عضوه جديدة وأحتاج المساعدة

السلام عليكم ورحمة الله وبركاتة
انا متابعة المنتدي من حوالى 3 شهور ونفسي انزل وزني بس الارادة مفيش :06:

لما اتجوزت كان جسمي جميل وبعدين بعد 5 سنوات من الجواز والحمل والولاده مرتين بقيت دبة :44: ونفسي اخس وارجع زي ما كنت اعرف البس اللى انا عايزاه

في شهر 4 اللي فات بدأت ريجيم وكنت قوية الإراده وفعلا خلال شهر ونص خسيت 12 كيلو وبعدين في يوم صحيت الصبح على خبر وفاة والدي الحبيب رحمة الله علية وانا عايشة في الكويت مع جوزي وأهلي في مصر وسافرت في نفس اليوم لأهلي ورجعت بعد كده الكويت وسافرت تاني ..... المهم انا من ساعتها والإراده القوية اللي عندي بقت مش موجوده خالص حتي الوزن اللي نزلتة زدتة بالكامل تاني وكنت ومازلت حزينة اوي على فراق والدي ونفسي اعمل ريجيم تاني انما الإحباط والحزن مخلي مفيش عندي اراده
اعمل ريجيم كام يوم وبعدين ابطل واقول مفيش حاجة تستاهل اني اعمل كده مع ان جوزي نفسة انى اخس بس حتى ده كان حافز ليا قبل كده انما دلوقتي مبقاش

انا طولت عليكو معلش انا عايزة اعمل ريجيم واشاركوا وتشجعوني
وزني :44::44: 98 كيلو من كام شهر كنت وصلت 87 بس معرفتش احافظ على تعبي فى الريجيم والوزن اللي وصلتلة

يلا يا رب اشتراكى فى المنتدى وتشجيعكم يساعدني
ويا رب ينول كل واحد اللى فى بالة وكلنا نخس ونبقى مانيكانات
أمين يا رب
:27: