غسول بس اتنظف بموية وبعدين احط كريم يا ميبو او فيوسيدرم واصب على الفوطة شوي خواجوا وسلام عليكم
وانا فيني كحة ذابحتني ذبح ناشفة هل صدق تأثر على الخيوط :(
بالنسبة للدم ما أحس يطلع كثير مثل ما سمعت وقريت انه يملا الفوطة ويطلع قطع متكتله وما أدري إيش والله أن دم الدورة اكثر منه أنا بس خط
مدري احس من اكلي الزفت هو اللي مخلي الدم كذا وشرأيكم أنتم ؟ :44:


ثاني شيء بالنسبة لاصوات البطن
انا فيني اصوات ودبدبه قسم بالله مليت أنا ما أشرب اي شيء
بس فطور / غداء / عشاء
يعني كمون / دراسين / يعني شيء عشبي دافيء ما أشربه هل ممكن يكون هو السبب :09:


الشيء الثالث :
تحممت وجففت شعري وباقي فيه شوي موية ورحت قبال المكيف والحين لي يومين صاكني صداع نصفي
لما أجي أكل يألمني :44: وأنا خايفة يكون فيني هواء في راسي وأبي أعرف وش العلامات عشان أتأكد :06:


الشيء الرابع :
أنا دايم يا جالسة يا على جنب وإذا جيت أتحرك تألمني أرحامي :(:(
مدري وش السبب ؟!


انا ما استخدم من اللهومات الا ( حلبة / رشاد / حبة سوداء / كمون ) < خلطتهم مع بعض وبعدين إذا جيت آكلهم أحطهم مع زبادي بارد وآكلهم .. عادي ؟


تكفون إذا فيه شيء خطأ علي أو ينقصني شيء علموني ترى أنا صغيرة ولا أعرف في هالامور شيء


والله يسعد من تعبرني