شكرا لكل من فرح الحلوه ولينا الحبوبه اقولكم بالنسبه لرمضان ثبت وزني مانزلت ولا كيلو بعد رمضان العيد عطيت نفسي راحه لافطار العيد تدرون انا من ضمن رجيميي اعطي نفسي راحه بين فتره وفتره واى شي بخاطري اكله في فترة الراحه يعني ريوق العيد كان كلشي موجوده على طاولة الاكل مثل قرص العقيلي الاجبان والزيتون والخبز اللي كنت منحرمه منه ايام الرجيم اكل وباي كميه وبيض.. فرحنا الشاليه وكلشي كليته بفترة الشاليه ولما يصير المغرب ابتدي امشي علشان اخسر بعض السعرات الحراريه فمازاد وزني.. بعدالعيد علطول رجيم لاني بصراحه مابي ارجع الوزن اللي خسرته وفي بالي اني اقط كم كيلو اللي فاضلين فاستمريت على اكلي القليل يعني نفس اكلي قبل رمضان تذكرون شنو كنت اكل؟ نفسه الحين صرت اعيده حبايبي والله نزل وزني بعد العيد الحين صار وزني 65ونص ومازلت مستمره لدرجه صرت احس بعظام جسمي بينت واقدر المسها بايدي ..اصابيعي صارو عودان لوووول من الضعف وشكثر زفوني قالولي بسج ضعف ترا خلصتي بس انا بيني وبين نفسي اقول باجر راح يتعودون على شكلي اليديد تخيلوا ان الملابس اللي كانت صغيره علي قبل الحين واسعه مو قدي والله واسعه يعني عندي جم بدله كانو صغارضيجين علي ومحتفظه فيهم وقايله لما اضعف راح البس البدل هذي ولما طلعتهم من دولابي الحين وقستهم لقيتهم واسعين مو بس جذيه لما امشي ادوس على التنوره من طولها لانها نزلت وايد ربي لك الحمد والشكر لان ربي اللي عطاني الاراده القويه احمدك يارب ,ويارب استمر.. واشكر كل اخت دعتلي في هالمنتدى اللي ماانسى فضله علي وعلى تشجيع اخواتي لي بالاستمرار وقوة الاراده عسى ربي مايحرمني من دعواتكم الحلوه وربي يوفقكم ويعطيكم اللي في بالكم وينوور لكم طريجكم دنيا واخره
اختكم...جوويره الكويتيه

ماشاء الله عليك الله يوفقك حسيت من كلامك انك طيبه مره وتحبين الناس ودائما تدعين لهم
والله انى حبيتك الله يقويك وتحققين امانيك صرتى قدوه لى كل شوى ادخل على موضوعك واتقوى على نفسى

السلام عليكم

شلونج جوييره ان شاء الله انتي وكل بنات المنتدى بخير
احب اطمنج واقولج اني مستمرة على الرجيم بس عندي سؤال؟
شلون امشي كل يوم مع هالجو البااااااارد لاني متعودة امشي بحديقة بيتنا لاني احب امشي بالجو الطلق واستنشق الهواء النقي ماحب القمته وحتى لو البس ملابس ثقيلة يبرد وجهي واطرافي مااقدر عطيني حل الله يعطيج العافية.
على فكرة عندي جهاز مشي كهربائي بس ماحب امشي فيه احس اتعب بسرعة وركبي يعوروني ويضيق خلقي وكل شوي اشوف الساعة مو مثل لما امشي بحديقتنا ماحس بالوقت ؟
ارجو من مشرفاتنا يثبتون هالموضوع لاهميته وعشان يسهل الوصول له ؟
شكرا

ماشاء الله عليك
قصصصصصصتك بالمررررره تشجع
الف مبروك عليك الوزن الجديد
ويارب توصلين للوزن الي تطمحين له
وعقبااااااالي..وكل الي اوزانهن زايده
يارب ننحف ونوصل للي نتمناه قريب ..واحنا بصحه وعافيه

شكرا حبيبتي والله نهوله الغاليه تسلميلي حبوبه وشكرا لاختي رتووجه الحبوبه انا بخير احمد الله على نعمته اتمنى انج تكونين بخير يارب الف مبروك على قوة ارادتج واستمرارج على الرجيم ابيج تصيرين مثلي واحسن ان شالله ومافي شي اسمه مستحيل هذي الكلمه دايما انا ارددها خصوصا بعد ماشفت الضعف اللي انا فيه وصدقيني حبوبه كل ماضعفتي كل ماصار عندج تشجيع اكثر علىانج تخسرين عدداكبر من الكيلوات الله يتمم عليج وعلينا يارب
بالنسبه للرياضه حبوبه انا مثلج تلقيني مليت من المشي احب اغير وتدرين انا مااحب اتقيد بشي رسمي وكأني مجبره اسويه بالعكس انامعطيه نفسي الحريه الكامله فسويت طريقه للرياضه ومفيده وايد.. وتخسرين فييها سعرات حراريه وايد شلون ؟ انا اقولج شلون ادش غرفتي لما اولادي ينامون يعني وقت انا اكون فاضيه فيه وافتح الكمبيوتر على موقع طرب او موقع ثاني فيه اغاني واشغل الاغنيه اللي تعجبني يعني اختار كم اغنيه انا ااحبهم واجمعهم مع بعض وابتدي اشغل الاغاني واسوي معاهم حركات ايقاعيه بالتدريج مووو تضحكون علي والله مفيده للضعف هالحركه بس هذي ترا سر بيني وبينكم محد يعرفها من اهلي:)).. اختكم تستحي تقولهم..فتلقيني اسوي مع الاغنيه تمارين للخصر وللذراعين وللارجل يعني جسمج كله حركتيه رقصي اذا تحبين الرقص قاعده بغرفتي ومحد يشوفني وهالشي مفيد للجسم مايضرواذا عندج هدفوون حطيه علشان ماتسبب الموسيقى ازعاج للي حواليج فتلقين نفسج سويتي رياضه مفيده ويمشي الوقت وانتي ماتحسين بالساعه والله الوقت يمشي ماتحسين فيه وبعد ودج تسوين رياضه اكثرفهالشي يحررق وايد سعرات لان كل انواع الرياضه سويتيها وكل جزء بجسمج تحرك ..هذي طريقه دايما اسويها لما اتملل من جهاز المشي .. فاذا طبقتي هالشي فصدقيني انج راح تضعفين وينزل وزنج وايد مو شويه.. والكل راح يسألج عند اى دكتور انتي سويتي رجيم والكل يبي رجيميج.. والله يوفقج يارب ويقوي ارادتج واراده كل وحده حابه تضعف:)ودمتي سالمه يارب