من الدايركت
سافرت مع اختي وعايلتها في الاجازه الكبيره وكنت اول مرا اقابل زوجها فيه يعرف خواتي بس مايعرفني ابدا ولا قد مرا شافني ولا اعرفه زوج اختي ولد عمي بنفس الوقت ،،لمن خلص دخلنا البلد اللي رايحين به قالي لاتتغطين عني انا ابوك بحكم ان عمره 48 ويقرب لي وجميع خواتي مايتغطون عنه ماخذين عليه وصديق ابوي ويجي يقعد مع ابوي كثير يعني ماهو زوج اخت ابونا الثاني المهم جاني ضغط منه ومن اختي يويلي خبال تتغطين عن ابوك وهكذا وقالي عشان تاخذين راحتك وانا برضو اخذ راحتي ،،وشلت الغطاء واخذ وضعيه بنته ولبسي اللي البسه لمن كنت معهم وكاني بيتنا وبين اخواني وابوي ومالاحظت اي شي لمن رجعنا للديره صار يرسل لي انتي من وين طلعتي وين كنتي اول وانتي جميلاء ودلوعه ومن هالكلام وانا مغفله ماخذه وضعيه ابوي واجامل وارد الله يسعدك وشكر لك ومن هالكلام وجاء بعيد رمضان وطلبني وطلعت انا حسبت خلص سفره وينتهي الوضع
ولاكن زاد الشي عن حده يجي الصبح او بالليل ويطلبني واتهرب منه لان حسيت انه به شي الين ماصار يرسل لي وش تحسين اتجاهي واقوله ابوي واخوي الكبير ويقول لا غيره الى ،،الخ الين ماقال ي فلانه انا احبك ماعرفت ارد طنشت ويرسل يومين ولا ارد وغيرت رقمي ويجي لنا كثير ع اساس يتقهوى مع ابوي وينادي لي وانا قلت لاامي الموضوع ولمن صار يجي تقوله امي فلانه ماتبي صارت تتغطى من ناحيه الدين وتخلصت منه
المهم والخلاصه من هذا كله ي خواتي لاتعملون مثل ماعملت بحكم انك اب او عم واحتشمو بلبسكم عند محارمكم والله شي مهم ترا حتى الاخوان يدققون اتمنى تستفيدون
#اللهم استرنا فوق الارص وتحت الارض ويوم العرض

من الايميل

في مرة من المرارير عزمتني صديقتي عند قريبتها قالت قريبتها ان عندها شريحة اخذتها عشان تراسل زوجها وتشوف اذا بيسترسل معها في السالفة او ﻷ وعلمتني هي وصديقتي انهم اختبروا ازواجهم وعن النتايج اللي صارت واكشن المهم انا من دلاختي عجبتني السالفة وقمت عطيت قريبة صديقتي رقم زوجي..مدري وين كان عقلي واتصلت على زوجي وكان برا واخذت واعطت معاه في الكلام وانا يا غافلين لكم الله اثاري الرجال دخل وعقله مو معاه وانا بس اراقب حركاته وهو بس يراقب الجوال ويفتحه ويشوف الواتس ويطلع انا هنا متتتتت من القهر وقمت اخر الليل امسك جواله وانا اللي ما كنت امسكه ولا افتش ﻷنه مو من عادتي اثاري الرجال ماخذ ومعطي معها وهي ما قالت لصديقتي كللل شي قالت بس رفض يراسلني وما كلمني كثير والقاها مراسلته أكثر من مره ومره تقول اعجبتني وعجبني صوتك فاتحته في الموضوع ومسكيييين قام يعتذر وانه ما يدري مين هيا وانه جلس يأخذ ويعطي معها عشان يعرف منهي وش تبي..بعدها انقهرت من سالفة الاختبار..وبغى زوجي يروح مني عشان الثقة الزيادة في الاغراب وعشان اختبره شيلوا سالفة الاختبار من راسكم والتجسس على زوجك ما بتلقين منها الا كل شي يضرك وينكد عليك..نصييييحه
#لا حول ولا قوة الا بالله

امين يارب والحمدلله استفدتي وهذا الي ادور عليه

الدايركت
قبل سنه بالضبط جا اليوم اللي كنت مخططه له ، ايه كملت سنه زواج وكان يوم ذكرى زواجي و كنت فرحانه وماتملكني الفرحه ومسويه استعداد تام لليوم هذاك ، كان المخطط اني احجز شاليه بمسبح خاص في البحرين و تم المخطط وحجزت و رحت قبلها بكم يوم للسوق و جهزت نفسي على اساس اني بسوي حفله حلوه 😙 جا اليوم الموعود و كان مخططنا اننا نروح البحرين بالسياره من الرياض و تم ومسكنا الخط من بدري لاني اكره السفر بالليل بالسياره .. بهالوقت هذا وكعادتي اقرا دعاء السفر و اصير على اعصابي لين اوصل من كثر مافيني خوف من طرقات السفر و الحوادث و من مسكنا الخط كنت رابطه حزام الامان و امورنا تمام .. فجأه زوجي شغل اغاني بالطريق ولأول مره اشغل اغاني بطريق سفر بالذات ! استنكرت بنفسي وتضايقت شوي بعدين قلت يابنت الحلال نسمع لنا اغنيه ونعدل المزاج شوي .. المهم جا زوجي قال ابي شاهي و رحت فكيت حزام الامان و نزلت راسي شوي اطلع الشاهي و الفصفص صبيت بياله وحطيت الفصفص ع جمب وتربعت ع الكرسي و لفيت وجهي على جمب عشان اشوف زوجي .. و بهالوقت هذا و انا بفتح سالفه .. فجأه!
صوت عالي عاااالي مره
طرت بقوه ع القزازه الاماميه وطحت تحت الكرسي بمكان الرجول رفعت عيني ! والا زوجي جالس يحاول يستحكم بالدركسون! وجهه خايف و عين علي و عين ع الطريق!
كل حياتي مرت بلحظه قدام عيوني !
كيف يعني هذي النهايه يعني كذا الواحد اذا جا يموت؟
طيب والحياة اللي راسمتها واحلامي وطموحاتي !
اهلي ماودعتهم كويس ! امي وش بيصير فيها اذا درت اني مت بالطريق !
بموت ووانا كنت اسمع اغاني؟
كل شي بلحظه مر قدامي و صار كل دم جسمي براسي تحس بثقل فيه اغمض عيوني انتظر شاحنه نصدم فيها او ننقلب او او او !
وفجأه وقفت السياره بقوه وكل شي حولنا تراب !
ايه ماصدمنا بشي ووقفت السياره بدون ما نسوي حادث شنيع بدون ما اموت! رفعت نفسي ع الكرسي وانا كلي ارجف بقوه وصارت عيوني تدمع لا شعوريا و الف يمين يسار امسك نفسي اشوف هل انا بحلم والا صحيح اللي قاعد يصير لي؟
بغفله وغمضه عين سياره مسرعه كانت ورانا و يمينا شاحنه و تصدمنا السياره بأقوى قوه و لان سيارتنا كبيره شوي ماكنت الصدمه قويه مثل لو ماكانت صغيره وفوق هذا كان فيه صدام للسياره خفف من حده الصدمه !
لفيت والا السياره الثانيه كلها دم
شباب و ما اتذكر عددهم بس اللي اتذكر واحد وجهه كله دم
بكيت انفجرت وحمدت ربي كتب لي عمر
#استغفر الله
استغفر الله

استغفرالله استغفرالله