موجوده حبيبتي امس كان عندي عزيمة في بيتي اخو زوجي وزجته واخت زوجي وامي واختي عندي عشان كذا مادخلت
امين يارب الدايت مشوار طويل ولازم الواحد يصبر ويكافح
انا صارلي 3شهور ولحد الحين جسمي مو راضي ينزل الرياضة اسويها 5ايام في الاسبوع والاكل كنت محافظة عليه
كل اسبوع اوزن في الاخير يا ثابت يانازل كيلو او زايد كيلو ودي اكسر 68 بس مدري متى
الميزان حطيته على بلاط طلع لي 69.8وحطيته على فرشه طلع67.4 مدري وش اصدق على الباط كل شوي رقم يا 70يا 69 احس تعبت نفسيا منه
وزجي ملاحظ الفرق اني نزلت بس الميزان مسبب لي ازمة
موجوده حبيبتي امس كان عندي عزيمة في بيتي اخو زوجي وزجته واخت زوجي وامي واختي عندي عشان كذا مادخلت...
ومساء الخير ياغاليات
اليومين اللي راحو كنت حايسة لدرجة مارتاح لين يجي وقت النوم
اول شي ترتيب الاغراض بعد السفر وبعدين البيت يبيله تنظيف خبركم الرجال وش يسوون بالبيت 😭😭
المهم نجي للزبده :
ما انكر يا بنات ان الايام اللي فاتت جاني بروود
الحماس وقوة الارادة طاروا ضعفت عزيمتي بس اكلي بحدود ومع هذا ماكنت احسب سعراتي
وزني مازال ثابت ع 86او 85 مايتعداهم
قريت وبحثت :الاغلب ينصحون اغير من اكلي ورياضتي
وش سويت ؟؟
رحت بحثت بالبدائل وكتبت لستة ان شاء الله بجيبها منها الاكل الدايت ،بتستغربون عشان السالفه قديمه يعني معروف اكل الدايت ،،بس محسوبتكم ماكانت حاطه الشي في بالها اجيب حاجات عاديه وماكثر منها وخسرت 7كيلو ووقفت
بعد اللي زادني خواتي يقولون لاتفرحين بمنتجات الدايت ،،كلامهم ان الشركات تنزع الدسم بس تضيف شي عاد مافهمت وشهو عشان كذا شايلته من بالي
بس اللحين بجيب منتجات الدايت
النقطة الثانيه
العصائر : غالبا نجيب جيكات المراعي اللي ب8ريال
وبعد التدقيق طلعت شراب مو عصير
العصير ياتكلفين على عمرك وتعصرين لك لو حبة فاكهة
او تجيبين من عصاير فلوريدا او كي دي دي او سيزر
النقطة الثالثه
المقالي ،،لذاذة الطعم غالبا محصورة عندنا بالوجبات السريعه من مقالي وكريب وشاورما وبرجر
كل هذا تقدرين تستمتعين فيه ويكون صحي وماتحرمين نفسك منهم لكن كيف ؟!
ياطويلة العمر
يانك تسوينهم بالفرن مع رشة زيت السبراي وهذا في القائمه ان شاء الله
ياتجيبين الاجهزه الجديده اللي هي فليبس بدون زيت او تيفال وتيفال فيه منها بدون زيت وفيه بملعقة زيت
طبعا الاجهزه ذي مكلفة نوعا ما لكن سعرها فيها
واللحين مسوين عروض عليها بس ماقررت وش اللي بجيبها
فليبس عند اكسترا وسالت الفرع قال خلصت
ممكن بفروعكم تلقونها
والسيف بعد مسوي عرض على فليبس ب570
ومسوين بعد نفسها من السيف عشان طبعا تكون ارخص وسعرها 300وعليها
وكارفور بعد مسوين عرض على فليبس الكبيره والصغيره
اما تيفال فهي موجودة في اغلب الاماكن وسعرها نار 1000ريال
النقطة الرابعة
السناكات ،،اذا فيه وحدة مثلي ماتاكل الفواكه تجي جنبي👊👊
انا وحده اذا جعت بين الوجبات مستحيل اخذ حبة فاكهه سبحان الله كذا لدرجة احس اني استاثم لما اشريهم اصلا بس كل مره اقول لا بتغير
الحل :صحن فاكهه مغسله ونظيفه بالصالة مكان الجلسه سواء لي ولا للصغار كذا بذكر نفسي وتكون قدامي
النقطة الخامسه
الماء ،،
نفس الفاكهه الفكره تواجده بالمكان دايما جيك واعرف كم لتر عشان اعرف كم شربت بعد
هذا اللي في بالي اللحين