الله يعينج
بس طنشيها

راجعتلكم في القصة..

مهى زوجي دش وقال اذبحتني ما رضت تروح شسوي؟
شو لابسه مابغي اتكلم لأني ما شفتها ... لما كانت واقفه
بس اللي شفته يوم العرس وهم يزفونا كيف كانت تمشي
قدامي ....... حسيت ويهي دخن.. لكن للأمانه انا ماريد
اظلم يمكن هي ما كانت منتبهه انه جسمها كان وايد باين
والمشكلة كانت تمشي قدامنا انا وزوجي .... انا حسيت
اني استحيت لها ..يعني ماعصبت او انها متعمده
مستحيل... ولامداني اقول لأحد ينبهها لأنه مع الربشة
اختفت مادري وين تطس كل شوي .....

وللأمانه تراها ما كانت قاعده حسب ما فهمته وكان ولدها
واقف معاها ....... يعني انها واقفه على باب الغرفه
عرفتوا؟؟؟؟ الموضوع بالنسبه لي مش قلة حيا انها توقف معاه
يعني أنا يمكن ماشرحت وخليتكم تروحون بعيد.. لأني مركزه
على نقطة أنا واقفه ساعه ...... يعني من باب الذوق أنها ما تلطعنا
هاللطعه ..

عموماً حبيباتي اللي ردوا علي بكمل لكم وأنتظر ردودكم وتعليقكم


هالموضوع انا عديته على خير وقلت يا بنت كبري عقلج
مابخليها تخرب علي أول أيام زواجي.. ونسيت الموضوع

ولو أنها ما تمديك تنسى لها شي..

ثاني يوم زواج
طالعين نتمشى كتاكيت ياحلونا ...لين دق التيلفون المشؤوم
أمه!! تقوله والله أهل العروس وقرابتها متضايقين عشان فلانه
كانت تصور ويحاتوون انها تكون صورت بناتهم أو شي وهم كاشفين!!

أهلي ما كلموهم بس للأمانه أهله يعرفون الأصول وأمه حست
وخواته حسوا يوم العرس انه حريم جماعتنا تضايقوا...

المهم قالتله أمه دق على عمك وقوله يشوف
زوجته شصورت؟؟

راح زوجي دق على عمه الثاني!! مادري ماحب يدش بتفاصيل
أو انه مستحي من عمه المهم ..... وقاله يشوف الموضوع ..

عشر دقايق
وعمه راد يقوله لا ابشرك أخوي يقولك!!
مرته ما صورت غيرك انت والعرووووووووووس ....(يافرحتي فيكم)
حتى هي ورته الصور وهو بنفسه شايفهم بعييييينه :icon33: ومتأكد انه مافي صور لبنات الناس!!!!!!!!!!!

















وأنا مش بنت نااااااااس يا عالم؟؟؟؟؟؟


بصراحه هني أول ما تروالي ..... شكلي.. وأنا عروس!! بكامل مكياج!!
بكامل زينتي .... وجسمي!!!!!!!!!!!!!!!!!!!!! لحمي برا يا ناااااااااس!!!

سكت ما قدرت أتكلم ..... خنقتني العبرة

وقاعده افكر بيني وبين نفسي
شالله طيحني على هالناس؟؟

البنات تتزوج عشان تنستر وأنا أول ما اتزوج انفضح؟؟؟


مرت دقيقه يمكن كل هالأفكار يت في راسي....

ماقدر أقولكم زوجي شو كانت ردة فعله لأني من جد
انصدمت!!!!!!! (لا وكنت زعلانه قبل الزواج لأنها وصفتني لزوجها)

وعلى فكرة زوجي يوم سكر عمه!! سألته شصار؟ قال ابد يقول عمي اخوه
بنفسه شايف الصور!! مافيها صور بناتكم!! كان يقولها وهو سرحان شوي!!


المهم رفع زوجي التيلفون بدون ما يقولي أي كلمة ... وأتصل في عمه..
- فلان لو سمحت تلغي الصور!! لا لا اسمحلي ذكرى على عيني وراسي
بس وبصراحه يا فلان انت تدري عروس ومتكشفه وأعتقد انها ابد أبد مب حلوه
((أنه أي أحد .. وأي واحد أيي يشوف الصور)) كانت نغزة.. وبصراحه للحين
مستغربه كيف زوجي تكلم بكل هدوء وبرود أعصاب..

يعني صح اني حزتها حسيت لو حد صفعها كف قدام عيني بحس انه بعد مب كفايه
فيها ..... لكن احيي زوجي انه حل الموقف بشكل هادي وبدون ما يكبر السوالف..

وأنا يا بنات لحد يقولي انتي كان المفرووووض تتصلين فيها او تسوين كذا وكذا
انا كنت توني عروس ثاني يوم في زواجي !! صعب علي ادش على هالناس بمشاكل
للحين أنا قاعده استكشفهم..... مادري شسالفتهم!!!!!! وهذا يصيرلي ماقدرت اني
اسوي شي!!!

كل اللي قدرت اسويه اني عطيت زوجي كم كلمة

قلتله اسمع يا ابن الناس.. أنا ليش اتحجب وأتعب نفسي
دام بكره بيي أحد يشوف لي صورة وانا بكامل زينتي!!!
ليش احنا ساترين انفسنا؟؟ الوحده تتزوج عشان تنستر
وانا من أولها!!!!!!! ماقدرت أمسك نفسي بصراحه
ومشكلتي يوم اعصب تخنقني العبرة!!! .. كان ودي
وقتها اقوله خلاص مابغي زواج دام هذا أوله !!!

بس طبعاً كلها افكار من الصدمه..


وقلتله لا تستبعد انها توري الصور لأخوانها بعد وعايلتها الكريمة
يعني دامها ورت زوجها!!!!!!!

ويا بنات انا ما بمدح في نفسي
لكن ماني شينه عشان اقول ورته "شماته"
أو عشان تثبت له شوف ترا هذي اللي
ولد اخوك خذها وترك اختي !! <--- (للي مب فاهمه ترجع للموضوع القديم)

ويوم عرسي بالذات الكل مدحني.. لدرجة انه بعد عرسي بشهور وأنا اسمع
المديح.. يعني ماعندي ادنى شك اني كنت حلوة .. مش حلوة بالنسبة لنفسي
لا كنت حلوة حتى راعية الصالون كانوا عندها زباين يايين الظاهر يسوون
بروفا يجربونها ...... ماكانت معطتني ويه بعد ما سويت التسريحة واكتمل شكلي
تقولي تعالي هني بعدل بوردرتج.. وانا اعطي البنات ظهري وهي تلفني عليهم
تبغيهم يشوفون..... يعني الوحدة تعرف لما الناس تشوفها حلوة او تشوفها عادية

بصراحه للحين أحس انه تصرفاتها ما تتفسر مادري!!


المهم

راجعتلكم بالتكلمة ............ واللي بتكون تحت عنوان
(فوق شينه قواة عينه)

بطلع عند عمتي وراجعه بعد ساعتين مع التكلمة

الصراحه سالفه غريبة حنا عندنا تدخل فيها قبايل لو سمعو احد صور بنت من بناتهم
ومشكله ذي كبيرة لازم تدخلين احد يوقف المهزله ذي

والله حبيبتي الله يعينج على مرت عمه!!!! بقولج شيء حبيبتي.....لا تتدخلين بين زوجج و عمه.... و مرت عمج خليتا تولي(اسفة على السبة) تراها ماتسوىوماتستحي تكشف عورة بنت على زوجها...بس شتسوين الله بلاج....حبيبتي حافظي على زوجج و لا تهمج و السما ما يهمها نبح كلاب! والله يهنيج يالغالية.....

دلوعته:27:

الله يعينك عليها بس بصراحة النوعية هذي لالالا تعطينها وجة ابدااااا


ولا تحاولين تسوين معاها علاقة واذا فية مناسبة لاتقعدين جنبها حاولي دايما



تكونين بعيدة عنها وخليها تفهم انك مو هاضمتها ابد يمكن تحس وتفكك من

شرها