هلا حبيبتي أم لزام.. موضوعج حلو وبمحله..

بالنسبة للبوفيهات أو العزايم عموما.. عادة يتم اختيار الأصناف اللي بتنعمل على أساس انها متقنة من قبل ست البيت..

مثلا تسوي السلطات اللي تعرفها وحتى لو حطت وياها أشياء اضافية عادي لأنها سلطة والوحدة بتاكل اللي يعجبها حتى لو مية نوع ( أمزح طبعا ههههههههه )!!

بالأطباق الساخنة أحس المفروض يكون منوع بس رز ومشاوي وفطاير بس طبعا اللي بمقدورها تسويه..

والحرمة اللي متعودة عالطبخ ممكن تجازف بطبخات غريبة بس أكيد ببالها انه المقادير مناسبة بعض والطبخة بتطلع حلوة بالنهاية..

الشوربات الأفضل تسوين اللي متعودة عليها مب شرط تجازفين..

أما الحلويات فهناااااااا الابداع فيه.. وممكن بعد تسوين اللي متعودة عليه وممكن تجازفين بأشياء غريبة..

وعادة الحلى ينعمل قبل العزيمة بيوم أو يومين ومنها ممكن تشوفين انا اوكي ينفع والا تسوين غيره.. يعني 3 أنواع وايد اوكي واذا ممكن اكثر..

باختصار وبرأيي الشخصي تسوين الأطباق المتعودة عليها أو ممكن تجربين أكلات قبل العزيمة واذا طلعت حلوة تسوينها بالعزيمة من باب تغيير الأكلات اذا الأشخاص نفسهم عازمتنهم قبل..

والبنات كفن ووفن باقتراحاتهم وأفكارهم..

الله يعطيكم العافية..

شكرا حبيبتي على الدعوة الكريمة

بالنسبة لي لعمل البوفيه اولا ان اكون قد تهيات نفسيا لاقامة هذا البوفيه

لانه يعتمد على نوعية الضيوف هل هم من العائلة او اصدقاء

وعلى عدد الضيوف وماذا يفضلون من خلال الاحتكاك بهم

واكثر البوفيهات اللي احب اعملها دائما تكون بسيطة وتعجب كل الاذواق

مثلا اذا رغبت بتقديم البحريات احب اقدم

سمك محشي ومشوي ويكون هامور او نقرور او نهري يكون الذ
صيادية الربيان
صلصة بطعم السمك
سمك مقلي مع الارز
سلطة خضراء

والحلويات احب اقدم
عوامات
اصابع زينب
كنافة
وربات


اما اذا كان البوفيه للجمعات او العشاء احب اقدم

ورق عنب بالزيت
فطاير بانواعها
سمبوسك بالجبن ونوع بالبطاطا
فتة الحمص
شيش طاووق
اوزي صرر
حراق اصبعه
تبولة

الحلويات

كيكة الشوكلاته
او قدرة قادر

عصير كوكتيل

او فخفخينا


اما بوفيهات اللحوم

دائما اعمل ضلع محشئ
او ديك رومي محشي
شيشبرك
صينية بامية بالدجاج او باللحم
صينية ارانب بالبصل ( اذا توفرت)
او دجاج محمر مع الخضار
صينية معكرونه بالخضار
ارز مفلفل


والاهم من هذا كله

الكيك والحلويات يفضل عملها قبل بيوم لتجنب ضيق الوقت

ويجب تقدير المدة الازمة لعمل الاطباق وتوزيعها بحيث ينتهي عمل هذه الاصناف قبل حضور الضيوف بنصف ساعة

تجهيز السفرة قبل بوقت ( بمساعدة الاولاد)

وكل هذا لتتمكني من استقبال الضيوف بكل راحة نفسية

وابتسامتك هي رمز ثقتك بنفسك

وتقديم البوفيه بشكل لائق سيفرح ضيوفك وينسيك تعبك

اتمنى ان اكون اجبت على الموضوع

ولكم مني كل الحب

طيب بالنسبة لتجهيز الاكل والحلى قبل بيوم الثلاجة اكيد بتكون مزحومة بالحلى والعصير والفواكه غير اغراض الطبخ الي بحتاجها وشلون بتكفي الثلاجة كل هالاغراض هل فيه حل
لاني برمضان اتعب من ترتيب الثلاجة اكثر من الطبخ نفسه خصوصا الي كل الشغل عليها وما عندها خادمة؟
ياليت تفيدوناا كل طبخة كم ممكن تجلس من الوقت قبل التقديم وما تخرب..
مثل العصير الطازج
السلطة
الرز
المعجنات
وكيف تحافظون على حرارتها قبل التقديم؟
ادري اسئلة كثيرة بس لتعم الفايدة للمبتدئات مثلي ونستفيد من خبراتكم..

بارك الله فيك اختي صاحبة الموضوع وللاخوات المشاركات بخبراتهن..

انا نظامي00السهل والسريع00وبنفس الوقت يكون مميز00ولا اغامر بشي جديد ما جربته من قبل00ادور الطبق المرغوب جدا00والي ممكن ابدع فيه00بحيث اضمن بوفيه شكل وطعم 00وباقل جهد ممكن00

بالنسبه لي اختار الاطباق اللي تعجب ضيوفي اذا كنت اعرف ذوقهم

واذا مااعرفهم اقدم اللي اتوقع انه مرغوب

وطبعا احاول يكون شي مرتب ومن غير تبذير

وعموما اختار نوعين سلطه ونوعين مقبلات

مثلا سلطة خضراء وطحينه مع المشويات وسلطات الصوص والمايونيز

مع الاكل الصيني او الاسماك

ونوعين مقليات او نوع مقلي ونوع معجنات مثلا سمبوسك وبيتزا

بف و فطاير وهكذا عشان ماارهق نفسي بالطبخ

والاكل الرئيسي يكون عباره عن نوع رز ونوع خضار

ونوع لحوم منفصل

مثلا باحد عزايمي صلحت كوزي لحم + ملفوف محشي + جريش بجانب السلطات والمقبلات طبعا

وبعزيمه ثانيه رز صيني + ربيان عالصاج + في تو شيني

برياني بالدجاج + خضار بالفرن + ريش مشويه

اما العصاير افضل الطازجه

والحلويات انوع بين البارد والساخن على حسب نوع السفرة

اذا كان اكل خليجي اصلح كريم كرمل اوكنافه او سلطة فواكه وعيش السرايا

واذا مشويات او صيني يكون كيكة ايس كريم او تشيز

وطبعا ترتيب السفره وطريقة العرض ترى لها دور مهمممممم

بالنسبه لي اعمل الحلى قبل بيوم والف الفطاير او السمبوسك الصباح واسلق اللحوم من بدري

لان اغلب عزايمي عشاء واكثرها رجال فقط او حريم فقط


اتمنى اني اكون افدتك عزيزتي