امين يارب ويجزاكم خير وانا مابي الا اني اونسكم وافيدكم

من الدايركت
في يوم كنا واقفين عند بقالة وزوجي نازل وانا وعيالي بالسيارة ويوم طلع من البقالة جاي اشر له راعي سيارة يوكن جديد راح له زوجي وكلمة ودخل يده بجيبه وعطاه فلوس وجاء
سالته انا وش السالفه قال هذا واحد يقول جاي من بعيد ومامعي فلوس ومحتاج ضروري بمشي الحين
انا تضايقت ليش يعطيه خاصه انه عطاه مبلغ قلت هذولا دايم ومنتشرين نصابين ولهم كل يوم طريقه وشلون صدقته طبعا كان وضعا المادي صعب وبحاجة هذه الفلوس وياخذه هالنصاب
زوجي قال ذمته تحمل
رحنا البيت ونومت عيالي بغرفتهم ونمت بغرفتي واصحى نص الليل على ريحة دخان قوي واقوم اركض لعيالي واناظر غرفتهم دخان من طفاي المكيف واسرع اطفي الكهرباء واناظر عيالي اقومهم صار الحمدلله ماجاهم شي وماتأثرو واسجد شكر لله وانا خايفة وانتفض
قبل السالفه بكم يوم عائلة كامله توفو كلهم بنفس السبب
واحمد ربي الي حفظهم ومتعجبه كيف الريحة صحتني من النوم وتذكرت سالفة الرجال ويأنبني ضميري قلت هذا ربي يبي يورين وشلون الصدقه حفظتنا
وعقبه مااصرت اقول هذا نصاب والا هذا يكذب
فحبيت اذكركم لاتستهينون باأحد ولاتدخلون بذمته واوكلوه لربه
احتسبوا الاجر عند الله
الله يصلح لي ولكم النية والذرية ويحفظ اولادي واولادكم.

من الدايركت
انا دايما اتحلطم على خشمي وخدودي وجبهتي وشعري وجسمي مافيني شي عاجبني كنت اتمنى اكون احلى من كذا. حتى قي صورة لي بجوالي دايما افتحت واجلس اتريق هلى خشتي!! مع ان الناس دايم تقولي اني حلوة والله لدرجة ان بنات بالجامعة مااعرفهم يجون يقولون لي نحب لون شعرك او وجهك حلو ماشاءالله ومن هالكلام!! مدري ليش مااقتنع دايما اشوف نفسي بشعة. في وحدة معنا بالجامعة مرة حلوة سمرة بشعر اسود ناعم ملامحها ناعمة ف قررت خلاص اني ابي اصير مثلهاا واشبهها انا بشرتي بيضة. قررت في الويك اند بسوي تان بقلب سمرة وحطيت زيت زيتون وانسدحت تحت الشمس من 10 الصباح الين غربت الشمس!! وصرت حمرة وخلاص تحممست بصير حلوة اخيرااا مايجي اخر الليل الا وانا اصارخ من الوجع جسمي ووجهي يحرقني ماقدر اتحرق جلدي ميبس ومشدود واذا تحركت يوجعني!! اهلي و دوني المستشفى والدكتور قالي عندي حروق من الدرجة الثانية وبعضها الثالة وان بشرتي مرة حساسة وماكانت تستحمل حرارة الشمس انا انهرت وجلست افكر معقول ارجع مثل اول! وجهي تشوه وصار ينزل صديد
وصار منتفخ اقسم بالله الصورة نفسها اللي كنت اكرها لي صرت كل مااشوفها اقول سبحان الله ربي خلقني بهالجمال وانا مو مقدرة تعالجت بالابر والكريمات الين ربي شافاني ورجعت تقريبا زي اول. الفايدة يا بنات احمدو ربكم عالنعمة ماحد يقدر قيمة النعمة الا لما نفقدهاا. الحمدالله يارب❤

من الدايركت

هذي القصه صارت لامي قبل خمس وعشرين سنه امي ماهي سعوديه من دوله عربيه تزوجت ابوي وعاشت معه رغم اختلاف العادات والتقاليد صبرت امي على الحلوه والمره ماهو مدح بامي وﻻ والله بس انا شفت امي صبري على ابوي بكل ماتحمل معنى هالكلمه عاشت بيت فيه جدي وجدتي الله يرحمهم و كانت تخدمهم والله مثل الخدامه امي بعد كم سنه قرر ابوي يتزوج عليها طبعا تعبت امي ودخلت المستشفى وصارت بحاله ﻻيعلم فيه الا الله واخر شي رضت بالامر الواقع وصبرت علشاننا انا واخواني تخيلي ليله العرس جات عمتي وبناتها قدام بيتنا وقعدت تغني وترقص هي وبناتها فرحانه ان ابوي تزوج على امي وجات وخذتنا انا وخواتي علشان نحضر عرس ابوي طبعا حنا صغار مارضينى نروح نبي امي معنا ماحنا عارفين الموضوع امي قالت روحن مع عمتكم وانا اجي شوي طبعا صدقنا امي ورحنا وشفت عمتي فرحانه هي وبناته بزواج ابوي والله ماكمل ابوي شهر من عرسه الا هو مطلق المره الجديده ماعرفنا السبب ﻻنهم ساكنين بشقه بعيده عنا المهم طلع كلام على امي انه اكيد سوت له سحر علشان يطلقه وسوالف كثيره ماله داعي وامي بس تقول حسبي الله ونعم الوكيل والله العظيم بعد سنه من طلاق ابوي لمرته والله ماتصدقون تزوج رجل عمتي عليه والصدمه تزوج مرت ابوي الي طلقها وكانو فرحانين بعرس ابوي شوفي ربي مايخلي احد وربي امي قالت الحمدلله الي ربي خذا حقي وانا اشوف عمتي تطلقت وساكنه مع بناتها وامي الحين وبفضل من الله ومنه بيت كانه قصر بين عيالها وبناتها وتزوجنا وياربي للك الحمد والله يطول بعمره ويخليه لي وﻻاخواني على صبره علشاننا وبس حبيت اقول ان الله مايضيع احد والدنيا دواره.

من الدايركت ️
تزوجت قبل سبع سنوات كنت سعيده ولله الحمد بس بعد مرور سنه على زواجي بديت اقلق من موضوع الحمل وبديت أراجع عند كذا دكتوره ومابقيت ولاشي ماسويته وكلهم قالو اني سليمه وزوجي كذلك . حمدت ربي وقلت له حكمته وإرادته في ذلك بعد مرور ثلاث سنوات وكان اول يوم في رمضان قال زوجي وش رايك نوزع فطور صدقه عني وعنك وقلت له تم وجلسنا نضبط وجبات الفطور في أكياس كل كيس حطينا فيه عصير وكيك وتمر ولبن ومويه كانت أشياء بسيطه بس فعلا غيرت الكثير في حياتنا قبل الأذان بشوي راح زوجي ووزعها على الناس عند الاشاره والعمال في الشوارع وسبحان الله سبحان الله ماجا العيد يا
الا والله العظيم انا حامل تفاجأت واستغربت وحمدت ربي كثير وعرفت ان هذا بفضل الله سبحانه وتعالى ثم بفضل الصدقة وبعدها جاتني بعثه اني اكمل دراستي والحمدلله ربي تمم لي حملي وجبت بنوته في بلاد الغربه هذي هي الي بالصوره وانا باقي لي ترم واحصل على شهادة الماجستير
فعلا الصدقه عظيمه ولكن الناس تتهاون فيها.
استغفر الله العظيم