من الدايركت

قصتي تتكلم عن بر الأم وكيف اثره بحياتك
بداية بري بأمي كان من استاذه لما كنت ادرس بالثانوي كانت تقول لنا كل ما جلستوا مع امكم دلكو رجولها حتى لو هي ما طلبت وبديت بتطبيق كلامها ما تتصورن وش كان اثر هذا التدليك علي قبل ما يكون على الوالده بالبدايه كنت انا اللي اسحب رجولها واحطها فوقي وادلكها وبعدين هي صارت من اجلس قدامها تمد لي رجولها مع ان التدليك في وادي وانا في وادي ابد ما اعرف ادلك بس كنت اتحسس رجولها كنت احس الحنان منها ولو يمر يوم ما ادلكها افقد هذا الشيء وصار هذا الشيء من عاداتي اليوميه طبعا ما تخلوا جلستنا من السوالف كنت كل شيء اسولفه لها يصير معي بالجامعه لو اشياء سخيفه كنت ادري انها طفشانه احيانا اختلق قصص من مخي بس عشان اسليها اذا ما كان عندي سوالف وصرت انا روحها وصديقتها صارت تشاورني باي شيء تسويه وما تستغني عني ابد ولا انا استغني عنها وشفت اثر هذا الشيء البسيط بحياتي ما كنت اتمنى شيء الا ويصير قدامي من غير ما اطلبه كل شيء ربي يسهله لي ويوفقني له صرت اطلب رضاها اكثر وكنت ادعي ربي بكل سجده يزيدني بر فيها عادتي اليوميه هذه ما اخليها كنت احاول ما اخلي امي تجلس لحالها وتطفش دايم معها لين تنام كنت اقدمها على كل شيء على واجباتي واختبارتي واحيان كانت تسهر واذا راحت تنام والى النوم غالبني وكان عند واجب بالجامعه لازم احله ومن بكره اروح الجامعه والقى صديقتي حالته لي اروح الاختبار وانا ما ختمت المنهج واخذ الدرجه الكامله بـ دعاء امي لي وبرها كنت ارضيها على رضى نفسي وهواها وماكنت القى نفسي الا راضيه ومقتنعه بالشيء اللي سويته عشانها تفوقت بالجامعه مع اني ما كنت شاطره ايام الثانوي وكنت متاكده هذا التفوق من بري لها كنت بالجامعه كل الناس تحترمني وتحبني من الاستاذات والطالبات والعاملات وكنت متاكده انه هذا الشيء من فضل ربي علي وبري بأمي خلصنا الجامعه وتخرجنا وكنا ننتظر العريس بيوم من الايام تمنيت شخص من كل قلبي انه يكون زوجي مع اني كنت متاكده انه هذا الشخص متسحيل يجي ياخذن لـ اسباب عائليه ومرت الايام ونسينا هالامنيه ويجي العريس اللي تمنيته وكلن استغرب كيف جاء وخطبني وسجدت سجود شكر لربي وكل هذه الاشياء ماتزيدني الا بر فيها بملكتي كنت اتمنى انها تكون بترتيب معين والله اللذي لا اله الا هو طلعت احلى مما اتمنى وبدون ما اتكلم ولا كلمه تزوجت وجبت بنت
#اللهم صل وسلم وبارك على حبيبنا ونبينا محمد صلى الله عليه وسلم

من الدايركت 😻
قصتي مع ولدي عمره سنة و نص كنت أقرأ القصص اللي تنزليها على العصرية تقريباً قصة اننا نستودع الله كل شي و دايم انا مع هذا الدعاء ف حلي و ترحالي يا رب لك الحمد 💕
المهم ولدي ذا معايا في المطبخ و يحوس و انا خرجت و تركته و طلع ورايا و في يده شي حاولت آخذه و رفض و على طول حطو في فمه و انا ما شفت شي 😑
المهم قلت بكيفك استودعتك الرحمن يا ولدي 😤
و الله اني قلتها و انا متنرفزه منو لانو راااافض 😕
و كملت اشغالي و لحق ورايا و قفت عند صبارة المويه و طلع الشي اللي من فمو يغسله يعني بما اني مشغله المويه
اطالع فيه
و ربي اني حضنته و حمدت ربي و سجدت سجدة شكر
تخيلو قزازه لو بلعها ايش ممكن يصير
الحمدلله أن ربي حفظه لي من كل شر
#لا اله الا انت سبحانك اني كنت من الظالمين

من الدايركت

سالفتي من تقريبا سنتين .. كننا طالعين مع ابوي ووقفنا عند اشارة الا السيارة اللي جنبنا ددسن ابو غماره وفالصندوق راكبين حريم وبزران .. المهم انا يوم شفتهم جلست اضحك اقول خخير فشيله واقفين عند اشاره وفالصندوق .. قال ابوي احمدي ربك لاتركبين زيهم .. جلست اضحك اللي مافيه امل محد اعرفه معه ددسن يعني مافيه امل اركب فصندوق .. المهم اليوم الثاني الفجر ابوي سافر والضحی جاء خالي قال لامي وش رايك نروح الشرقيه ..( حنا من الرياض ) .. وافقت امي واتفقو خوالي ان بعد العصر بنمشي الشرقيه .. جهزنا اغراضنا وجاء العصر واجتمعو خوالي وبنسافر بسيارتين والسياره الثالثه بيلحقونا المغرب .. ولان عددنا كبير شوي اغلبنا ف اليوكن والباقي فالفورد .. مسكنا الخط وبعد تقريبا ساعه ونص عن الرياض انقطع السير حق مكينه اليوكن والسيارة معد تمشي .. وطبعا نزلونا وطلبو السطحه واتصالات مع السياره اللي مابعد جت عشان يجيبون قطع غيار لان مافيه قطع الين الشرقيه .. المهم كنا نبعد عن اقرب محطه تقريبا نص ساعه الی ساعه الا ربع .. وزي ماقلت لكم العدد كبير واليوكن راح مع السطحه وممنوع يركبونا فالسطحه عشان ماتنقلب .. تقدرون تتخيلون اشكالنا و خوالي الثنين وولد خالي و ثمانيه بزران كلهم قدام .. المرتبه الثانيه فيها جدتي وأمي وحريم خوالي الثنتين والبنات الكبار .. وطبعا امهات عيال تقدرون تتخيلون احجامهم .. وانا ادور لي مكان ومافيه امل القی .. شوي نزل خالي وفتح لي الشنطه .. ايش !!؟ اانا اركب الشنطه !؟؟ .. قال ايه وين تبين تركبين 😟 .. قلت لا مستحححيل انا ما اركب فالشنطه .. قال مالك الا هي .. وركبني فوق العفش .. وغطاني بشرشف وخلی الشنطه مفتوحه عشان عفشهم ومشو 😧 .. وانا فالشنطه تذكرت اللي ضحكت عليهم قلت سبحان الله هزوتي ماتعدتهم امس اضحك واليوم انا فالشنطه مب فصندوق واهلي كل شوي يدقون علي يشوفون طحت ولا لا ..
#سبحان الله وبحمده
سبحان الله العظيم

من الدايركت
انا عمري٢٢ يوم كنت بالثانوي كانت تدرسني استاذه كبيره بالعمر شوي بس كان سمعها قوي مٓـٰاَِ شَّـٌَآْء اللّــــ?ٌ وكانت تعاني من الم في ركبها كانت توقف بين الطاولات وتحرك رجولها رايح جاي كنها تشوت كوره 🙈 المهم مرا جات وقفت جنب طاولتي وقامت تحرك رجولها انا لفيت ع صحبتي وقلت لها مٓـٰاَِ شَّـٌَآْء اللّــــ?ٌ باي نادي تلعب وضحكنا هي سمعتنا قالت بكل خفت دم الله يسعدها بنادي الاتحاد يا....... انا سكت ونسيت السالفه تزوجت ولمن حملت صارت ركبي توجعني مرا كني عمري ٦٠ وانا كان عمري٢٠ لدرجة كنت مقدر اوقف غير بالقوه وبعد الولاه تعبت اكثر "الحين بالكومنت بقولو نقص كالسيوم انا الحمدلله كنت كل شهر اراجع عند الدكتوره وكانت تقولي كل شي تمام "وتذكرت الاستاذه وجلست ادعي ربي انه يسامحني ويغفرلي وصرت ادعي للاستاذه والحمدلله بعد شهر خف الم ركبي وحمدت ربي كثير الزبده لا تتريقو ع احد بكرا ربي يبلاكم ❤

#اللهم اجعل كتابي في عليين واحفظ لساني عن العالمين /امين

الغالية نسممة هواء:
إنتقاء رائع يزخ فائدة وعبرة
ويحاكي عقول وضمائر ألجمتها الغفلة، وأعمتها الملذات..!
فهناك من تشبث بدار الفناء وغفل عن دار الخلود..!
قصص ذو مغزى تحمل في طياتها هدفاً نوارنياً يهدي للحق والرشاد..
سلّم الله الفكر المتوقد بالخير والذي أينع بقسمنا فلٌ وكادي
بوركتِ ياعبق!!