طبعا انا عشقي الباشميل 😍
بس فيه المكرونه الاصداف بحشوة التونه وفوقها رشة موزاريلا
وفيه المكرونه الاسباقتي تنسلق عادي وحطي عليها حشوة البيتزا صوص الطماطم والزيتون وبصل شرايح وجبنه شيدر
وفيه المكرونه الفوتتشيني عذااااب
تنسلق الفوتتشيني عادي وفي تاوة علي نار قويه تتشوح قطع الدجاج الين تحمر شوي وبعدين البصل والفلفل الرومي والفطر كله تشويح سريع علي نار عاليه وحطي كريمة طبخ كميه لا باس فيها ورجعي الدجاج والفوتتشيني مع الملح والفلفل واذا حابه ماجي بس مو دايم احطها وخليها تطبخ علي نار هاااااديه الين تثقل
وطبعا حمسة المكرونه مع التونه هذي المنقذه اذا مالي خلق اطبخ

فيتوتشيني
او الاصداف الكبيرة احشيها دجاج وفطر واحط كل وحدة شوي بشاميل ومازارولا وبالفرن
مكرونه القصدير لذيذة
مكرونه بالخضار والدجاج وحطيها بصينية وحطي ع الوجه كريمه طبخ و قشطه وجبن سائل

اسوي مثلك
و زيادة عليهم باستا واحط معها كوسا مقطع شرائح و بروكلي و فطر و جبنة موزاريلا و كريمة الطبخ واذا حبيتها بصوص احمر احط معها ملعقتين صلصة المكرونة مع ملح و شوية زيت و رشة من بهارات بحرينية مشكلة طعمها خيال نجيبه من البحرين مخصوص

نبغا زياده...يابنات والله يرزق اللي ردوا واللي بيردوا بعدين من واسع فضله...لاخلى ولا عدم

لو سمحتو يابنات وش هي كريمة الطبخ