انا بشكر عطر شكر خاص
على فكرة زيت الزيتون والزعتر على البيتزا
قبل ما ادخلها الفرن طلعت روعه
انا نفذتها وما كنتش فاكره مين قال الفكره
جزاك الله خيرا وجعله الله فى ميزان حسناتك

طبعا انتى تأمرى
انا بنبسط جدا لو قولت اى معلومة وحد استفاد منها

اسألى كتيييييييييييييييييييييييير ولا يهمك :)

السلام عليكم
ادعولى يا بنات احسن انا بمر بحاله اكتئاب
شديده من نوعها وعلى طول بعيط
معتش ليا نفس لاى حاجه
الكل زعلان منى

حتى ولادى بيعملو شقاوه والله بكسف منهم قدام اهل جوزى وعلى الكلام اتلى بسمعه
كل حاجه فى حياتى فاشله
اجى على نفسى كتير علشان غيرىوبدون داعى
بحس ان شخصيتى انى طيبه لاء دى سذاجه قدام الناس
انقرضت ولم يعد لها وجود
متردده جدا جدا جدا
معرفش اشترى حاجه لوحدى وبتعب كل الى بيجى يشترى معايا
معرفش اخد اى قرار لوحدى لو حد قال عليه غلط يبقى عنده حق
حاسه انى منعزله عن العالم معتشس ليا اصحاب
جوزى بقا يزهق منى
نادر لما الاقى حد يساءل عليا فى التليفون
انا شخصيه مزاجيه معقده
والكارثه
ال ايه بعمل ماجستير
مش عايزاه ومعطلنى عن بيتى
لكنى اضعف من انى اخد القرار
كفايه كده ولا اكملكو
انا اسفه على مود الاكتئاب دا
بس انا بكتب الى انا حاساه
ادعولى ربنا يفك كربى ويهديلى نفسى
خايفه احسن اموت قبل ما ارجع للقراءن
والله من ساعه ما تركت الحفظ وان حالى متدهور والى كانو معايا دلوقتى ختمو القراءن
ان ان شاء الله مسافره غدا ادعولى ارجع بالسلامه احسن خايفه جدا
استودعكم الله الذى لا تضيع ودائعه

السلام عليكم
الف مبروك التجمع الجديد .. الايام اللي فاتت كان عندى عطل جامد فى الجهاز .. بس بجد زعلانه منكم لان ماحدش فيكم سال علي لا فى التجمع ولا عالفيس بوك .. رغم انى باحبكم جدا وحياتى من غيركم كان بجد ناقصها حاجه .. بس لقيت وجودي مش فارق معاكم .. انا محبطه جداااااااااا .. يلا وداع بقى

نانا
بجد كلنا فاكرينكبس معلش ما تزعليش من كتر المشاركات بننسى
لكن انتى فى قلبنا كلنا وبنحبك جدا
حبيبة اوسو
بلاش تسيبى نفسك للشيطان وبصى للايجابيات فى حياتك
عشان تقدرى تستمرى
ربنا يهدى لك نفسك ويرزقك الهدوء والاستقرار النفسى
اكثرى من الاستغفار واستعينى بالله
وبالعكس كلنا بنحب نستشير قبل ما نشترى
مش تردد لكن المشاركه جميله وبيكون فيها ود
وتسافرى بالسلامه واكثرى من هذا الدعاء
يا حى يا قيوم برحمتك استغيث فاصلح لى شانى كله ولا تكلنى الى نفسى طرفة عين