شرايكم باللي سواه جدي مع عمتي وربي ما تستاهل

السلام عليكم ورحمة الله وبركاته


بقولكم السالفة وانتم احكموا عليها

امس جدي كان مسوي عزيمة بيتهم الجديد وصلت اول وحدة بعدين جت عمتي حرمة كبيرة عمرها 46 سنه كانت معاها بينتها دخلنا الصالة لقينا بنت جدي عمرها 14 لابسة تنورة قصيرة جدا فوق الفخذ وبدي وجسمها ابيض وهي شوي مليانه امها كانت بالمطبخ وجدي مو موجود قالت لها عمتي قومي يا فلانه غيري لبسك بعد شوي بيجون اخوانك وعيال اخوانك وخواتك عيب هاللبس بس لو تشوفون البنت شصار لها علت صوتها وصارت تصيح وتركض وراحت لجدي طلع جدي قال لعمتي يا فلانه وش عليك منها انتي تبين تجين تعالي فلانه ما لك شغل فيها ولا تزعلينها بصوت عالي وربي يا بنات صدمة جدي يموت بناته الكبار خاصة هذي اول مرة يكلمها كذا كانه يكلم بنت صغيرة ولا تعودنا منه كذا مسكينه عمتي احرجها قدام بنتها وقدامنا مو مستوعبة قعدت شوي بعدين طلعت ولا قالت ولا كلمة اتصلت على السواق ورجعها البيت وعادي ولا اهتم ..

والمشكلة ما غيرت لبسها ولا شي قدام اخوانها الكبار وعيال اخوانها واخواتها شباب قاعدة بينهم بالمنظر هذا ع الانستقرام وضيفوني ومدري ايش منظر مقرف صراحة وامها عادي عندها المشكلة امها حتى قدام عيال زوجها ما تكشف شعرها وبنتها عادي تاركتها ..

والبيت هذا اصلا مسوي جدي لزوجته من دولة عربية الله يفرج كربتهم ..المهم مسوي لها هالبيت وكاتبة باسمها مع انه عندها بيتهم القديم فيلا كانو ساكنين فيها بس هذا قصر مساحته يمكن 2000 متر وكاتبه لها ما كان عنده عيال ثانيين وهو كان كل سنه يبدل كل سيارات عياله الكبار بس هالسنه ما سواها وبنته ام 14 تشتري نظارات وشناط بالالوف .. وعنده اصغر منها 4 يكبب عليهم وعلى امهم وعياله الثانيين صار يبخل عليهم..الله يرحم جدتي بس ما شافت ربع هالدلع منه عقب ما صار عنده فلوس صار يدلع ويشتري وهي قبل عايشة معاه ما عنده الا راتبه ..

المشكلة البنت ما كانت كذا بالعكس كان تحترم خواتها كلما تكبر يطول لسانها ...

شرايكم بالي صار ؟

ماابي وحدة تجي تقول غيرانه ومدري ايش كالعادة قولوا رايكم بالللي صار من الغلطان بس ؟
جدي من حقه يحرم عياله وبناته الثانيين من فلوسه ؟
لو البنت هذي بنتك تخلينها تطلع مع ولد اخوها والا ولد اختها اللي عمره بالعشرينات ؟