صبايااا .. انا ملاحظ انه بعظكم اكله كتير قليل
التجويع بيجيب عكسي .. يعني خففي ضمن قوانين .. مش مجاعة .. كمان شوي اجسامكم رح تتعب وهجوم ع الاكل .. بدنا تخفيف مقنن مع التركيز على نوعية الاكل.
ادمجوا التخفيف مع النقاط او السعرات .. لا تنزلوا عن 900 سعرة او 18 نقطة باليوم .. عشان تستمروا اطول فترة ممكنة لازم يكون جسمك في حالة رضا عن كمية الطعام الداخل له .. والا رح تلاقي فجاءة جسمك بطل يتجاوب معك .. بطل ينزل وزنك لانه رح يحتفظ بكل نتوفة اكل بتفوت عليه .. وساعتها انتي رح تستسلمي وترجعي تاكلي بايديكي ورجليكي كمان وكأنك يا ابو زيد ما خزيت.
تخفيف ضمن قوانين حبيباتي .. انفقناااااا

صبايااااا
عندي صديقة عزيزة علي .. كان وزنها كتير زايد بالنسبة لطولها لانها تعتبر قصيرة.. أقل من متر ونص ولكن وجهها حلوو ما شاء الله الا انه دهني جدا مع حبوب ..
حاولت كذا مرة تنزل وزنها .. حاولنا نساعدها .. تمشي على نظام معين فترة وترجع لغاية في يوم من الايام مرضت ..
راحت للدكتور .. طبيب عام .. طبعا ف***ا وكتبلها العلاج ومن ضمن النصائح حكالها تحاول تخفف وزنها لانه الوزن الزايد مأثر على كتير اشياء فيها سلبيا..
قالت له اني حاولت كتير ما بتزبط معي
حكالها .. لو اعطيتك نصيحة وحدة بس تمشي عليها بتمشي .. قالت له اكيد .. قال لها اقطعي الخبز والمعجنات بس .. بتقدري تاكلي رز لو بدك وتعالي بعد شهر ..
حملت هالنصيحة وهربت فيها .. شهر ما فات جسمها الخبز او المعجنات واي شي له علاقة بالطحين .. وبعد شهر رجعت ناحفة 7 كيلوووو ..
حكالها هلا استمري على هالشي بس كمان اقطعي الرز وارجعي بعد شهر .. وبعد شهر نحفت متلهم واكتر شوي .. وما زالت مستمرة من شهر آب الماضي لغاية هلا لا تاكل الخبز ولا الرز ولا الحلووو
جسمهااا صار روعة
بينت أطول
الدلع والنعومة ما بعرف وين كانو
الثقة بالنفس ع الاخر
والوجه ما شاء الله .. راحت الحبوب وبطل دهني وصار منور وبيلمع متل القمر .. ربي يتمم عليها ويزيدها
الارادة صباياااا .. الارادة والتصميم والاستمراااار
اوعي ترجعي خطوة لوراء
اوعي تقتنعي بأنصاف الحلول
اوعي تضعفي قدام الاكل والحلو
خلي هدفك قدامك وعينك عليه بخط مستقيم .. ورح توصلي .. ان شاء الله رح توصلي لانه لكل مجتهد نصيب.
هلا هي صارت موديل لكل الي بيعرفها .. بنات كتير نحفوا بعد ما نحفت هي .. عملوا الي عملته ونحفوا
الاخباز بأنواعها واشكالها غير مفيدة .. هي طيبة وانا من عشاقها ولكن كفائدة غذائية .. انسي
الكاربس مهمة للجسم .. لكن الجسم بياخدها بكميات كافية من الخضار والفواكه .
يا رب تستفيدو من هالمثال الحي الي شفته وعايشت التغيرات الي صارت خطوة بخطوة وتوصلوا لاهدافكم

عليك بالعافيه ي عسل
عوضي بكره 👍🏻💪🏼

الفطور ،ساندويتش جبنه مع كاسه شاي
الغداء شويه كبسه مع سلطه
سناك عنب
عشاء شريحتين توست مع شاي

صبااااح الخيررر يوم جديد ونشااااط وهمه واصرار قويه شدو حيلكم ايام الاسبوع لان احس ايام الويكند الجمعه والسبت تصير فيها تخبيص