اشلونكم بنات :)
كل عام وانتوا بخير وعيدكم مبارك انشالله

بالنسبه لي قعدت مع نفسي وقررت اني لازم اهتم بنفسي على كثر ما اقدر وباخذ هالتعديلات على مراحل علشان ما اتعب واستصعبها
بالنسبه للرجيم انا حاليا مخففه بس مو رجيم ...على الاقل احسن من الاول لحد ما ربي يرزقني الاراده والقوه علشان ابدي رجيم حقيقي
قررت ادلل نفسي شوي واغير المجموعه الباليه والقديمه الي كنت البسها بالبيت واستبدلها بمجموعه فيها انوثه اكثرواستغليت فرصة التنزيلات وشريت لي ملابس اتزين فيها بالبيت مثل التنانير القصيره والشورتات والبديات والفساتين
وشريت لي كريم تفتيح للبشره من ماركة بايوت
طبعا انا قاعده احاول اردد على نفسي دايما اني استحق هذا التدليل علشان ما احس بشعور الذنب الي دايما يمنعني من اني ادلل روحي

وشكرا لكل البنات الي شاركوا وما قصرتوا وادعوا لي يا بنات ان الله يسخر لي زوجي ويخليه ما يشوف غيري ويحليني بعينه ويرجع لي ثقتي بنفسي وترجع لي ايام الرشاقه

عجبني موضوعك
بصراحة لو كنتي شايفة حلقة اوبرا من كم يوم عن النساء اللواتي يهملن انفسهن لرأيتي العجب
اللي كانت ملكة جمال للولاية وبعد اول طفل صارت دبة.. شكلها فضيع
والسبب انها حست ان طفلها وزوجها يجب ان يحصلا على الاهتمام الاول
وبالتالي فقدت نفسها واهملت شكلها
والان هذه المرأة محطمة وانتبهت انه قد حان الوقت للتغيير
في النهاية عرضت كل وحدة من النساء مشكلاتها .. وكانت هناك اخصائية نفسية تجاوب وتنصح
وخلاصة القول ان كل وحدة لازم تفكر في نفسها قبل الكل وان حصلت مشكلة فليس السبب منك
قد يكون السبب من الطرف الاخر.. وليس لانك شخص غير مرغوب فيه
احبي نفسك قبل الاخرين .. احرصي على صحتك قبل الاخرين لانك اذا تعبتي لن تستطيعي العناية بالاخرين
اف تعبت .. اتكلم وايد.. على العموم اتمنى تكوني فهمتي قصدي

فعلا انا اختي قالت لي عن هذه الحلقه لكني ما لحقت عليها
وانا فعلا محتاجه الى استعادة الثقه بالنفس

اكبر خطأ ان الوحدة تسمع كل كلام زوجها الزين والشين وتنفذه بدون تفكير وتعممه طول حياتها....كل الازواج مايحبون المكياج......لا ويتريقون علينا بعد اذا شافونا نتمكيج(هذا كلامهم)
لكن الحقيقة انهم يحبون المكياج الناعم اللي يبين على الوجه طبيعي ويبرز جماله مو حق السهرات... وتسحرهم العيون الكحيلة ...ومايفضلون لبس البنطلون (برا البيت بس او امام الغرباء)لكن اتحدى فيه رجال ما يحب زوجته تلبس له بنطلون ضيق!!!
ويتضايقون من تتبع الموضة باستمرار وكثرة التسوق ...لكن مايملون من الزين والمنظر الحلو يعني الحكاية تحتاج سياسة وصبر......والسبب ان اغلب الرجال ما يدرون عن العمليات التجميلية والمراحل الطويلة اللي يمرون فيها الفنانات ونجمات التلفزيون حتى نشوفهم بهالشكل وتبدأ المقارنات بيننا وبينهم من غير تفكير وطبعا المقارنة لصالحهن للأسف لما يلاقي ان زوجته مهملة في نفسها ...ولعلمك يا اختي عمره ما راح يغفر لك اهمالك بنفسك بحجة تنفيذك لوصاياه فانتبهي لنفسك وشدي حيلك من الحين وخلي عندك ارادة والله معك....واذا نفذتي كلام البنات راح تقضون شهر عسل ثاني باذن الله...اختك شعشوعة

البنات كفوا ووفوا الله يعطيهم العافية
شدي حيلك يا قمر ودلعي نفسك
ان ما دلعتي نفسك محد بيدلعك والله

وحكايه انعدام الثقه انا عانيت منها فترة الين ما حطيت يدي على الجرح
وفكرت بالاشخاص والشخصات اللي سحبوا ثقتي بنفسي
قمت وسحبت عليهم السيفون ههههه
لو اقولك انهم قريبين مني جدا جدا وعلاقتي معهم مستمرة
علشان صلة الرحم مو أكثر ( الله المستعان)