خذي انواع المكرونه
المكرونه السريعه
المكرونة السريعه اذا تبين فيها صدور دجاج او بدون زي ماتحبين
قدر فيه مويه وملح وشوي زيت يطبخ وإذا غلة المويه حطي المكرونة تنسلق
قطعي واحد بصل حجم وسط ناعم وفصين ثوم وحطي في قدر ثاني البصل والثوم والزيت وقطعه صغيره زبده واحمسيها الين مايتذبل البصل اذا تبين دجاج حطي صدور مقطعه مكعبات صغيره واحمسيها مع البصل او بدون اذا تحبين خضار ممكن تحطين مقطعه بس حطي ماجي نص مكعب بس اذا بدجاج تتبلين الدجاج بملح وفلفل اذا بدون دجاج تحطين التتبيله وبعدين حطي كاس حليب وعلبة قشطة وحطي ملح وفلفل اسود رشه بسيطه وإذا عندك ريحان او اريجانو ناشف ونص ملعقه صغيره حطي ربع ملعقه زنجبيل بودره اذا عندك ماجي ابيض حطي نص ملعقه صغيره وربع ملعقه كزبره مطحونه وخليها على نار صغيره والمكرونه صفيها من المويه وغسليها بمويه بارده وحطيها على الحليب والبصل والقشطه الي على النار وحركيها وتكونين مجهزه علبه صغيره جبن شدر مبشور وجبن موزريلا مع بعض حطيها على المكرونة وحركيها وخليها شوي تنشف وتتشرب الحليب والقشطه بعدين حطيها في صحن وبالعافية
مكرونة الإسباغيتي باللحم المفروم
جهزي لحمه مفرومه مغيبه ومصفيه من المويه في قدر على النار حطي مويه مغليه وملح وفلفل ومكعب ماجي وزيت بس المريه تغلي حطي مكرونة الاسباغيتي وأكسريها نصفين في قدر ثاني حطي بصله وفصين ثوم واحمسيها زين مع زيت وشوي ملح بس يذبل البصل حطي اللحمه وحركيها عشان تتفكك بس تتفك حطي بهارات ملح فلفل ببريكا كمون كزبره فلفل اسود وحركي بعدين حطي بقدونس مفروم وتعازينا طماطتين مع فنجال مويه في الخلاط حطيه على اللحمه وريدي بيالة مويه وماجي وخليه شوي تسبك الطماط حطي صلصة ونفس البهارات الي في اللحمه وخلي النار صغيره وسكري عليها اذا احتاجت مويه زيدي شوي لازم ماتكون ناشفه يصير فيها شوي صوص وغطيها ربع ساعه وبعدين صفي المكرونه وغسليها ونشفيها زين من المويه حطيها في صحن التقديم حطي عليها من صوص اللحمه من فوق ومممن ترشين جبنة موزريلا وشدر مبشور او واحد منها وبالعافية
فوتشيني ألفريدو على طريقتي الخاصة
مكرونة الفوتشيني مسلوقه مويه وملح وزيت
في قدر على النار بصله مفرومه وفصين ثوم ملعقة زيت وملعقتين زبده احمسها الين يذبل البصل وحط معه ذرة ملح وكون مقطعه صدور دجاج أحطه مع البصل والثوم واحط بهارات هاذي ملح فلفل زنجبيل مطحون كزبره مطحونه ماجي ابيض واريجانو ريحان ناشف بقدونس ناشف ان وجد واحمسه الين مايتغير لونه أكون مجهزه كاس حليبامازبارد او ماعندك حليب ناشف مع مويه أصب كاس حليب عليه وكأس كريمة طبخ وحط اربع ملاعق جبن سائل واحركها مع بعض أحط المكرونه عليها بعد مااصفيها وتكون نار صغيره واقلبها معها واحط معهم جبن موزريلا مبشور جبن رومي مبشور جبن بارمزان مبشور وأطفئ عنها النار وأقدمها وممكن أحط الأحيان المبشوره بعد حسب ماتحبين او ممكن رشة جبن بارميزان من فوق عند التقديم ورشة ريحان طازج