ســــــــاعدووووني أتـــــــــــــــا فــــــــي خــــــــطــــــر !!!!

حبيبتي
هلا فيكي في منتدى عالم حواء
روحي لأرشيف قسم الرجيم وإن شاء الله تلاقي اللي يناسبك وترتاحي عليه

تحياتي لكي وخلي ارادتك قويه وشيلي اليأس من تفكيرك
خليكي متفائله على طول:41::41::41::41::41::41::41::41::41:

هلا ياشعولة ::
والله ياقلبي انتي لازم تقتنعين انك تبغين تسوين رجييم ورياضة :27: وانتي ماشاء الله عليك طويله يعني اذا نحفتي بتصيرين مسكتة:42: لا وعارضة ازياء بعد اول شي جيبي ورقة وقلم: وحددي اهداف لازم توصلينها\
مثلا الهدف الاول :120 كيلو
الهدف الثاني 100 كيلو وكذا:39: واعطي نفسك فترة معقولة يعني ان شاء الله مايجي الصيف الجاي الى وانتي نحيفة وينادونك الناس بشعولة الرشيقة
و حددي وش الاشياء الي تحبينها ودوري رجييم يحتوي عليها :cook: انتي ادخلي الارشيف واختاري:17:
وفي شي انا نفعني مرة:27: انا حاطة عند باب حمامي الله يعزك صورة لوحدة نحيفة ووحدة سمينة وحاطة جدول:33: وكل اسبوع اقوس واسجل وزني :22: وكل مااشوف نفسي نحفت اتشجع اكثر واكثر:p ويارب ينحفك وينحفنا كلنا قولي امييييييييين

صراحة الله يساعدك .. ماشاء الله وزنك مو قليل .. بس كل شي يعتمد عليك انتي .. انتي و ارادتك .. احنا ما نقدر نسوي لك شي ..

اهم شي ارادتش و حطي هدف معين .. و تحدي نفسش .. و تصممين عليه ..

صدقيني الارادة تسوي المستحيلات .. و أهم شي أهم شي لا تنسين الدعاء لرب العالمين ..

و صدقيني اذا سويتي جدي .. بتصيرين احلى رشيقة .. :26:

حبيبتي بداية المشوار راح يكون صعب لأنج بتكونين متعودة على الأكل
في أي وقت وأي شيء كان ..وأنا كنت مثلج كان وزني 107
والحين74 يعني قربت من عالم الستينات
إلي عمري ما حلمت أوصل للسبعينات
كانت إرادتي ضعيفة جدا وما أحب الرياضة أبدا
وكنت أحسب كم لازم أنقص حتى أوصل للوزن المثالي وأشوفه وايد مثلا 40 أو....
وأتحبط وايد وأقول عمري ما راح اقدر أنزلهم
وهذا غير إلي يلبسون ويغيضوني


1- بعدين حطيت أهدافي إلي لازم أضحي له
2- كنت أحصي لي فقط أنزل 5 كيلو وأنزلهم واكون وايد فرحانه بهم
وبعدين احطي لي هدف ثاني لين ما وصلت الحين وراح أكمل المشوار..
3- ما كنت أحب الرياضة بس كنت أجبر نفسي على المشي
والحمد لله صرت أعشق المشي وحتى الرياضة ما أقدر أستغنى عنه ولا يوم
4- أكثر من المشروبات الساخنة مثل الشاي الأخضر والمرامية
5- ما صرت أشرب الماء البارد أو الببسي إلا نادرا
6- بدلت أكلي إلى منخفض السعرات
7- كنت أحيانا أدون الأكل إلي اكله في مذكره وأحسب سعراته
وهذا الشي ساعدني وايد لأني يوم اشوف السعرات وايد أحاول أقلل أكل في اليوم الثاني

وصدقيني صرت أحب أخفف أكلي

وأنت بما أن وزنج ماشاء الله وايد مع الحركة والرجيم راح ينزل ابسرعة
وخاصة إذا ما كنتى إمسوية رجيم من قبل
وهذا فعلا من تجارب البنات عندنا في المنتدى


بس حبيت أقول لج عن تجربتي للتشجيع والفايدة
واسفة على الإطالة

هلا عزيزتي شعولة شوفي يالغالية الوصول للرشاقة مو بعيد ولا صعب صدقيني ان شاء الله بتنزلينها بكل سهولة بس خلي هدفك واضح قدامك وحاولي المستحيل علشان تحققين هالهدف انا حالياً علشان وزني كبير ماشية على التخفيف في الاكل والحمد لله نازلة شئ طيب باقولك على طريقتي انا جايبة دفتر اكتب فيه يومياتي مع الرجيم وايش اكلت وكم نزلت بالتواريخ واليوم ومسوية جدول بأيام الاسبوع واكتب على راس الجدول الوزن الحالي والهدف اللي ابغى اوصله حالياً وخلي اهدافك دايماً تكون صغيرة يعني انتي اول اسبوع 148 قولي بعد شهر بيكون 140 ان شاء الله وبالنسبة للجدول كل يوم تحققين فيه النجاح وما تخربين الدايت ارسمي لنفسك نجمة ولازم تخلي يوم بالاسبوع تاكلين فيه وجبة وحدة بس مفتوحة ويفضل تكون غذاء وامشي على رياضة طلوع الدرج ونزولة 10 مرات مع حساب الطلوع دون النزول ولو قدرتي تمشي يفضل بعد تمشي انا اطلع الدرج وانزله مرتين باليوم على حسب مقدرتي وبالكثير 10 مرات في كل مرة ولو تتابعين مع اخصائية يكون افضل وبالتوفيق عزيزتي وبالنسبة للتخفيف افطري 1 ساندوتش صامولي صغير احشيه اي شئ تحبيه بيضة أو مرتديلا أو جبنة كاسات أو 30 جرام جبنة بيضاء أو لبنة طبعاً كله قليل الدسم + شرائح طماطم وخيار
الغذاء : دجاج مشوي أو سمك مشوي أو لحم مشوي + سلطة + كوب رز أو خبز بر أسمر صغير يكون 100 جرام + كوب شوربة خضار
العشاء : نفس الفطور ولو تنامي خفيفة يكون أفضل أو تاكلين فواكه بالعشاء مع كوب لبن

طبعاً كل شئ قليل الدسم لازم يكون وبين الوجبات فاكهة واحد بس يعني بعد الفطور فاكهة وبعد الغذاء فاكهة وحدة بس وبالتوفيق ويارب اكون افدتك وممنوع الدهون