(عروس) ساعدوني اعطاكم الله ما في خواطركم

الف مبروك
انت لو تنزلي وزنك بشكل صحي وبطي حتى لو 4 كيلو في شهر حتنزلي 20 كيلو بعد 5 شهور
ولا انصح باي منتجات تدمر صحتك ويزيد وزنك بعد تركها

و انتِ بتجلسين تمدين اذآنك لفلانة و علّانة..!!!


حبيبتي كل وحدة بتقول لك عن الدايت اللي فادها او اللي سمعَت عنه ..
و مو كل نظام غذائي او دايت مشى معها ب يمشي معك ❌❌
اذا جد تبين شيء تمشين عليه زوري اخصائية تغذية عشان تعمل لك تحاليل شاملة و تشوف الدايت الأنسب لك و لفصيلة دمك و تمشي معك ب البرنامج خطوة ب خطوة ..


ذي تغذية و صحة مافيها خرابيط و كلام فاضي و استشارة من كل من هبّ و دبّ❌

معليش بس كلامك مو معقول تقولين جربتي اكثر من رجيم ومانفع معك
معناه انك ما تلتزمين فيه بشكل صحيح يعني المشكله فيك
او معناه عندك مشكله في الغده الدرقيه وهذي تحتاج علاج طبي


اما بخصوص رجيم التمر واللبن هذا يستخدم لكسر الثبات وممنوع الاستمرار عليه اكثر من 5 أيام
ثم بعده ضروري يكسر بنظام غذائي صحي متكامل فيه خضار وورقيات خضراء وبروتين


اما رجيم الكيتو ضروري فيه الألتزام بدون أي تخبيص بالممنوعات ومجرد ماتاكلين ممنوعات يخرب ويأخر النزول وياخذ وقت على ماترجعين لحالة الكيتوسز بجسمك عشان يحرق دهون
وضروري تاخذين معه مكملات فيتامينات ومعادن
واكيد لازم تكونين من عشاق اللحوم بكافة انواعها والبيض لانها هي الاساس بهذا الرجيم


اما كيف تنزلين وزن ترى مدة 5 شهور حلوه يمديك تنزلين وزن بالراحه بس انتي ركزي وحطي الهدف قدام عينك وانك بتكونين راضيه عن نفسك بفستان الزواج وراضيه عن شكلك بالصور اللي راح تبقى ذكرى فهذا الشي خليه يكون حافز ومشجع لك
واسهل خطوه لازم تسوينها كبدايه انك ببساطه تاكلين من اكل البيت لكن اعتمدي نصف كمية الوجبه اللي كنتي تاكلينها بالعاده
بدال 10 ملاعق رز أو مكرونه خليها 5 ملاعق فقط
بدال 2 صامولي او ساندويش او توست او خبز بأي حشوه خليها 1 فقط ويفضل تكون بر او نخاله او شوفان
بدال زبديه مليانه عدس او فول او فاصوليا او حمص خليها نصف زبديه فقط
الحليب بدال 1 كاس كبير خليه نصف كاس فقط
السكر بدال 1 ملعقه خليها نصف ملعقه فقط
وهكذا طبقي الفكره على اغلب الوجبات والاطعمه الرئيسيه اللي تاكلينها
وضروري ضروري جداً اضيفي جنب كل وجبه طبق سلطه خضراء كبير هذا هو السر اللي راح يملي معدتك ويحسسك بالشبع لان السلطه سعراتها الحراريه خفيفه وماتسمن وبنفس الوقت بتغذي جسمك بالفيتامينات والمعادن وتتحسن بشرتك
كذلك الخضار الغير نشويه مثل الكوسا الباذنجان القرنبيط البروكولي الفطر الباميه اللوبيا الخضراء احرصي تاكلينها كإيدام او مشويه لانها راح تحسسك بالشبع وسعراتها الحراريه قليله وبتعوضك عن نقص كمية الرز بالوجبه وابعدي عن الخضار النشويه مثل البطاطس والذره لان سعراتها الحراريه عاليه
كذلك حاولي تبعدين عن المقالي واستبدليها بالمشوي بالفرن او المسلوق
بين الوجبات اشربي اعشاب بدون سكر مثل زنجبيل او قرفه او شاي اخضر
واذا حسيتي بالجوع كلي خيار او شوربة خضار غير نشويه بمرق الدجاج او بوب كورن فشار بدون زيت بالمايكروييف او سلطه خضراء
اما الحلا والشبس اذا اشتهيتيه لا تاكلينه غير مره كل اسبوعين قطعه صغيره لا تكثرين


والرياضه مو شرط نادي ممكن في غرفتك تهرولين او تمشين سريع 10 دقايق مع التركيز على التنفس
ثم مباشره اعملي تمارين الزومبا من اليوتيوب او تمارين الخمسه ميل او رقص شرقي نوعي بينهم اذا تقدرين
اهم شي تبذلين مجهود بالتدريج لو تبدأين بعشر دقايق مرتين باليوم النهار والليل
ثم مع الايام تزيدين الوقت الى ان توصلين 20 دقيقه او 30 دقيقه
ومو كل يوم رياضه خليها يوم راحه ويوم رياضه
واكثري من شرب الماء
وبإذن الله خلال شهرين بتلاحظين على جسمك التغيير والكل بيلاحظ ان العروسه نحفانه وحليانه
تشجعي وتحمسي لنفسك مو لأي احد
عشان تكونين واثقه من نفسك
وارمي الاحباط والمماطله والتفكير والقلق والتوتر خلف ظهرك لان كثرتها تعطلك عن الانجاز والايام تجري
وتذكري ان 5 شهور يمديك فيها تنجرين الشيء الكثير وتقدرين تختارين فستان مناسب لوزنك الجديد بإذن الله

انتي خمسه شهور يمديش بالراحه
انا ثلاثه اشهروش بسوي فيها ماكله هم الفستان الله يتمم فرحنا على خير يارب

خففي اكل وكثري سلطات << يعني كل نفس اكلك بس النص
وسوي رياضة نص ساعه اقسميها نص ساعه على السير او مشي
ونص ساعه تمارين مقاومة تشد الجسم مليان فديوهات في اليوتيوب ابحثي عنها
تقدرين بالراحة تنزلين وزنك ولاتسوين رجيم التمر نصيحة ترا يساقط الشعر ويعدم البشرة يخليها ميته وباهته