رفع ،،،،👍👍👍👍

من الدايركت
حبيت اتكلم اليوم عن موضوع متكرر بس بقوله بطريقة ثانيه ابيه ينتشر
يعني الصباح مثلا وانا امشي بالحوش اشوف قطعة خبز مرميه بالارض اشيلها وادعي دعوه صغيره لي واحطها بمكان امن عن مواطي الناس وعلى هالحال والله ثم والله مادعيت دعوه الا وقد اُستجيبت الحمد لله الحمد لله حتى يبلغ الحمد منتهاه حتى بالمدرسه اشوف اكل بالارض!اشيله واحطه بمكان امن حتى صديقاتي كانو يقولون مافي داعي فيه عاملات اوكيه فيه بس ترى العامله بعمر امي!لازم اساعدها واعينها حرام كل الشغل عليها انا ماقول نظفو كل شي تشوفونه او كل نعمه مرميه احب اقول تعاونو مع الغير يعني نعمه كثيره اوك بتنشاف مارح يوطى عليها والله يسامح راميها بس قطعه وحده!تستحين تنزلين نفسك قدام البنات؟ترى ربي بيرفعك يوم القيامه لاتخافين!كلهم موب بنافعينك احتسبي هالشي لله وهذا اللي حبيت اوصله واشكر القارئ واللي ساهم بالنشر وصلى الله وسلم على من لانبي بعده❤
#استغفر الله العظيم

سبحان الله

اجمعين يارب

من الايميل

تزوجت وأنا أدرس بالكلية وجبت أول ولد وأنا باقي أدرس والحمد تخرجت وكان معدلي ممتاز وحمدت ربي إني قدرت أكمل رغم كبر المسئولية عليه وكان تخصصي جداً صعب وكان حلمي مثل أي شخص بالوظيفة وكان أيام تخرجي التقديم بالملف الأخضر عن طريق وزارة الخدمة المدنية وطبعاً رحت بملفي الأخضر للوزارة دخلت بقدم وكانو حاطين لافته بالتخصصات المطلوبة وتخصصي كان مطلوب لكن كانت شروطهم صعبة أنو ولي أمرك يكون يشتغل بنفس المنطقة وخاب أملي من بداية مشواري وطلعت حالي من حال البنات اللي معي
وهنا بديت ألف ع المدارس الأهلية وكان شرطهم يكون عندك خبرة تركتهم وقعدت بالبيت وآنشغلت بولدي وبحملي الثاني وتمر الأيام وكانت ذيك الفترة بداية هبة الناس بالنت والمنتديات وكنت أقرأ قصص الإستغفار وفضله وبديت آستغفر لكن ربي يسامحني مجرد نطق بلساني مافيه إستشعار للاستغفار وانتظر شيء يجيني رزق شيء واكذب الناس يبالغون ومدري ايش ،، مرت سنين وأنا ع ذا الحال قاعده بالبيت وحوسة عيال واستغفار بدون استشعار ،، وطبعاً صار التقديم عن طريق النت برنامج جدارة وكنت أقدم وأنا في نيتي مستحيل أتوظف و كنت آستغفر لكن نيتي بس أتوظف ،،، مر ع تخرجي ٦ سنوات وأنا بذا الحالة وجاء التقديم ذيك الفترة ع حافز قدمت وكنت من الدفعه الأولى اللي أستلمت حمدت ربي وشكرته وكان أول شهر أستلمته فرحت أمي وأبوي فيه رغم إن ماعليهم خلاف وفرحت نفسي وعيالي شعور جميل إنك تستلمين مبلغ يكون شيء خاص فيك وشهر بعد شهر بديت آتعود ع الفلوس وطعمها
هنا بدأ عندي حالة غريبة كيف بيكون وضعي بعد مايوقف حافز وأنا تعودت عليه ،، والله كان عندي شعور آني بخلص حافز من هنا وبتوظف من هنا وكنت اقرأ قصص الإستغفار وتأثرت بقصص كثيرة وفعلاً عرفت إني كنت استغفر بدون إستشعار وبتقولون كيف إستشعار (( يعني آستغفر ربي عشان يغفر ذنوبي وكلما استغفرت اكثر ترتفع دعوتي للسماء وربي يستجيب الدعوه )) هذا مقطع سمعته للشيخ الدكتور خالد الجبير ،،،
وبدأت آستغفر في اليوم آلاف المرات والله يا عالم إن الإستغفار يؤثر على حسب نية الشخص كانت نيتي ربي يغفر لي ذنوبي ويستجيب لي دعوتي وأحسنت ظني بربي (( أنا عند ظن عبدي بي )) ،،
والله لو أقولكم عن الراحة والحياة اللي كنت أعيشها بسبب هالشيئين ما أحد بيتخيلها ،، المهم مرت الشهور الحافزية وقربت تنتهي السنه فتح وقتها التقديم ع جدارة وقدمت توكلت ع ربي وكنت متقينة إن ربي بيرزقني بالوظيفة انتهت فترة التقديم وبعدها ننتظر شهر شهرين لين تطلع النتيجة وقتها كنت متفائلة بعطاء ربي وأقول لأهلي أنا بيخلص حافز من هنا وبتوظف من هنا ويناظروني نظرات رحمة ،،، ومو بس كذا كان عندي حافز قلت بروح السوق أجهز نفسي بيطلع إسمي ان شاء الله 🙊
وأروح السوق وأشتري بلايز وتنانير وشنط وكأني توظفت بس كنت فعلاً متفائلة والله لدرجة أهلي يرحموني وكانت ماما تقولي يابنتي لاتطلع الاسماء وتتحطمين وأنا أضحك وأقولها ربي وش ويقول (( أنا عند ظن عبدي بي فليظن بي ماشاء )) وكنت آنتظر موعد إعلان الأسماء وانتظر ع أحر من الجمر وكان فيه اعلان متى بتنزل الاسماء وانا قاعده الجوال يرن رسالة واحلا رسالة من ديوان الخدمة المدنية انو طلع اسمي وقبل ابشر احد والله ع طول سجدة شكر لله وانا ابكي واحمد ربي واشكره وادعيه ييسر لي باقي اموري ،،، بشرت اهلي فرحو لي مره وخصوصاً ماما تبكي جعلني فدوتها وتقول رحمتك قد جهزتي وشريتي
والحمد لله أنا الآن معلمة لكن آبتعدت عن أهلي وظيفتي جات بمنطقة ثانية لكن الحمد لله أولاً وأخيراً مثل مارزقني ربي بالوظيفة بيرزقني بالنقل إن شاء الله
اللي بقوله لكم ياعالم الإستغفار الإستغفار بالنية وحسن الظن بالله والدعاء ولاننسى حديث الرسول صلى الله عليه وسلم ((( ادعو الله تعالى وأنتم موقنون بالإجابة ))) وصل اللهم وبارك على عبدك ونبيك محمد
#يارب اجعلنا من عبادك الشاكرين والذاكرين والمستغفرين
امين