حزنت علئ ابوكم وربي كسر خاطري اخرة عمري اجي اشحذ عيالي يتكلمون او يسولفون قدامي
واخوك غلطان وياويله من ربي وش الكلام الي يقوله ل ابوه عشان قالك لا خلاص صاير ماتحبه
اجل لو كان الاكل مايدخل بيتكم والريال ماتشوفه والضرب شغال عليكم وش قلتو

بكرا ابوكم بيودع الدنيت وبيمشي لكن بروه قبل يموت وبكرا يرجع الي تسونه في ابوكم من عيالك

هههههههههههههههههههههههههههههههههههههههههههههههههه بضبط نفس نفس نفس قصتي مع ابوي ترا ترا القصة هذي 50% من البنات نفس القصة والله العظيم

رواحو ا اسالوا كل وحده وحده راح تعرفوا قصتها مع ابوهاااااا نفس القصة هذي

صدقيني غلطااانة مو بس بحق ابوك الا حتى بحق نفسك.
حارمة نفسك من نعمة كبيييرة, باب من ابواب الجنة وبركة البيت

انا رسالة وحدة من جوال ابوي تسوى عندي الدنيا ومافيها

وربي بس ارسل له وبدون مناسبة: بابا وحشتنا, بابا اشتقت لك. الله لا يحرمنا منك.. الخ
ويجيني رده واقراه مئة مرة ودموعي تسيل .. ولا تسئليني عن شعوري ساعتها, احس اني مالكة الدنيا
احس ان الله اعطاني - ماشاءالله تبارك الله- اكبر نعمة ممكن البنت تتمناها

والله اني لا اتمنى لا فلوس ولا نجاحات ولا غيره كثر ما اتمنى ربي يطول بعمر الوالد

انا مااكتب هالكلام لحتى اغايظك بس احسسك وش كثر حياتك ناقصة لو مهما امتلكتي ومهما وصلتي من نجاحات


ابوك الان كبر في السن وصار حساس زي كل الكبار. انسي الماضي الان هو انسان غييير الاولاني
ومن كلامك باين انه صار في حاجتكم ووده انه يصحح الامور معاكم.
لا تحرميه وتحرمي نفسك هالفرصة

بكرا بعد عمر طويل بيروح وبيخليكم. بتتمني لو عطيتي نفسك هالفرصة


ترا انا واخواتي ما كنا مرة قراب لابوي كثر ما الان لما كبر بالسن

طبيعي الاب تخف قسوته لما يكبر بالسن ولما تصيروا انتو ناضجين ولا ينخاف عليكم
ويصير يحتاج حنانكم لأن هذي سنة الحياة

فلا تزعلي وتقولي وينك عنا من زمان, لا تعيشي نفسك في الماضي وتجلسي تلتي وتعجني فيه. انتي عايشة في الحاضر واللي عليك هو اليوم واللحظة هذي.


عاهدي نفسك انك بتتغيري. جاهدي نفسك واطلبي الله المعونة وادعي الله بصلاتك وبقيام الليل انه يصلح ما بينكم

بادري انتي وابدي وكوني قدوة حسنة لاخوانك واخواتك. ان قدرتي انصحيهم وان ما استجابوا خليهم. هم بالاخير بيتحاسبوا لوحدهم.
فلا تحطي المعيار هو مدى قرب اخوانك لابوك عشان تحكمي على فعلك ان كان صح او خطأ
اخوانك غلطانين وانتي ما لازم تشاركيهم في الخطأ وتتابعيهم


تنزيلك لهالموضوع دليل على ان قلبك مفتوح ومستعدة تتغيري تجاه ابوك

اجلسي مع نفسك وفكري في حسناته فكري كم هو حزين ويتعذب وهو وحيد وان ما عبر بالكلام
واوعدي نفسك انك بتبذلي كل جهدك

ان صابت كان بها ما صابت فلك اجر المبادرة وتكوني ابرأتي ذمتك امام الله.

فكري بكلامي وكلام البنات زين والله يصلح امرك

من شفت كلامك قلت لازم ارد عليها لو مشغولة
ياختي مهما كان هو ابوك وانت ماتدرين بالنعمه اللي فيها الا لما تفقدينها
انسي الماضي يمكن يبي يعوضكم ايش هذا التكبر مااقدر ومدري ايش ابوك يابنت غيري من نفسك يتغير
حسسيه انه ابوك الله يخليك لنا الله لا يحرمنا منك الكلام الحلو يغير اللي قلبه قاسي
اخيرا دامك تشكين هذا الحل الافضل تتغيرون وترجعون لابوكم
معليش الغريب حتى امك معكم وين العشرة ؟؟؟ كيف جابتكم تحشون من وراه عشان دنيا مايصرف ومايصرف
انتي بنعمة غيرك يتمناها حزنتيني اذا انتي تفكرين كذا وناسيه شلون جيتي وانتي بنت مين
الله يهديك ويسخر ابوك