للرفع

جزاكم الله خير بنات استفدت من كلامكم

الدعاء ثم الدعاء ثم الدعاء (اللهم ارزقني العزيمه والاراده)

بالنسبه لي ياقلبي اول شي رميت الميزان في بيت اهلي لانه يزيدني تحطيم وانا مو ناقصه

ثانيا اتجهت للاكل الصحي مع تخفيف مااحرم نفسي من اي شي بس بحدود وصرت اتفنن بالسلطات يوميا ع الغداء وعلبة زبادي قليل الدسم
واسوي لي خضروات كايدام او صينيه بالفرن او مسلوق واكل منه لحد الاشباع مع تقريبا 6 ملاعق من الوجبه الرئيسيه مثل كبسه مكرونه ... الخ

سويت لي قسم كوفي بالمطبخ حطيت لي غلايه وصفيت لي بشكل مرتب كابتشينو ونسكافيه وقهوه ماليزيه وشاي اخضر وشاي عادي وكم ظرف من سكر الدايت ستيفيانا

لما اجوع اتجه لقسم الكوفي واختار لي شي منه واشربه والقى نفسي نسيت الجوع

اروح لقسم الدايت في هايبر بنده واخذ من الشوكولاتات الي هناك والكوكيز والمربى وبساكيت كلها فري شوقر

ويوميا اخذ حبتين مع الكوفي

وحملت لي كم مقطع رياضه من اليوتيوب واجلس اناقز معهم انا وعيالي
وامشي ع السير وانا اطالع التلفزيون عشان ماامل

ووجبه العشا اقدمها قبل النوم ب4 ساعات

واهم شي اني حطيت الهدف لنزول وزني 6 شهور يعني ماني مستعجله لاني مؤمنه باللي يروح بسرعه يرجع بسرعه
وان شاءالله استمر ع طريقتي هذي لمدى الحياة

احس نظامي هذا يصلح للي ماعندها اراده وتبي تنزل وزن بشكل بطيء عشان ماتترهل

انا من طلعت على الدنيا وانا سمينه وفي مراهقتي من سمنتي تخربطت الدوره وصار عندي كسل في الغده

تزوجت وانا سمينه مافكرت انحف لاني احب الاكل ومبدائي اذا هو يبيني ياخذني ع حالي ،،،

ومثل كل وحدة سمينه خربطت هرمونات وقعدت 6 سنوات اتعالج عشان احمل كل ماراحت لدكتوره قالت انحفي

وانا اطنش حتى ربي كتب لي وحملت وزاد وزني اضعاف مضاعفه فوق الميه اكيد اخر شهر بالحمل وصلت 105ك

والدكتوره قالت خففي عشان تسهل ولادتك صار ولدت قيصري وجاني ولد مثل القمر الله يخليه لي ،،

في النفاس نحفت لان نفسيتي كانت تعبانه لان ولدي كان بعيد عني بسبب عيوب خلقيه كانت عنده وبالمستشفى

عقب النفاس رجع وزني يزيد وتعب ولدي زياده وصلح عمليه ومن زود الهم حطيت حرتي بالاكل

لدرجه ان عيوني من كبر خدودي ماعات تنشاف وتأزمت نفسيتي من وزني بس انا احب الاكل مافكرت انحف

سلفتي كانت غزال ماشاء الله وهي جابت 2 بعدي وهم بعد ماتحرك احساسي ،،،

صارت عندي آلم بالركبه وتخمه بعد الاكل صرت اتعب حيل من اقل مجهود وزوجي للحين صابر

وصل وزني 111ك وفي يوم من الايام قرأت تجارب البنات اللي هنا وقتها صحي احساسي

وتابعت برنامج خاص بالتغذيه وبدأت 3_11،،،، في 6 شهور وصلت 95ك نظامي تخفيف

ومشي يوميا ع السرير وقفت شهرين وكملت حتى وصلت الحين 86ك تخفيف اكل

خاصة النشويات اذا اشتهيت الاكل كليت ماحرمت نفسي بس ذواقه ،،

نفسيتي تغيرت كثير صرت اللبس مقاس 18 فساتين وبناطيل 40

انا لازلت صامده صح اخربها ساعات بس ارجع اليوم الثاني واكمل

ساعات مااقاوم واقول في نفسي مايخالف اخليه فري اليوم وارجع من بكره بكل حماس

ومااستسلم ،،،، هذي قصتي وتجربتي كنت بكتبه بموضوع مستقل بس تستاهلون ...

لاوصلت للمثالي بكتبها باقي لي 20ك فقط للمثالي يارب اوصلها ...

نسيت اقولكم ان وجهي نحف كثير الحين وشكلي تغير يارب لك الحمد حتى زوجي نحف معي ...