فعلاً تعب احس أني شغاله مني زوجه عجزت في البيت والاطفال أنا من أتزوجت وأنا عندي شغاله تروح هذي وتجي غيرها
ماقدرت على الشغل والطبخ والاهتمام في الاطفال ماأجلس مثل المكنسه ما أطفي اطبخ وغسل واكنس وارتب وامسح :time:
وكل هذا التعب البيت حوسه والمطبخ باقي فيه موا عين :angry:
اقول الدعاء والحمد الله على كل حال
جلست ست اشهر من غيرشغاله كاني كرفت ست سنوات
عجزت استغني عنهن:cook:

الشغل الى عندي مايخلص لو بيجي عندي احد تشوفيني من الظهر وانا ارتب وامسح وسوي حلى ويجي المغرب وانا ماخلصت كرهت ان يجي عندي احد
زوجي يقول اخيرارتحت من الشغاله اخيراً البيت صار نظيف
وأنا مسويه حرب بيني وبينه ابغى شغاله ماقدار على البيت والاطفال لوحدي
أنا اعترف ماأقدار يعني ماأقدار
فيه حرايم يقدرون على الشغل والكرف ما أشاء الله عليهم

وعندي مشكله بعد أذا راحت الى السوق وماعرف اشتري وهم معاى ماعمري اخذتهم الى السوق أذا راحو معاى ارجع وحتى علبته منديل ماخذتها
مشكلتي اني اكره البيت حوسه
جربت جميع الطرق والوسائل بس مانفع معاي
اهم شي الدعاء وقراة القران
والحمد الله

أنا مشكلتي .. تشبه مشكلتك ..
أشتغل وأرتتتتتتب لحد ماأطيح من التعب .
بس أسوي شغله وحده .. ينحاس المطبخ من أول وماكأني سويت شي !!!
الترتيب يا خذ مني وقت كبير مع ان بيتي مو كبير ..
ومثل ماقلتي .. ناس أعرفهم ماشاء الله تبارك الله الله يبارك لهم ويتمم عليهم نعمته .. لو تروحين لهم فجأه .. يسنعون البيت ويجهزون حلا وكيك ..
ويلبسون ويلبسون عيالهم ويبخرون .. بوقت قصيييير جداً كونهم ماعرفوا ان ناس بيجونهم إلا الساعه 2 الظهر .. وبيجونهم بعد صلاة العصر ..
ودي أصير مثلهم ..
لو قال لي حد بنجي أتلخبط وماعرف من وين أبدأ .. لأن بيتي صغير نوعاً ما ومفتوح على بعض .. والغسيل منشور بالصاله .. والألعاب بكل مكان ..
الله يعين ودي .. أصير سريعه بالشغل ومنظمه لأني طول اليوم أحوس بدون نتيجه ..
بس أنا أعترف ان مشكلتي بالسهر .. لأني إذا قمت .. أكون ماشبعت نوم وطفشااانه ومالي نفس اسوي شي ..
بعكس قبل لما كنت أصحى بدري كنت أنجز شغل كثير بوقت قصير ..

ننتظر آراء السنعات .. عسانا نصير مثلهم ..

يمكن لانك مرتبة زبادة عن اللزوم
يعني تقضين وقت اطول من غيرك بتنظيم الشي وباهتمام وعن رغبة في العمل
عشان كذا مايمديك تخلصين اشياء كثيرة
لكن بالاخير تطلعين شي مرتب ومنظم مية في المية

انا مثلك اعاني والسبب مافي شي يقنعني ابي الشي مثالي وكامل

أنا طالبة وبالدراسات العليا وكمان عندي بنات الله يهديهم ما يحطوا يدهم في الشغل لا في أيام المدرسة ولا في الاجازة بحجة نبغى نرتاح من الدراسة نجي لشغل البيت المهم أقلك ولكل الاخوات شيء تعلمته من الشغالات الاندنوسيات علشان تنجز بشكل اسرع طوال ايام الاسبوع كل يوم غرفة واحدة بس امسكها بالكامل من تنظيف طيق ونجف ومكيف مثلا يوم السبت امسك غرفة النوم ويوم الاحد غرفة البنات ويوم الاربعاء أكون مخلصة كل الغرف ومستعده للضيوف والخميس للطلعات واذا مافي طلعة اجلس ارتاح ابدا ما احاول أسوي شيء ختى لا أمل والجمعة أغسل أما الكوي ما اقدر عليه طبعا الشي الثقيل فاجيب وحده تكوي بس ... وأهم شيء ياحبيبتي الشغل في الصباح فيه بركة ونشاط عجيب بسب دعوة الرسول صلى الله عليه وسلم اللهم بارك لأمتي في بكورها ( يعني اذا قمتي من الساعة 5 وصليت الفجر ثم اعددتي الفطور وكنست البيت ورتبتي الساعة 8-9 تمسكي الغرفة تخلصي الساعة 10بالكثير 11لأنها نظيفة من الاسبوع السابق وبعد كده تطبخي وجي زوجك تتغدوا اما تحبي تغسلي الصحون أو تنامي القيلولة وبعدين تغسلي حسب رغبتك بس انا افضل اغسل وبعدين انام ) وكذا تكوني طول العصرية فاضيه و على كيفك اما تذاكري لأولادك أولزوجك أو لضيوفك) كمان اقلك على سر في اذنك اذا انتي مو سريعة في اعداد المعجنات وهذه الشغلات فيه حريم يسوا ويبيعوا اشتري وحطي في الفريزر وتباهي قدام ضيوفك كأنه شغلك وكمان ما عندك شغالة يا سلام .............. والله يعينك على الكرف

اختي الغاليه لاتقلقي هذا طبع وانا مثلك بس يطلع الشي من تحت ايادينا زي الفل :26:وانا مااحب اشتغل في البيت كثير بس لانويت اشتغل الله يعين الشغالات يعرفوا انو من يوم امسك البخاخ والمناشف يشيلو همي واظن انه من انواع الوسواس لأنه اروح واجي امسح اثر البخاخ وعلى كذا :09: