فعلا المفروض الام تعلم بنتها عن الحيض وغشاء البكاره والزواج بس بأسلوب حلو يعني ما تخوف البنت من هالاشياء ..

مثلا عن الحيض تقول لها انه هذي علامة البلوغ للبنت وانها شرعا صارت مكلفه مثل الكبار وانها خلاص صارت كبيره وتقدر تلبس لبس الكبار وتحط مكياج خفيف بناتي ... يعني تخلي المسأله مشوقه وممتعه لها

نفس الشئ بالنسبه للزواج المفروض بكل يوم تعطي بنتها درس بفن التعامل مع الزوج وطاعته ولازم تشوف طبعا امها قدوه بأحترامها وطاعتها لابوها ..

وبالنسبه للجنس تعلمها انه هذا امر الله وانه خلقه في كل البشر وحتى الانبياء اشرف الخلق وانه شئ جميل اذا صار بالحلال وفاحشه وكبيره وعار اذا صار بالحرام

ولازم تنبه بنتها عن غشاء البكاره من يوم يصير عمرها على الاقل تسع سنوات وانه هذا اجمل شئ خلقه الله بالبنت ولازم تحافظ عليه من اي شئ يضره وطبعا بدون تخويف حتى ما يصير عقده لانه للاسف الشديد عقدة والهاجس الكبير للبنت العربيه هو غشاء البكاره والسبب الرئيسي لهذي النظره هم الاهل وطريقتهم الخاطئه بتربيتهم للبنت !!

(الموضوع مومستاهل هالتكتم شنو اسرار الدولة مايبون يتكلمون عنها )

ايييييي والللللللله خخخخخخخخخخ ضحكتيني

لاتزعلون مني هذا جهل وليس حياااااااااااااااااااااااااااااااء

جهل جهل جهل .. لاحياء بالدين ومن حق البنت على امها تعلمها بكل شي باسلوب محبب مو تخوفها وتسوي لها ارهاااب بعد !!!

يا اوادم ترى الغريزه فطره حتى الحيوانات نشوفها ........... في لحظاتهم الخاصه

وثبت علميا ان هناك شهوه لدى الطفل لكنه لايفهم معناها ودليلها الاحتكاك باي لعبه او قطعة اثاث

يشعر باثاره لكنه لايفهمها

وترى الدين علم ونور .. قلة الادب هو خدش الحياء بألفاظ وقحه وافكار قذره

لكن حرام نقول عن العلم والتفكر قلة حياء لان الانسان لديه عقل

والمرأه ليست بقره حتى تساق الى زوجها عمياني !!!

هذا زمان اول ولى وانتهى الله لايرده

افكار من الجاهليه .. الله يعز دينا اللي حثنا عالعلم والتعلم حتى في هالامور .. والنساء قديما كانوا يسألون عائشه رضي الله عنها والرسول صلى الله عليه وسلم

وكانوا يشجعون المرأه في تثقيف نفسها بأمور دينها ودنياها

وانتبهوا !!! للكلام

سلااام :26:

معقولة!!
انا بنت .. و كل اللي كبري يعرفون بهالسوالف .. يعني احس صار كل بنت تفهم في هالاشياء ..
احنا بنات في المدرسة و شوفينا اذا نسولف نفهم كل كبيرة و صغيرة .. ((تعتبر قلة حياء و لا لأ.؟؟؟؟))

وما اصدق وحدة هالايام ما تعرف شي من اللي يصير ليلة الدخلة!!!
ثانيا احس هالشي فطرة .. يعني البنت هي من نفسها تسأل و تقرا و تدور .. و تعرف بروحها ..

يعني ما يحتاج احد يقعد معاها و يعلمها ..

اتوقع في الزمن هذا من الي ما يعرف حتى الاطفال

انا صادفت طفلة قالتي بلاوي عن الشي هذا انا كش جسمي

قلت زمن فضائيات ودشوش وخراب اللة المستعان

هل من المعقول انه مايكون عند البنت اي خلفيه
هل من المعقول انه لازم احد يقول للبنت
اسمحولي كلامكم غير منطقي
هل معقول فيه احد مايعرف على الاقل ابسط الامور
في اي زمن احنا
البنت تتزوج وماتعرف شي ؟<كلام فاضي>