السلام عليكم حبيباتي
من زمان كان ودي انزل لكم الموضوع
بس صارت عندي مشاغل كثيرة
الرجاء القراءة حتى النهاية ولكم حرية اتخاذ القرار
كثير مواضيع في القسم تتكلم عن تجارب نزول وزن
بأنواع مختلف من الرجيمات او الخلطات ........
كثير مواضيع الرغبة منها في نزول 10 كيلو في اسبوع !!!!....
كثير مواضيع تنصح بعمليات التكميم او الربط لنزول الوزن !
طبعاً اغرب الاسباب الا اشوفها عندها مناسبة ولازم تنحف
اسمحوا لي ان اقول ان هذا التفكير خطأ
سمنة عشنا معاها سنين مانقدر ننحفها في شهر او شهرين !
نزول الوزن السريع له مخاطر كبير
يخرب عملية الايض في الجسم وهي المسؤولة عن عملية حرق الدهون
لخبطة هرمونات الجسم خاصة إذا كان النظام الغذائي حرمان
ممكن تنقطع الدورة او يسبب عقم لا سمح الله
الجسم يرجع الوزن الا نزل بسرعة اضعاف
تعب ، ارهاق ، تساقط الشعر ، اعراض كثيرة وبعضها خطيرة ممكن تؤدي للوفاة
ليش مايكون نزول الوزن لنفسنا قبل مايكون للناس ؟
ليش ماتكون الرياضة ملازمة لنا طول حياتنا بدل ما نلتزم فترة بسيطة وبعدين خلاص؟
ليش ما يكون اكلنا صحي بدون حرمان؟
ليش نروح لأسرع الحلول العمليات مثل التكميم لنزول الوزن ؟
ممكن البعض يقول ان أنا اتفلسف عليكم
لكن كاتبة الموضوع صاحبة تجربة نزول وزن
كان وزني في يوم من الايام اكثر من 115 كيلو ونزلت لـ 58 كليو بدون ترهل و جسم مشدود
بدون عمليات
بدون حرمان
بدون رجيمات لنزول الوزن بسرعة
تدرون كيف ؟
نظام حياة صحي بدون حرمان + رياضة
كيف ؟
العـــزيمة + الصـبـر
نعم لازم تكون عندنا عزيمة لازم يكون عندنا طول بال
الهدف للرشاقة يكون لنفسنا قبل مايكون للناس
الاستمرار وليس فترة ثم ننقطع
إذا طبقتوا هذا الشي راح توصلوا لهدفكم و تكونوا راضيين عن نفسكم
ساعة فقط يوميا للرياضة راح تغير حياتكم للافضل
اعتمدوا على القياسات و لا تهتموا لرقم الميزان
لا تخافوا من مسألة الحمل إذا انتم ملتزمين بالرياضة
راح ترجع اجسامكم بعد الولادة بكل سهولة
الرياضة راح تنفعكم إذا كبرتوا في العمر و تجنبكم الامراض في سن مبكر
تحسن مزاجكم لا يغركم الا تشوفونهم نحاف ومهما اكلوا ما يمتنوا بعضهم مبسوط و بعضم لا
للعلم هم معرضين للامراض مثل السكري ، الضغط، القلب .....
لكن للمصابين بالسمنة تكون العرضة للاصابة في سن مبكر اكثر
الحل للوصول لحياة صحية و جسم مشدود ومتناسق هو بيدكم
اعتذر عن الاطالة
