شخصيتي كاني ام ١٠ سنين

السلام عليكم
بنات نفسيتي تعبانه كثير كثير
انا من وانا طفله اكبر اخواتي تعرضت
لظلم كثير كثير
امي حاطه سلطتها وقوتها فيني
ذلتني من وانا طفله
تخيلو طفله عمري ٨ سنوات جايه مبسوطه
من المدرسه ناجحه ومعي هديه ترمي الهديه
بوجهي وتقول من زين هالنجاح والله لوانك
فلانه لللي طالعه الاولى!!
متخيلين ام عمرها ماذكرت لي من وانا بزر
معتمده ع نفسي
خلصت مرحلة الابتدائي
وتعمدت امي تجررحني باقوى مرحله وباقوى شي
كنت سمينه
فكانت امي ماسكتني يادبه يالبرميل يالمقرفه
شوفي اجسام البنات واشكالهم كيف وانتي كيف
تخيلو هالاسطوانه من اول متوسط الى اليوم
ماسكتها علي وانا عمري ٢٥ سنه
كاني انا خلقت جسمي
او شكلي او او
مع اني انسانه عاديه مثلي مثل اغلب البنات السعوديات مملوحه
غيري اسمن
غيري اشين لاكن امي لاعبه ع هالوتر فيني
بالنهايه ايش طلعت
بنات بنات عمري ٢٥ ماعرف اقول كلمتين ع بعض
ماعندي جراءه مثل البنات
اقسم بالله شخصيتي مكسوره بمجعات صديقاتي
بس ساكته
وبجمعات العائله صنم وتناظرني امي بنص عين
واذا رجعنا للبيت تجلس تطنز اني صنم
ماعرف اتكلم وان فلانه وفلانه
شوفي كيف يتكلمو ويعرفو يسولفو وانتي
مكسوره وهي مبسوطه اني مكسوره
ومره جلست مع عمي كبير بالثلاثين
اقسم بالله قالها بوجهي وش فيك كذا؟
شخصيتك مهزوزه
وخوافه
ولا تعرفين تتكلمين كاني اكلم بزر عمرها ١٠
سنين
لاني اصير اتكلم بسرعه بدون شعور
واتوتر واحيانا يدي تنتفض
والله عمي رحمني رحمني
يشوف زوجته ماشاء الله جريئه وواثقه
وهي بنفس عمري وانصدم مني
حاولت اغير شخصيتي عجزت يابنات
والكل عارفني البنت الصنم اللي مالهم لسان
ماكاني حرمه هذا كبري
غير شعري اللي كله شيب
كان ٢٠ شيبه شوي
من الهم والتفكير والبكي والخوف