عاوزه اتقوز بس مش عاوزيني

اللهم صل وسلم على نبينا محمد

سبحان الله والحمدلله ولا اله الا الله والله اكبر
الحمدلله على كل حال الحمدلله رب العالمين

من زمان ماطليت عليكم اشتقت لكم واشتقت لدعاويكم الله يسعدكم :biggrin2:




ياطويلات العمر موضوعي فضفضه وان كان عندكم حل عطوني وان كان ماعندكم ادعو لي الله لايرد لكم دعوه ويرزقكم من واسع فضله


المهم
انا من الناس الي شعرتهم حمراء على قولة جدتي
يعني لو امرض قالو ياحظها مرضت ودخلت المستشفى الفلاني :21:

وماشاء الله تبارك الله والحمدلله يارب انا جميله وخلوقه وابوي غني والاهم من كل هذا اني قنووووعه جدا والقناعه عاكسه على شكلي ومعطيه الناس انطباع عم اني وااو افنان الباتل بمجتمعي ماشاء الله يهنيها

مافيني ذاك الزود بس الناس شايفن فيني شوفه

انا قلت كل هذا عشان تفهمون مشكلتي

من كنت صغيره وانا بزر والكل يقول فلانه ماتجلس عند امها من كثر ماتخطب
فلانه ياحظ من ياخذها
فلانه مو مثل بناتي ماحد بيطل بوجيههم < وماشاء الله الحين بناته معيلات وانا الي محد طل بوجهي :biggrin2:


ووحده قالت لي بوجهي انا وخواتي متحمسات للي بتتزوجينه :cool:
والثانيه بعد من البجاحه تقولها ليتك لولدي بس انتي من بيقد ياصلك
ووحطه تدعي علي تقول الله يصك باب رزقك وماتنخطبين <تخاف اخلص عنه الخطاب :smile:
يعني على بلاااااطه الناس شاقين فيني
وزياده اني تاخرت ماتزوجت والناس يحسبون انه انا اتشرط
مره وحده قالت لي لاتشرطين وتقولي سالفة وحده انها تشرطت واغترت بنفسه وانه تطلقت مدري اخذت واحد متزوج من هالكلام
حسستني انها مؤلفه القصه بس عشان توضح لي اني مااتشرط
والكل هايب انه يخطبني


مع اني مو مغروره بالعكس مرحه وطيبه الحمدلله ولا احب اتفخشر او استعرض شي من نعم ربي


وش اسوي عشان اغير راي الناس فيني وانخطب :unhappy: ماقد انخطبت الا مرتين او ثلاث وكلهم مو مناسبين

والحين الكل منشغل فيني اني مااتزوجت اتمنى اني مااطلع لاحد والله اريح بس امس ماترضى

الشي الثاني < راعية طويله


هل العين والحسد يمنعون الزواج ؟

لان دايم احلم ويطلع انه اتقي شر عيون الناس واني احتاج لرقيه




الشي الثالث < اخر شي والله :unhappy:

ادعوووو لي ياحبيباتي ان شاء الله وحده منكم تقبل دعوتها ادعو لي بالهدايه والزوج الصالح