انا اتصور يابنات ان الوحدة لازم تلبس وتتسنع لنفسها اولا واخيرا حتى ماتهمل نفسها مع الوقت ....
وانا من زمان منعت الحلويات والخرابيط ان تدخل البيت لانها اذا موجودة جدامك الكل ياكل منها و انا اولهم فبدلتها بالفواكة و الخضروات و الله اصح
والله يوفقك يااختي وترجعين مثل اول و احسن

حبيبتي
البنات ماشالله ماقصروا
واعتقد انج تعرفين شلون تهتميين بشكلج ومظهرج الخارجي
لكن انا اشوف ان اهم شي >>التغير يبدأ من الداخل>>
يعني لازم ترجعين ثقتك بنفسك
وانك تستحقين انك تدلعين عمرج لأنك جذابه وحلوه واشتري الكريمات الغاليه وقمصان نوم جديده وبيجامات جديده ولا تقولين زوجك منعك من شراء قمصان النوم لأنه مالها داعي
ترا ما قالها الا من بعد ما شاف انك اهملتي نفسك وصار مالها معنى فعلا ....

فرصه انه زوجك مسافر عشان تجددين حياتك .....طبعا ضروري ان تعطين ببالك ان التجديد
عشان زوجك وعشان تجذبينه لك .... لكن لاتخلين انه هذا السبب الرئيسي للتغير لا
التغير هذا انت محتاجته عشانك انت ....
وترا حلو ان الوحده تكون انانيه مرات وما تفكر الا بنفسها ....ضروري
ولا تنسين ان التغير يبدأ من الداخل

بعد الحمل والولاده وزني زاد بطريقه هائله مع انني حاولت ان اسوي رجيم اكثر من مره وكنت انجح وانقص وزني لاكثر من 15 كيلو! ولكن سرعان ما استعيد الوزن الي فقدته عند اول مشكله او قلق عاطفي اتعرض له فالجا للاكل لتسرية نفسي
نتيجه لكل هذا اصبحت لا اتحلى على نفسي باللبس لاني اصلا اصبحت الاقي صعوبه كبيره في ايجاد ملابس تناسب قوامي
اصبحت استخسر على نفسي شراء الملابس الغاليه او العطور والكريمات الثمينه ودائما ابحث عن الاقل ثمنا لاني في نظري لا استحق
في المقابل كنت احرص على ان البس بناتي احسن اللبس واغلاه واهتم بشكلهم اشد الاهتمام ونفس الشيء اهتم بزوجي ولبسه واشتري له اغلى الهدايا من افضل الماركات العالميه




ومين سمعك

حبيبتي koketa الله يعينج على ما بلا ج ( الوزن )
لأنه من صج احس الوحده من يزيد وزنها تتغير نفسيتها وتصير مب طايقه احد وودها ما تطلع ولا تقعد ويا حد ..
بس يكون خاطرها انها تكون قاعده ببيتها ولابسه جلابيه وسيعه علشان تخفي فيها وزنها ... وبالطريقه هذي يزيد الوزن اكثر وهي مب حاسه ...
الغاليه انا مابزيد شي وايد على نصايح الخوات ....تراهن والله ماقصرن. . . بس بالنسبة للشعر روحي لصالون محترم ومعروف .. وسوي تمليس للشعر .. ترا بترتاحين من السشوار لمدة 6 شهور وأكثر ...وماعليج من اللي يقول التمليس يطيح الشعر . . . .. تراه شعرنا طبيعي يطيح بس أهو يمكن يطيحه أكثر شوي أول شي بس بعدين عادي بيكون ..وتقدرين بعديين تسويله حمامات زيت ...
غناتي ... ودي تحطين شي جدام عيونج .انه الجسم الحلو يخلق نفسيه ولا أروع منها وبعدين ترا الريال دايم وده بوحده تكون ملكه في الجمال والدلع والغنج ...
يله . . . . اكشخي وادلعي. . . . ومن الحين استعدي لليوم اللي يوصل فيه زوجج واعتبري نفسج تستعديين للعرس من أول ويديد . :27:

المشكله مو مشكله ريجيم بس انتي مو بس مهمله نفسك لأ انتي ماعندج وقت لنفسك بمعنى اصح مومخليه لنفسك وقت أكيد من شرحك لحالتك ولأني كنت نفسك بالضبط بس المصيبه ان زوجي نبهني مو انا انتبهت أني انا حتى ما اطلع الا مع اعيالي استخسر مو بس الفلوس على نفسي حتى الوقت فقمت شنو اسوي اطلع اعيالي اليوم وباجر اطلع مع صديقاتي او زوجي او بروحي وأشتري لروحك شئ انتي تحبينه تحت بند المكافئات يعني كل مانزلتي كم كيلو اشتري لج شئ معين بدله حاطه عينج عليها مكياج جنطه اللي بخاطرج بس بند مكافئه دايم كل ست شهور غيري شكلج قص او صبغه حاولي تسافرين مع زوجك بروحكم وياليت تشتركين بنادي يغير النفسيه فوق حدر وياليت لو تروحين جلسات مساج وتدعين لي