اختي العزيزة انتي تقولين انك متضايقة من وضعك ومن وزنك الزائد طيب لاتفكرين تتخلصين من الوزن فكري انك تبين تتخلصين من الضيقة اللي انتي فيها وسبب هذي الضيقة هو الوزن الزائد اذن هذا دافع رقم واحد يدفعك للالتزام بالريجيم
الدافع رقم 2 هو مظهرك الخارجي ورضاك عن نفسك انتي مافقدتي الثقة بنفسك الا من عدم الرضاء عن شكلك اذن قولي لنفسك عشان ارضى عن نفسي واقدرها راح انقص وزني واهتم بنفسي وادللها من اجلي انا قبل اي احد اخر
الدافع رقم 3 هو زوجي ونظرات الاعجاب منه
اذن الدوافع موجودة
اولا من وجهة نظري تضعين امامك هدف واضح ابغى انقص 10 كيلو على سبيل المثال وتحددين الفترة اللي تبين تنقصين فيها شهر شهرين ولابد تكون فترة معقولة وواقعية
زوري اخصائية تغذية لاتسوين رجيم عشوائي او من تجارب الاخرين زيارتك للاخصائية مهم لانها بتوصف لك رجيم مناسب لك بعد عمل الفحوصات عشان تخسرين وزن بدون ماتخسرين صحتك وراح تكونين متابعة من قبل اخصائية هالشيء راح يساعدك بالالتزام ولابد تكون عندك همة
بالنسبة اذا واجهتي صدمة وخلتك تلجأين للاكل اعتبريها حجة دايما تاخذينها وتخدعين نفسك عشان ماتلتزمين بالريجيم طيب هذا سلوك راح يسبب لك الم اكبر من الصدمة صح ولالأ وشعور بالذنب بانك اهملتي نفسك اذن الحل بيدك وحدك
كيف؟؟
قرري والان الان الان ان الاكل عند الغضب ماهو الا سلوك انا افعله بارادتي
اوجدي البديل
اذا واجهتك صدمة او حالة زعل وغضب اختاري سلوك يفيد لك لايزيد الضرر
اركضي مثلا اعملي تمارين رياضية معينةاو اكتبي عن الشي اللي يضايقك وقولي اللي يجول بخاطرك مااحد سامعك ولا شايفك او ادخلي النت افعلي اي شيء المهم البديل عن الاكل اللي راح يالمك اكثر
غيري من ديكور البيت مولازم تشتري اشياء جديدة لا غيري مكان الاثاث اضيفي شيء جديد ابدعي في هالشيء
غيري الاطباق والاصناف بالاكل بشرط ان تكون صحية
اعملي لك جدول فيه نظامك الغذائي الجديد
ونظام العناية بالبشرة والجسم
ونظام العناية بالشعر
ونظام للرياضه سواء في نادي او بالبيت
وكل اسبوع شوفي كيف انجزتي المهام المكتوبة بالجدول او لا
هالشي راح يساعدك كثير وراح تستمرين كل العمر ان شاءالله محافظه على جمالك وشكلك ونفسيتك اللي هي اهم شيء
اكتبي بورقة الاشياء اللي تبين تشترينها وروحي تسوووقي ودللي نفسك واهتمي فيها اشتري كل شي حلو بدون ماتنظرين انا سمينه او نحيفه لان نفسك تستحق وهذا هو المهم
لاتقدرين نفسك بمظهرك فقط قدريها بقدراتك بطيبتك بمواهبك ولابد ان هناك مواطن جمال فحاولي الاهتمام فيها وابرازها
ابداي الان وانا متابعة معك
لك اطيب سلام

هلا اختى انتي خلى عندك عزيمه قوووويه وشجعي نفسك والله راح تستمري بالرجيم
وان شاء الله ترجعين مثل اول واحسن

والله نفس حالتي زوجي مسافر عنده عمل وانا مع اهلي واحس اني مهملة في نفسي :( حتي قررت اني اغير اشياء في نفسي :27: واولها قص شعري وصبغه + عمل ريجيم من اليوم وش رأيك نبدأ انا وياك بريجيم ورياضة نصف ساعة يوميا والمحافظة على البشرة بعمل خلطات المنتدى ها بتبدين معايا ولا ابدأ بروحي؟؟؟؟؟؟؟؟

والله أنا ما عندي لك حل معين...

بس حبيت أوصلك دعمي المعنوي...

حبي نفسك حتي يحبها الآخرون...

أنت تستحقين كل الحب...

:)

السلام عليكم
والله يا بنات ان ردودكم خلتني اصيح.....انتوا فعلا اكثر من خوات....الصراحه الامور الي كلمتكم فيها استحي اتناقش مع اي احد ثاني فيها
انا مشكلتي مع الرجيم هي عدم المحافظه على الوزن لاني من قبل نزلت وزني اكثر من مره ولكن بعد مده شهرين او اكثر امل وترجع ريمه لعادتها الاديمه
انا امس بديت تخفيف مو رجيم قاسي وانما تخفيف وانشالله ربي يساعدني
بالنسبه للرياضه انا عندي جهاز بالبيت وصار لي اسبوع باديه اشتغل فيه 20 دقيقه باليوم
بالنسبه للاهتمام بالشعر هو فعلا مشكله....انا الحمدلله مهتمه بتنظيفه وتغسيله يوميا وحتى السشوار يوميا يعني ما اخليه مكوش ولكن اكيد سشوار البيت مو نفسشوار الصالون فالظاهر اني لازم اسوي له فرد
اما بالنسبه للعنايه الشخصيه انا مو مخليه نفسي على طول كريمات للجسم بعد السباحه وعطورات بس احس لاني متينه الجسم ما يساعد
اللبس فعلا انا مقصره بهالناحيه دايما لبسي بالبيت فساتين واسعه لازم اغير تشكيلة الملابس الي عندي
وبالنسبه لديكورات البيت انا وايد مهتمه في بيتي بحدود الامكانيات وانا دايما اعمل فيه تجديد
تدرون انا شنو مشكلتي؟؟

الثقه بالنفس معدومه!!
وهذا الشي ما ينعكس على حياتي الزوجيه بس وانما ماثر على حياتي بالعمل ايضا وتعاملي مع الناس وكل شي حتى مع الخدم
انا احتاج اكون واثقه من نفسي وايد واحتاج اؤمن بان كل هالتغيير لاني استحقه واستاهله انا بالمقام الاول
انا دايما انزل من قدر نفسي واضحي باحتياجاتي علشان ما انقص على احتياجات البيت والياهال
لازم احل مشكلة الثقه بالنفس في نظري هي اهم من كل شي