مدري كيف طريقتك وش اللي تاكلينه وتشربينه بالضبط
لكن خذيها قاعدة الكيتو ضروري قبل تبدأين فيه تجهزين لك قائمة بالفيتامينات والمعادن
على رأسها واهمها فيتامين د3 + مغنيسيوم + بوتاسيوم بشكل يومي
وبالاضافه الى ماسبق يفضل للاحتياط أخذ كبسوله فيتامينات ومعادن متعدده كل يومين او ثلاثه ايام
وبخصوص التعب والارهاق والدوخه والخمول سببها نقص الصوديوم والبوتاسيوم والحل اخذ ملعقه صغيره ملح هملايا او ملح بحري مع كوب ماء
وطبيعي اول اسبوع تحسينه صعب لان جسمك جالس يفرغ مخازن الجليكوجين (السكر والكربوهيدرات المخزنه) من الكبد وينظف جسمك من السكريات ثم يدخلك في مرحلة الكيتوسس عشان جسمك يبدأ يستخدم الدهون كمصدر للطاقه بدال السكريات او الكربوهيدرات
ونقطة مهمه اول اسبوعين الى اربعه اسابيع لازم مع كل وجبه تضيفين كميه كويسه من الزبده او زيت جوز الهند او زيت الزيتون لان جسمك يحتاجها عشان يتحول للكيتوسس ويتعود على هذا النظام وبنفس الوقت الدهون تحسسك بالشبع واذا قللتي كميتها راح تحسين بالجوع السريع وهذي اول اشاره ان نظامك فيه شي غلط
بخصوص قهوتك مدري ايش النوع اللي تفضلينه لكن الكيتو مسموح تاخذين كريمه وتخفقينها مع قهوتك السوداء
كذلك مسموح تستخدمين سكر ستيفيا بكميات معتدله
ومسموح تعملين لنفسك حلا بالمكسرات والكاكاو البودره الخام والزبده وسكر ستيفيا
بل ان اللي يتبعون الكيتو غالباً يجهزون لانفسهم بومب فات / قنبلة الدهون ومكوناتها كاكاو بودره وسكر ستيفيا وزيت جوز الهند او زبده ويحطونها في قوالب تتماسك وياكلون منها مع القهوه اذا حسو انهم ما اكلو كمية دهون كفايه
ولازم تحسبين سعراتك الحراريه اليوميه مثل ماتحسبين الكربوهيدرات اذا فعلاً حابه تمشين صح وتنحفين
هو بس بالبدايه راح تحسين نفسك كأنك جالسه تخبصين وتتعلمين لكن بعدين ان شاء الله راح تصيرين بالنظر تعرفين سعراتك في كل طبق تاكلينه
وبخصوص اللي يقولون الكيتو فيه دهون كثير صحيح دهون كثير لكن هذا لا يعني انها تمسك علبة الزيت وتشربها
لان اساساً اللحوم فيها نسبة دهون والاجبان والكريمه والمكسرات حتى الافوكادو فيه نسبة دهون وكلها تعتبر ضمن حسبة الدهون المطلوبه .. وفقط اول اسبوعين او اول شهر يكون الدهن كميته في الطبخ زايده بس عشان يحفز الجسم يدخل بالكيتوسس مثل ماوضحت ثم بعد الشهر يتم تقليل الدهون في الطبخ


وهذا رابط موضوع للاخت حلا سبق كتبت فيه معلومات عن الكيتو وحطيت روابط قنوات يوتيوب فيها معلومات مفيده جداً عن الكيتو وكيف طبقوه ويوضحون بعض المعلومات المغلوطه والمبالغ فيها عن الكيتو خاصة قناة البنت الكويتيه


https://www.hawaaworld.com/%D9%85%D8%AB%D8%A7%D9%84_%D9%84%D9%88%D8%AC%D8%A8%D8%A7%D8%AA_%D8%A7%D9%84%D9%83%D9%8A%D8%AA%D9%88-4883068/

الكيتو مره صعب ويحرمك من اغلب انواع الاكل
يصير اغلب اكلك خضار وفواكة
مهما استمريتي عليه يجيك وقت تملين وترجعين مثل ماكنتِ
صحيح ينزل وزنك بسرعه هائله بس ع قولهم الي يجي بسرعه يروح بسرعه
يجيك وقت تخبصين وترجعين تعوضين ايام الحرمان
وبدال ماتفقدين وزن تدبلين اوزان ويزيد وزنك بسرعه
نوعي في غذائك بس لاتأكلين بين الوجبات شيء
اذا مش ولابد خذي مكسرات
وباقي الوجبات كمياتها قليله وكثري شرب ماء
وفالك الرشاقه؛؛؛)

غلطط يرجع الوزن دبل اعتمدي نظام السعرات والنقاط كاسلوب حياه وتنقصيين ووزن بدون جوع او حرمان

انا حاليا امشي على نظام الكالوري
نزلت برنامج يعطيج قيمة معينه للسعرات الحراريه مناسب لجسمج وطولج وعمرج م تتعديها
يحسبلي فاليوم كم اكل وكميه الماي والرياضه ويعملي تنبيهات ولازم امشي ٨ الالف خطوه فاليوم
بديت من ٣ اسابيع ونزلت كيلوين
وما حارمه نفسي من الاكل الحمدلله
وغير هذا
اخذت فيتامينات تحتوي على فيتامين سي ومغنيسيوم وفيتامينات ثانيه انا اخذتها عشان شعري واظافري
والبس كورسيه علشان يشد بطني وما ابلع كثير وبامانه يجيني شعور الشبع بسرعه
شعور التعب والخمول هذا من تاثير الدايت وفيه بعضهم يجيهم اكتئاب فالافضل اما تاخذي فيتامينات مكمله او تعوضيها بالاكل

الكيتو مافيه فواكه بس مسموح فراوله وتوت كميات بسيطه ويفضل الامتناع عنها في البدايه

اما بخصوص الحرمان خبرك قديم
الكيتو حالياً ينافس بقوه باقي الانظمه بتوفر البدائل لاغلب الاطعمه
في حلويات كيتو مثل ايسكريم كيك شوكلاته
في مخبوزات ومعجنات كيتو مثل توست خبز صامولي بيتزا فطاير ومعجنات بالزعتر والاجبان واللحم
في صواني خضار باللحم والبشاميل كيتو
حتى المقلوبه والكبسه اخترعوا لها القرنبيط المفروم كبديل للرز

اهم شي يحسبون احتياجهم اليومي
وميزة الكيتو عن باقي الانظمه الغذائيه انه يعطي شعور بالشبع فترات طويله ويقطع الشهيه للسكريات
اما باقي الانظمه اغلبها فيها مشكلة الجوع السريع ولازم اللي يتبعها يبحث عن بدائل ماتسمن يمشي بها يومه وبين الوجبات
وفي ناس يقولون مانقدر نعتمد نظام التخفيف لازم نظام معين يمشون عليه عشان يلتزمون
اما بخصوص رجوع الوزن الحقيقه ان كل الانظمه اذا تركتيها ورجعتي لاكلك القديم طبيعي جسمك يرجع يكدس الدهون من جديد ويحبس السوائل

وفي ناس اللي لهم سنوات يتبعون الكيتو يقولون انهم كل شهر يكسرونه بوجبه غير كيتونيه ثم اليوم اللي بعده يصومون صيام متقطع عشان الجسم يتخلص من الكربوهيدرات اللي دخلته