من الدايركت
.
.
.
قصة حصلت لي قبل عام ونصف بالضبط

بعدما سجلت وانقبلت بالجامعه الحمدلله اعتمدت اعتماد شبه كلي ع مكافأتي وتعودت ماعد اطلب من امي المهم بعد الترم الاول ينزل معدلي ثمن يحرموني رزقي عقاب لي ^قانون الجامعه تسذا المهم أمي والله ماتقصر علي لو اطلب عيونها بس انا كذا نفسسسي ماتطاوعني اطلب كل شوي مو زي لما تكون فلوسك الخاصه تدلعين نفسك ماطلب غير الاساسيات طقت تسبدي وسمعت عن فضل دعاء ( حسبنا الله سيؤتينا الله من فضله إنا إلی الله راغبون ) قسم بالله يابنات صرت ملازمته كل صلاه وادعي من قللللب وبيقين فعلاً فعلاً كنت اتمنی اشياء واحتاج وقتها بعدها بفتره كتب الله وانفصلت عن خطيبي كنت مملكه و اعطوني اهله نص المهر ! و صارت بيدي ( 25 ) ألف فجأه 💕 فالبدايه مافرحت فيها وماكانت همي تعرفون الطلاق مو شيء سهل مهما كان ! بس بعدها ربي ساعدني وارضاني بالقدر وصرت اتذكر دعاي هذاك بوقت حاجه ولين يوومكم هذا ماخلصت فلوسي لسی منها بالبنك يالله من فضلك اهديت امي واهديت خواتي وسويت كل اللي ابي وزادت بعد الحمدلله
#لا اله الا انت سبحانك اني كنت من الظالمين

من الدايركت

قبل اسبوعين..
كان عندي زواج قريب لي مرره وكنت متحمسه له ابي اكون شي وااو
وقبله بشهر بس اسال عن كوفيرات وابحث في كل مكان في الانستقرام وفي النت ابي مكياج ما يشوه الوجه ويخفي الملامح ويكون طبييعي لقيت بس اسعارهم خياليه واللي ما تصلح الا عرايس 👰
المهم اااااخر شي فكرت اني انا اسوي لنفسي
شفت مقاطع في اليوتيوب ورحت وشريت لي باقي النواقص من اضاءه وشدو لونه طبيعي وايلاينر جديد وكونسلر واخذت روج غامق خلاص قررت اصير كوافيرة نفسي عشان يرتاح ضميري
جربت قبل الزواج سويت بروفه طلع حلو بس مافيه شي مميز !!
قلت بركب رموش مع اني عمري ماتجرأت وركبتها وعارفه وش حكمها بس مافكرت في حلال وحرام كنت ابي اطلع بشكل حلو وبس
رحت السوق انا واختي ودخلنا ماك
واحنا ندور وقفنا عند الرموش واسالها
قالت اختي لا يكون بتاخذينها
قلت ايه عشان انا بسوي لنفسي في الزواج ودي بشي يبرز وش رايك اي وحده اخذ قالت لا مالي دخل ما ابي اساعدك على الشر وطلعت من المحل 😶 ووقفت عند الباب
المهم انا جلست اقلب فيهم واسال وش افضل وحده وطريقة التركيب واخذت لي وحده ورحت بحاسب عليها وانا اطلع بطاقتي احس شي بداخلي قال اتركيها
تغضبين ربك عشان يوم ؟ وشي يقول الزواج مايصير انتي قريبة العريس لازم تطلعين احلى وحده
في النهايه قلت خلاص هونت معد ابيها
مع اني كنت قادره اشتريها والبسها ومحد بيردني بس يعلم ربي اني ماتركتها الا لوجهه
وتركتها وانا مقتنعه بـ"من ترك شيء لله عوضه الله خيراً منه في الدنيا والاخره"
جا يوم الزواج جتني كوافيره وسوت شعري وسويت مكياجي بنفسي طلع شي مرتب ومقنع وطلعت
ورب البيت يابنات اني من دخلت الزواج وانا اسلم بس اسمع وش هالزين يجنن شكلك طالعه جميله ويسالوني عن الكوافيره لدرجة حرمه كبيره وانا جايه اسلم عليها تاشر لي تقول قمر اسم الله عليك قمر
بهذاك الزواج جاني مدح لدرجة طلعت من الزواج يا ارض انهدي ماحدا أدي .
غير اني وانا اتعشى جت وحده ما اعرفها وسالتني عن فستاني ءءءءاااااااا شبعت من الوناسه حسيت اني بريفكت ذاك اليوم
بعدها بكم يوم ارسلت لي بنت عمي جت قالت عطيني رقم الكوافيره وبكم صلحتك قلت ب ٢٠٠ قالت مكياج وشعر ب٢٠٠ ؟؟
قلت لا المكياج انا مسويته قاالت قولي كذا من اول مشالله مضبوط ومحلييك ورجعت تسالني عن كريم الاساس والاشياء اللي حطيتها

ماقدر اوصف لكم سعادتي ذاك اليوم كنت ابي اكون احلى وحده وربي خلاني بعيونهم احلى وحده
نصيحه مني لكل البنات
اتركوا ما يغضب الله والله يُزينكم بِزينَةٍ من عنده
#يارب ارضى عنا واجعلنا من سعداء الدنيا والاخره
امين

ما شاء الله موضوع من أجمل مواضيع عالم حواء ،،




جزاك الله خير وبارك فيك

امين ياقلبي
تسلمين على الدعوات

من الدايركت
انا تزوجت وتأخرت بالحمل .. كل شهر كنت اشتري تست وتطلع النتيجة سلبيه ..
قلت لزوجي بنروح نفحص بنكمل سنتين والناس ماترحم .. رحت وقالت لي الدكتوره مافيك شي بس فيه كيس دم فوق المبيض .. تحطططططمت وخفت وكل انواع الحزن
وقالت لزوجي لازم تسوي تحليل وسوا تحليل طلع عنده مشكله واحتمال الحمل جداً ضعيف .. جلست ابكي ابكي ابكي وفقدت الامل بالحمل الا بعد العلاج اللي ممكن يطول وقلت لزوجي خلاص لازم تتعالج

جات على بالي الايه " واستغفروا ربكم انه كان غفارا
_يرسل السماء عليكم مدرارا
_ويرزقكم ب اموال وبنين
_ويجعل لكم جنات ويجعل لكم انهارا "
وبديت اقرا قصص البنات عن الاستغفار
كنت مؤمنه بالفرج بس اكيد مع العلاج والاخذ بالاسباب قلت له الفتره هذي بنتصدق ونستغفر وبأذن الله مايخيب املنا .. زوجي ماتحمس بس انا كنت مشتاقه لضمة طفل صرت استغفر بكل وقت طول يومي .. وخاصه قبل النوم استغفر 200 واحيان 500 واحيان الف مره .. حطيت صندوق وصرت احط اللي يبقى معاي عشرات خمسات ريالات .. 50 او 100 .. قلت ببالي كل اللي احطه مايضيع ربي بيعوضني .. ❤

استمريت على هالشي وقلت نهاية الشهر بطلع الفلوس واتصدق فيها .. اقسم بالله العلي العظيم اني حملت بنفس الشهر
ورحت تصدقت بالفلوس وانا توي اعرف اني حامل .. فحصت بالبيت بعدين رحت اتاكد بالمستوصف ومريت تصدقت باللي جمعته .. تخيلوا حملت من نيتي ب الصدقه لسى ماتصدقت بنات ادري ان العلاج مهم بس خلي ايمانك بالله اقوى من ايمانك ان العلاج هو سبب الحمل .. وكنت اقرأ سورة البقره بنية الحمل .. قلت قصتي لبنت خالتي المتاخره وحملت بنفس الشهر والله على مااقول شهيد
# لا اله انت سبحانك اني كنت من الظالمين