طريقه العدس الله يحرم يدينكم من الناااار

العدس ياطويلة العمر جيبي كاس وعبيها عدس وشوفي اذا فيها شوائب نقيها واغسليه زي الرز وكشني ف قدر ضغط افضل شي بس كوني سخيه ف البصل شوي ولما يتحمر حطي العدس وقلبيه معاه واذا عندك مرقه لحم حطيها عليه واذا ماتوفرت مومشكله حطي ماء مغلي تقريبا خمس كاسات وافضل بهارات للعدس هي الفلفل والكمون بعدين قفلي قدرك وخليه ع نار وسط مدة ربع ساعه طبعا من بعد ماتبدا صمامه القدر بالدوران وطفي عليه وتكوني مجهزه كزبره خضرا مفرومه مع ثوم وحطيها ع العدس وبالهنا والعافيه واذا مافهمتي علي اختي ارسلي لي خاص لاني ماارجع للصفحه ثاني
واي شي حابه اساعدك فيه انا مستعده

ولاتنسين الملح طبعا

الله يجزاك الجنه ويحرمك من النااار طيب العدس اصفر او برتقالي وهل هذي طريقه شوربه العدس اوالعدس نفسه وشكرا لك يالغاليه مااقصرتي الله يحرمك من النااار ويرزقك من حيث لاتحسبين

طريقتنا تشبه طريقة صعب اسلى

بس احنا نسلق العدس قبل مع مويااا واذا استوى خلاص اسوي كشنه من بصل وطماطم وكمون وفلفل اسود وملح واحط العدس عليها واخليها تتسبك شوي واذا استوى خلاص حطي عليه بقدونس مفروم او كزبره وطفي النار وانتهيناا ... يطلللع رووووعه مع التميس

الكميات م اقدر احدد لك اعذريني اناا اقيس بالنظر

طريقتي في العدس اطبخه في قدر الضغط احط بصله صغيره او متوسطه مفرومه مع فصين ثوم واقليهم شوي واحط من حبه الى حبتين طماطم واجيب كاس عدس واغسله زين واحط بنفس كاس العدس كاسين مويه واحط الملح واذا فيه مكعبات ماجي يكون احسن واحط فلفل حار مو مقطع اذا تبين النهكه بس او تبينه حار قطعيه معه واضغطيه لمده ربع ساعه وبصحه وعافيه .. الكميه تكفي من 3 الى 4 اشخاص ...اتمنى اكون افدتك بطريقتي واي سؤال انا حاضره..