عذبت نفسي ودفنت شبابي بيدي.. أريد حلاً لسمنتي

انا انولدت سمينه من يوم اعرف نفسي وانا سمينه والحمدلله اللهم لا اعتراض يعني انا من النوع اللي حجمي كبير طبعا قضيت طفولتي ومراهقتي وشبابي وانا بالسمنه هالشي خلاني اعيش باحباط كبير واقول انا خلاص انولدت كذا وعشت احلى سنوات عمري سمينه وش استفيد اني انزله الحين وانا عمري صار 32 سنه ؟ وش استفيد وانا قربت عالاربعين؟! احساسي مر مر والله موجع احس بألم نفسي كبير يوم اشوف البنات المراهقات بالملاهي كيف اجسامهم ماشاءالله صغيره ونحيفه اسمن وحده فيهم انا كنت دبلها وانا بعمرها ويوم اروح اعراس واشوف الحريم كل وحده جسمها ماشاءالله اطلق من الثانيه لاكرش ولازوايد وحتى اللي عندها زوايد وزنها معتدل وطبيعي وانا ماغير اخبي بهالكرشه وفوقها الوزن كبير اتفشل واحس بنقص وسطهم والسمنه ماتساعد اني اكون حلوه بنظر احد نهائيا مع اني اكشخ اطلق منهم كلهم لكن مع السمنه كله يضيع في مهب الريح ماعشت مراهقه ولاعشت ايام ماكنت بالعشرينات ماذقت طعم الكشخه الصح كل لبسي واسع واسع واسع ولا تدلعت زي البنات بتقولون ليه ماسويتي رجيم وش منعك اقولكم كلما فكرت اسوي رجيم اناظر القى وزني زايد مو 10 كيلو ولا 20 الزياده بوزني كبييره ويبيلها وقت طويل وانا ملووووله والله احس بملل غصب عني ياناس وش الدبره نفسي البس شورتات بالبيت نفسي البس فستان ضيييييييييق زي الحريم بالاعراس مليت من الفساتين الواسعه نفسي اشوف حجمي لو مره وحده بحياتي صغير بس كلما اتذكر عمري والمشوار الطويل اقول راحت علي وحتى لو صرت منيكان وش الفايده وعمري صار كبير صار عمري 32 وصار الدافع عندي صفر لسببين الاول هو الوزن اللي يبيله تنزيل كبير بس السبب الثاني اقــــــــــوى من الاول وهو عمري اللي وصلت له والله اني لي كم يوم وصلت فيني للبكاء اصيح اقول ااخ على عمر الشباب اللي ضاع مني ادري بتقولون لسه العمر قدامك بس الطعم غير والله غير يوم اكون صغيره ونحيفه راحت علي راااحت قضيت ايام عمري كلها وانا فاقده الثقه بنفسي هذا يجرحني وهذا يذب علي بالحكي وهذا يقولي مره متنتي وش ذا؟ وهذا يقولي شكلك شين وكلا يشوفني بنص عين تدرون ليه كتبت الموضوع ؟ تدرون ليه ؟ اشتهيييت ازور ناس اشتهيت اشوف بشر تدرون ان لي سنه ونص ماشفت الا اهلي وحمولتي بس؟؟ مستحيييييه اروي وجهي للناس لايينصدمون لان وزني زاد 5 كيلو بعد فوق سمنتي اشتهيت اتعطر واتمكيج واكشخ واروح عند الناس انا اتعطر ببيتي واكشخ لزوجي لكن عند الناس تحللي كشختك بقوه مشتهيه اسولف مع حرمه او بنت بس متفشله من وزني المفروض بعد هالغيبه ضعفت بس حبيت افرغ القهر والحسره اللي بداخلي