^^

يعطيك الف عاافيه .....امممممممم شهيتيني عليهااا

اخت حنين و غربة انا كمان بحب اسمي سابقا سجدة الوداع لكن اضطريت اني اغيره و الله يجزيك الخير
و طيب يا توتة ازا بتقدري جربيها و احكيلي شو رأيك انا مبسوطه انها عجبتك الفكره
بس وين الاخوات راحوا مش شايفة حد مشارك لعل المانع خير
اليوم بدي اعطيكم فكره عن الفاهيتا fajitas و هيي كمان اكله مكسيكية
هيي عبارة عن صدور دجاج مسحبة و فلفل اخضر و بصل و بهارات و نفس خبز التاكو tortilla و الطريقة كالتالي:
1- بتقطعي صدور الدجاج شرائح رفيعه كتير يعني زي الاصابع الصغيرة و ازا بدك بهريها من الصبح ببهارات عادية زي الهيل المطحون رشه صغيره و معلقة زيت زتون كبيره و بهارات دجاج كمان رشه صغيرة و اتركيه لحد ما تيجي تعمليه
2-بتفرمي بصله جوانح او ريش يعني بتقطعي البصله مش فرم ناعم بتمسكيها و بقطعيها نصين و بتبدي تقطعي بخطوط افقية يعني كمان بتعملي البصل شرائح
3- بتحطي طنجرة على الغاز و مع كمية بسيطه من زيت الزتون و بتحطي البصله و بتتركيها لحد ما تدبل شوي يعني ما تتحمر بس تتبدل شوي
4- في نفس الوقت بتكوني طايله كم حبة فلفل عادة حبتين و ازا بدك اكتر حطي 3 حسب كمية الدجاج و ازا بتجيبي فلفل ملون بكون احلى يعني وحده خضره و وحده حمره و وحده صفره بعطي لون حلو و قطعيه كمان شرايح رفيعه يعني سمك الشريحه 1سم
5-بس تشوفي البصلة دبلت بتحطي الفلفل و بتغطيه شوي و ضلي قلبيه بين فتره و فتره و خلي الغاز وسط
6- بس تشوفي الفلفل دبل و صار طري بس ما تخليه يدوب عالاخر يعني بس يصير طري شوي ويختلف لونه زيدي الدجاج عليه و قلبيه مع بعضه و اتركيه لحد ما يستوي و بتقدري تعرفي انه استوى مزبوط لما تقسمي وحده من شرائح الدجاج لقطعتين و تكون من جوه بيضا تماما
7-لما يستوي الدجاج بتزيدي بهارات الفاهيتا بكون مكتوب عليها fajitas spices&seasoning
و بتقلبيها مع الاشياء كلها و بتتركيها علغاز تتسبك يعني دقيقتين و بتطفي الغاز
و بتقدميها مع خبز مكسيكي tortilla و و نفس الطريقة بتحطي الخبزه و بتحطي عليها الدجاج و بتلفيها شكل اسطواني و صحتين و عافيه
بتقدري تقدمي معها افوكادو مفروم مع بندوره بسموه لما تعمليه هيك guacamole يعني نفس الخلطة اللي عملناها للتاكو افوكادو و بندوره و لمون و ملح كلها بتتسمى جواكامولي و بتقدري تقدميه مع sour cream و اخر ملاحظة انك بتقدري تستخدمي لحمه مفرومه بدل الدجاج يعني نفس فكرة التاكو بس الطعم رح يختلف لأنه البهارات غير و صحتين و عافية
بستنى مشاركاتكم

شكلي رح ازعل و ما رح اكمل كتابة يعني معقول ما حد فيكم قرأ موضوعي؟؟ و اللي شاركوني حتى بالاول بطلو يشاركوا :(
مش عارفه اكمل ولا لأ و ازا بكمل في حد بتابع ولا لأ!!!

هلا اختي عروس كيفك وليش غيرتي اسمك كان حلو

المهم ولا تزعلين يمكن البنات مشغولات بس اكيد با شاركوا
وحلو الطبخات الي حطيتيهم وانا اعملهم لاني احب التنويع في الاكل
وعلى العموم انا تعلمت عدة طبخات صينيه على مكسيكي على هندي على ايطالي وكثييييييييييييييييييييير اكلات عربية مختلفه يعني زي ما تقولي من كل بستان وردة
لكن الافوكادو ما احبة بالمررررررررررة
بس حمستيني اعمل اليوم الفاهيتا
وجزاك الله كل خير

موضوعك حلو كثير استمري واحنه متابعين واذا تعدل المزاج نكتب كم اكله تعلمتها

وبالنسبه لبهارات التاكو والفاهيتا نلاقيهم بقسم الاكل المكسيكي لو وين ؟
وهل هي حاره سبايسي لو لا