sajee :

مساء الخير عزيزاتي .. صباح الخير عندي اهلا وسهلا بالجميع .. رح نعطي مجال للصبايا الي ما بيدخلوا كل يوم حتى يسجلوا معانا لاني انا بالفترة الاخيرة كنت بدور على تجمع جديد اسجل فيه ولما كنت الاقي التجمعات بادية وما في مجال لجدد كان يصيبني خيبة أمل .. خلينا نعتبر الفترة هاي فترة تجهيز وتعارف .. نتعرف ع بعض .. نجهز انفسنا نفسيا .. كل وحدة فينا تعرف الهدف من دخولها هذا التجمع هو الاستفادة ويا ريت تحط في بالها كمان الافادة. كلنا اخوات وكلنا حابين نوصل على الاقل لمرحلة الرضا عن انفسنا واوزانا .. هاد المكان لكل وحدة فينا .. كلنا آدمن هالصفحة .. كل وحدة عندها فكرة او مساعدة او معلومة مفيدة ممكن تقدمها لنا هون نناقشها وارجوا حبيباتي ان نكون كلنا يد وحدة وكل وحدة فينا تكون على قدر من المسئوليه ولا نرتكب اي مخالفات وما بدنا حساسيات .. خلينا ناخد الموضوع ببساطة ونحط الهدف من هالتجمع امام عيونا عشان نوصله بإذن الله. ما رح اعتمد اسلوب العقاب والي ما بينزل وزنها بتطلع من الجروب .. لا ما بحب هالحركة .. احنا هون كلنا كبار كفاية انه نعرف ليش احنا هون .. انا ما بدي امسك العصاية لحد .. ما حد رح يقدر يساعدك في الوصول لهدفك الا انت .. انا بدي قلوبكم .. ارادتكم .. تصميمكم وانتظامكم .. رح نوزن كل اسبوع ان شاء الله .. بتوقع انا لما نمشي على اي نظام من الانظمة رح ننزل على الاقل كيلو بالاسبوع .. الي ما بتنزل كيلو يعني بصراحة بيكون في خلل بنظامها وبألتزامها .. بليز جبيباتي خلينا بهالشهرين هدول نعمل فرق في حياتنا وحياة الصبايا الي معانا بالتجمع هاد معلش على لغتي الركيكة .. للعلم انا اعيش في امريكا وصارلي حوالي 28 سنة عايشة هون .. اعذروني وكمان عشان تعرفوا انه رح يكون فرق بالوقت .. يعني وحدة تكتب شي او تسأل سؤال وتستنى ارد عليها اذا كانت مصحصحة وانا في عاشر نومة .. بتحلم😊 رح نفتح الجزء الاول من هذا التجمع لشهرين .. نيسان وآيار .. شهرين .. لانه بعدها بيهل علينا شهر الخير وبنحكي في الجزء التاني للي حابين يستمروا معانا في الوقت المناسب. يا رب يكون هالتجمع بداية خير علينا .. واهلا وسهلا فيكم في بيتكم او حيطكم او صفحتكم ..

مساء الخير عزيزاتي .. صباح الخير عندي اهلا وسهلا بالجميع .. رح نعطي مجال للصبايا الي ما بيدخلوا...