المشتاقه لأبوها
:D يمي يمي قهوه ابي قهوووووه تصدقين ان عندي قهوه هرري جتني هديه من وحده حظرميه طازجه ومتكيسله...
الله يسعدك والله ونستينا تصدقون أختي تسوي قهوه روووووووووووووعه الكل يحب قهوتها دايم ألمح أن قهوتك تعجبني وأنها حلوه بس ماقالتلي الطريقه وماحبيت أحرجها ياليت قهوتي تصير مثل قهوتها ماشاء الله عليه
smara1
smara1
امي تشتري بن يمني وتحمسه وترسله ينطحن في المطحنة وتعطيني منه دايما من يوم اتزوجت

وانل مشهورة باحلى قهوة والله مو مدح في نفسي

احط في براد القهوة موية نصه تقريبا واتركه يغلي واحط عليه ملعقتين بن ممسوحة واحط براس الملعقة الصغير مسمار ( عويدي ) مطحون واتركيها على النار لمدة نصف ساعة على نار هادية واذا حسيتيها ثقيلة زيدي موية حارة واتركيها كمان خمس دقايق وطفي عنها وحطي في ثلاجة القهوة هيل على حسب ذوقك في الهيل وبالهنا
صدمات كثيرات
صدمات كثيرات
:D يمي يمي قهوه ابي قهوووووه تصدقين ان عندي قهوه هرري جتني هديه من وحده حظرميه طازجه ومتكيسله...
هههههههههههههههههههههههههه يازين سواليفك شكلك فله بقوه وتونسين
الحياه عبره
الحياه عبره
المقادير

1- ترمس ثلثينه ماء . واذا كان دلة قهوة نحاسية تبي تسوي فيها انك ببر نفس الشي ثلثينه ماء

2- اثنين الى ثلاثة ملعقة هيل مطحون (وماعليك من ذول اللي يطحنون الهيل مع البن تراه قوي بالحيل للشيبان وما فوق)
3- ربع ملعقة صغيره مسمار مطحون
4- ربع ملعقة صغيرة زعفران
5- ثلاث ملاعق كبيرة بُن (عاد حسب النوع اللي اخترتة بس زي ماقلنا لاجا يطحنه يكون وسط مو ناعم ولاخشن)

الاعداد:


إغلي المويه ببريق ..واذا بدا يفوور الماء ..ضع الثلاث ملاعق من البُن عليه..وبعد كذا خفض حرارة الدافور لاقل شي خله يطبخ بروقان ولمدة عشر دقائق.



على بال مايطبخ البُن..نبدأ نعد ترمس القهوة بالمقادير المتبقية..
نحط اثنين ملعقة هيل بالترمس+ربع ملعقة مسمار+ربع ملعقة زعفران ..ونحط عليهم شوية موية باردة ونخلطهم..والسر هنا كيميائياً ماعندي وقت والله اشرحلكم كيميا بس باختصار حتى يتماسكون وينتشر الطعم.



بعد مرور عشر دقايق نطفي الدافور ونخلي ابريق البن المطبوخ لمدة دقيقتين حتى ينزل البُن..ثمن نسكب البن على ترمس القهوة اللي فيها الخلطة مستعينين (بمشخال) زي ماهو موضح بالصورة.

طبعاً الهيل يلعب دور بالطعم فحاول تشوف الكمية المناسبة لك..بس انتبه تكثر مسمار وتسوي فيها راعي بعارين وتزيد الكمية..ربع ملعقة يكفي للنكهة(فليفور)

كذا تكون قهوتك قهوة أبطال ان شاءالله..وانت اليوم اصبحت راعي مضارب بادية ينحسب لقهوتك الف حساب

منقوله للفائده
المزنيه
المزنيه
انا طريقتي وقهوتي ولله الحمد روعهوالله ان كلن يمدح فيها رجال وحريم والله على ماقول شهيد قهوتي هرري درجه اولى اخذ مقدار من القهوه واغسلها كانك تغسلين رز وشوفي بس وش اللي يطلع منها من الغبار يكفيك ان هالعمال يمسكونها(وحده موسوسه)ثم تحطينها بصحن وكل شوي تقلبينها لحد ماتنشف ثم تحمصينها الى ان تصبح شقراء ثم تطحنينها وتحطين بالدله ماء الى ان يغلي ثم تضعين مقدار من القهوه على حسب دلتك ثم اتركيها تطبخ على نار متوسطه لمدة عشر دقائق وفي هذا الوقت تكونين اخذه شوي زعفران حاطته بفنجال وتصبين عليه اشوي ماء وافضل زعفران ممتاز اللي عند الماجد ثم تحطين بثلاجه القهوه ملعقه ونص من خلطه القصيم رووووعه وربع ملعقه مسمار واقل من الربع زنجبيل مطحون وقبل ماتصبين القهو بالثلاجه اتركيه دقيقه او اقل بعد ان تطفين النار ثم صبي الزعفران والقهوه بلثلاجه وتمتعي بالطعم والرائحه واللون واهم شي صفاء القهوه لانها مغسوله جربيها وراح **** الله تدعولي وتعتمدونهاوكل راح يسال عن قهوتك واي سوال انا حاضره او ارسلو رساله لاني احيانن مارجع للموضوع