تسلمين ع الموضوع والله اني محتاجه والله يسمن اللي عندك وعندي ع خيررر

عيالي مو مره سمان
بس مره تزين صحتهم ومره ينحفون
تبين الصدق اللي سماااان تريهم ع البطاطس المقلي والهمبورقر والشيبسات والشكلت
عيالي اكلهم ولله الحمد صحي فواكه وخضار بس صحتهم زينه ومو متان الا يميلون لنحف بس ما ابي سمنه بدون صحه
يعني انتي عوضيهم باكل مفيد
السمسم
طحينيه
هذي تسمن

الحنونه .. الله يسلمك ياقلبي

درة الكون .. تصدقين فكرت بكلامك من جد صحيح .. عيال اختي الكبيره الله يحفظهم يخلون اكل البيت ويطلبون من برا شاورما وبرقر داايماً .. والحين يعانون من السمنه بس صحتهم ماشاء الله مايعانون من اي شي ثاني

والله يسترهم على المدى البعيد 

انا الحين اعطي عيالي فاتح شهيه ..

وطحنت كاجو واضيف منه على رز وملوخيه مع بعضها عشان مايحسون فيه .. وزبادي وعسل

وعصير مانجو مراعي احطه بالخلاط مع حليب بودره وجلي فراوله .. وطلع كوكتيل لذيييذ حتى انا صرت احبه ..

ويارب يستمرون ومايعذبوني ..زي عادتهم

اهم شيء ركزي على الوجبات الثلاث الرئيسيه يكون فيها نشويات رز او معكرونه والفطور خبز - صامولي - توست
وبين الوجبات سناك بس احرصي يكون صحي وبعدي عن الشبسات والمشروبات الغازيه
اعطيهم عصيرات طازجه مانجو جوافه فراوله موز وتقدري تسوي لهم ملك شيك مره مفيد و لذيذ واغلب الاطفال يحبونه
بعطيك طريقتي تحطين في الخلاط فراوله مجمده حليب سائل مثل السعودية 2 ملعقة كبيره آيس كريم فراوله وشوي سكر
واخلطيه لين يصير ناعم وقدميه لهم و ممكن تحطين بدل الفراولة موز والايس كريم بالفانيليا ومتأكدة بيعجبهم
وكمان حطي عصير مانجوا الربيع مع 2 ملعقه زبادي و2 ملعقه حليب بودره و اخلطيه في الخلاط
اعطيهم تمر سوي لهم فطائر جبن او توست ونوعي في الحشوات مثل النوتيلا او زبدة الفول السوداني مع عسل
او حلاوه طحينيه مع جبن سايله .....
اعطيهم مكسرات لوز وكاجو و فستق و معمول و بسكوتات شوفي النوع الي يحبونه ووفريه لهم
سوي لهم مهلبيه بيضاء او مهلبية الكاسترد ...
وبس هذا الي عند اتمنى اكون افدتك .