الله يجزاك الجنه يارب

امين ياقلبي وياك

من الدايركت


بتكلم عن حفظ النعمه
انا اذا بقى مني شي وانا اطبخ او باقي من العشاء
دائما تقول لي امي لاترمين شي حتى لو قليل "من حفظ النعمه حفظه الله "
وفي يوم كنت اصلح حلى 🍫وبقى مني شوي بسكوت متكسر وماينفع لمره ثانيه
قلت بسمع كلام امي واحفظه واحطه في علبه
وبعد فتره طلبت من اختي اصلح لها حلى
وانا اصلحه توهقت خلص البسكوت وبقى اطراف الصينيه ناقصه شكله غلط وماعندي وقت اطلب زياده من البقاله وهي تبيه لضيوف
واتذكر البسكوت الباقي في العلبه الي حفظتها
واجيبه ويكفى لاطراف الصينيه واكتمل الحلى
وتذكرت كلمه امي❤
فعلا حفظ النعمه شي عظيم
(ثم لتسألن يؤمئذ عن النعيم)

من الدايركت

قبل تقريباً ١٢ سنه او اكثر اول مافتحت مستشفى المملكه كان معاذ اخوي اللي عمره تسع سنين الولد النحيف العص الهزيل اللي اذا ركض ركضتين تعب وجلس ساعه يرتاح وكان الكل يتريق عليه عجاز كسول وفوق هذا عصبي ويتهاوش مع ظله

التهبت عنده اللوز وصار لازم يسوي عمليه لوز ويشيلها ترقد في مستشفى المملكه وكانت امي مستخيره لما جاء وقت العمليه ويلتهب ضرسه وتتاجل العمليه ويخلونها يوم ثاني وتستخير امي ويصير شي وتتاجل ثانيه ويقررون تكون بكرا ونفس الشي تستخير امي وبعد تتاجل العمليه بالاخير ملت امي وبدا الشيطان يلعب فيها تقول موب مستخيره وهي وشو كلها لوز بس تعوذت من الشيطان واستخارت وهم بيدخلون اخوي لغرفة العمليات يرتفع الضغط عنده ١٨٠ طفل عمره تسع سنين ويصير ضغطه كذا تجننو الدكاتره وماعرفوله تقول امي الغرفه تعبت كلها دكاتره مايدرون وش يسوون ولا وش السبب لين في الاخير استدعو دكتور من مستشفى التخصصي وكشف عليه وقال ان القلب عنده مرررره ضعيف وانه عاش الى عمر تسع سنين هذي معجزه من ربي لان اللي فيه كان عيب خلقي وانه لو سوا العمليه ماكان طلع منها وكانت الاستخاره عين الخيره وسوو له عمليت قلب مفتوح والحمدلله نجحت الله يحفظه ويرزقه من فضله ومن قال امين

الله الله يا بنات في الاستخاره بكل حوائجكم .

من الدايركت

السلام عليكم حابه انقل لكم قصتي
انا كنت بالثانوي وطبعا كل وحده بالثانوي تفكر بالمعدل وبالنسبه المهم انا وصديقاتي كنا شويه نلعب وكذا المهم بس مانخلي صلاه الضحى مهما يكون حتي لو وقت الفسحه واحيانا لما نقول للاستاذات اننا بنصلي الضحى يقولون انتم تلعبون مافيه طلعه واحنا للامانه نطلع نصلي كان فيها راحه ماتتخيلونها احيانا اجي للمدرسه ماذاكرت وانصدم من سهوله الاسئله مع اني داجه واحيانا اسلم الورقه وانا مااتاكدت من شي وانصدم بعدين بالدرجات وانصدم بالنسبه ولله الحمدلله ومو انا لحالي صاحبتي لاحظو والله كنا نرتاح بشكل ماتتخيلونه يومي يطلع جميل جربو وماراح تندمون ولا راح تتركونها وحتي بالاجازه لاتنسونها والله ماراح تاخذ ولا ٥ دقايق وفضلها عظيم كل مفصل ٣٦٠ صدقه ووقتها يبدا الان من الساعه 5 ونص وتنتهى قبل اذان الظهر ب 10

ولا ننسي قول ابي هريره رضى الله عنه قال : "اوصاني خليلي صلى الله عليه وسلم بثلاث:صيام ثلاثه ايام من كل شهر،ركعتي الضحى،وان اوتر قبل ان انام ❤️ والله يكتب لي ويكتب لكم الاجرر 😻❤️