بحر حياتي .كل تمرين 50 مرة يكفي ...جعله بميزان حسناتك

مساء الخير
اخباركم صبايا
ماشاء الله ي ليلي وزنك حلو
حلو يابنات اشوف الرياضه صارت في يومياتكم الله يعطيكم الف عافيه
طيب في اخوات لهم كم يوم ما سجلو يومياتهم ولا عاد لهم حس ليش كذا
الاخت اميره الوجود قالت عندها ضرف وبتغيب يومين بس الباقين لازم تتواجدو اقلها باليوميات

ماشاء الله مشكوره بحر صاراحه شغلات تحمس يعني في فرق باشكالهم اكثر شي شدني ماشاء الله اجسانهم مشدوده رغم ان خسارتهم في الاوزان كبيره اتوقع انه يلعبو رياضه بشكل مكثف
شدني تعليق في الصوره انو نسجل كل الي اكلنا من نوع وكم ومشروب عشان نشوف الخلل وين بنضامنا

احلى شي عجبني بدون بطاطس ههههههه
والله انك تعجبيني ماشاءالله تبارك الرحمان عليك
احب البنت الي وزنها مثالي ومع ذلك تهتم هاذي تعطيني دافع
اكثر من الي وزنها زايد وبتخفف لأن الاولى ماهي مجبوره ومع ذلك حريصه
والثانيه زي حالتي مجبوره ولازم تخفف هههههههه
اسمعيني وخذيها مني نصيحة اخت
قللي البطاطس تدريجا واتكلم عن الشيبس بالتحديد
وخلي نظامك صحي عشان نفسك وصحتك ورشاقتك ماشاءالله
تدرين ان الشيبسات والاجبان الدسمه والزيوت والمقالي والشوكليت مضره عالصحه قبل الوزن
يعني مو شرط تزيد الوزن لكن بترفع نسبة الكولسترول بالدم والدهون الضاره
فهمتي علي عشان كذا اقولك خففي منها مو عشان الدايت لكن عشان صحتك
عمرك شفتي اجانب ياكلون جبن سايل ماياكلون غير الجبن حقهم الاصفر الي يجيب العافيه
او جبن كريمي
وحتى الموزريلا حقتهم فرش وطازجه وتحسين فيها مويه اشوفها ببرامجهم حقت الطبخ
مو زي جبن الموزريلا
الي عندنا جبن صناعي كنه بلاستك انا مااعيب النعمه لا والله بس لازم الواحد يفرق
بين الخيارات الصحيه والخيارات الخربوطيه هاذي اجبان مصنعه يضحكون فيها علينا
والجبن السايل كله زيوت ولد عم المايونييز
خلك عالاجبان البيضاء هي الي جبن صدقي ههههه
معليش ادري اني غثيتك بسالفة الجبن بس عشاني كنت مجنونه جبن زيك
واكلت العلقه وجاني الكولسترول مرتفع جدا جدا وضربت عندي الدهون الثلاثيه اقسم
بالله ان الدكتوره شوي تضربني واحلفلها اني اسوي رياضه ومااكل مقالي ماهي مصدقتني
تقولي كولسترولك عالي جدا على عمرك هالرقم مانقبله الا لاكان الواحد شايب ومعه ضغط وسكر نقول العمر والامراض لها دور اما انتي صغيره وهاتك ياشرشحه عشان كذا
ابي احذرك وانبه البنات:kiss:
بالرغم اني كنت قاطعه المقالي والزيوت والوجبات السريعه ومااطبخ الا بزيت زيتون
واسوي رياضه دايم ومع ذلك جاني لأن فيه اشياء ناكلها نكون مستهونين فيها وجاهلين بأضرارها
وهي الي تنكبنا لكن الحمد لله الي جاني خلاني اخذ درس
وصار عندي وعي بلاي وكولسترولي ماجاني غير من الجبن السايل والقشطه والجالكسي:icon33:
فحبيت انبهك
وشوفي لي شهور على حميه ورياضه وتوه كولسترولي تعدل صار مقبول ينبلع
ونواغيز الصدر خفت الحمدلله بس لسه لازم
ينزل اكثر

ووزني بأخففه تدريجيا ان شاءالله على خير وصحه وعافيه يااارب

وبس هاذي سالفتي مسكت خط وتحمست بالسوالف غثيتكم هههههههه

ايه حبيبتي ليلى يكفي وزياده ،،

لا تشدين على نفسك من اول مره اذا انتي من زمان عن الرياضه ،، ابدي بالتدريج ،،

،،


الين ،،

ايه ماشاء الله ،، لهم صور وهم يلعبون رياضه ،، لكن الله يهديهم زلط ملط ،، لبسهم فاضح مالي وجه انقل الصور

خخخخ

وترا بعضهم يلعبون حديد ،،

،،،

بنات وش رايكم نعيد كتابه اوزاننا ،، ؟!

ليتني اعرف اسوي جدول ،، لكن مالي بهالسوالف ،،

،،