السلام عليكم

تحية شكر لك ياجداوية والله انك سنافيه وبنت رجال

اي والله صادقه اني فحطت وتعبت وانا اسالهم لكن انتي ماشالله بردتي قلبي

مع انك ماشفتي شغلها لكن دام عندهم زحمه معناه ان شغلهم تمام

بس مافهمت سالفة الهوشه يعني نست عروس كانت متفقه معاها انها تصلحها برا الصالون

اذا كان كذا الله يستر هذا اللي انا خايفه منه لكن باكد عليهم اكثر من مره

والله يسهل

وسلامتك حبيبتي وانشالله يرجع شعرك مثل اول واحلى

حسبي الله عليهم مع اني ماقد رحت لهم بس اكره اللي يذلون الواحد وهو دافع فلوس بعد


مشكوووووووووورة ياعمري:26: :26: :26:

و الله أحب أشكر كل اللي عقبوا على موضوعي وحدة وحدة
و التحلية اللي نتكلم عنها هي اللي في جدة مو اللي في الرياض

و بالنسبة لقلب المرمر و ميمونة أشكرهم جزيل الشكر على المعلومة و أنا رح أطلب البروفة عند أريج و إن شاء الله ربي يكتب الخير للجميع ...

أما الأخت جدواية
صراحة انبسطت و أنا أقرا كلامك لدرجة إني نسيت كل الهموم ..باين عليك فاهمة و مجربة
و زي ما قلتي كارمن من النوع اللي يحترمون المواعيد و هذا الشي ملاحظته من زمان عند أي شي شخص يجربهم خاصة إذا طلعوا برا الصالون خارج المدينة..يجون من الساعة 1 الظهر
و سمعت إنه مرة فيه مجموعة ناس يبغون يتصلحون عشان العرس و فيه وحدة تبغى تصبغ... و الكوافيرة جات من 12 الظهر صبغت لها و بدت تصلح للباقين بمساعدة العاملات اللي معاها و خلصوا في وقت مناسب يسمح لهم يستقبلون الضيوف اللي في العرس

بس بغيت أسألك
يعني تنصحيني أصبغ عندهم...لأنه بصراحة معروف كل عروس لازم يتغير اللوك تبعها و أنا نفسي أصبغ لأن صبغتي بدت تروح خلاص و خايفة أصبغ عندهم قبل الموعد بأسبوعين و يخربونها لي..
أما الميك أب أنا رح أجيب لهم صور و أقولهم صلحوا لي زي هذي و كمان التسريحة...تتوقعين يفهمون على قصدي أو يطلعوني زي الصور حقتهم اللي في الألبوم؟:27: لأنها بصراحة كانت عادية و بعضها مو حلووووو بالمرة...و هي قالت إنه الناس أذواق لكن أنا قلت رح أعرف كل شي في البروفة
وش تنصحيني


أما الوهج فأعتقد إنو مو قد كذا.. و ريما أخلاقهم زي الزفت..و الله هذا بس و أنا أكلمها على التلفون أبغى أسألها عن العنوان تنرفزت علي !!! و أنا أصلا ما بغيت أسألها عن العنوان إلا لسبب واحد هو إني استدل على صالون أمارة لأني سمعت إنه قريب من ريما :17:

و إن شاء الله يعوضك ربي خير و يكفيك شر كل من يريد بك الشر..و يرجع شعرك أحسن من الأول (عاد 280 ريال تراها دقققققققققة قوية مررررررة و الله ما ياخذونها مني لو بالمضارب :17: )

السلام عليكم ورحمة الله وبركاته

كيفكم بنوتات حلوات ؟؟
معليش أتأخرت عليكم شوية
ودووووووووختكم كلكم
شكلكم لمن خلصتو قراءة سرتو كدة :07:

حبيبتي وردة ذبلانة والله حاسة بيكي وحاسة إنه التطنيش
يقهر خصوصا لمن تكوني إنتي مانتي ناقصة حرق دم..
يكفيكي هم التجهيز و دوخته .. الله يوفقك يارب..
أهم شي إني قدرت أفيدك لو بالقليل .. وبالنسبة
للمضاربة حقت الصالون إللي فهمتو إنهم طلبو
للعروسة كوافيرة معينة والصالون أرسلو لها
وحدة تانية وماعجبها شغلها فمدام عبير أنقذت الموقف
وراحي هي بنفسها وصلحت العروسة .. يعني برضو
عندها ذوق ... عموما أنا بدي أروح لها تاني عشان
لا أظلمها لأنو بصراحة سعرها مرة ناسبني ..
ومدام عبير يقولو متخصصة في مكياج العرايس
وأنا إللي دلتني عليها وحدة صاحبتها وتقول إنها ما
تصلح غير عرايس وماتعرف تمكيج ناس عاديين ..
وطبعا كونها صاحبتها أكيد حتشهد لها بالشي الطيب ..
والـــــلــــــــــه أعــلـــــــــــــــــم !!!
و شكرا على دعوتك و آميييييييين يارب والله
إني محتاجتها هادي الدعوة :) ..

بالنسبة لأختي هتان :)
أنا إللي فهتمو منك إنك مو من جدة ..
أو حيكون فرحك مو في جدة فتبغيها تجيكي ؟؟
وعشان كدة بأقولك لفي ودوري وأختاري
لأنو صح والله اللف والدوران متعب ويهد الحيل
لكن والله تسير عندك إختيارات أوسع ..
يعني أنا كنت من أول مصرة على الوهج ومقتنعة بيه
من كتر ما صاحبتي إللي هي صاحبة مدام عبير نفختلي راسي..
و دحين بعد ما لفلفت سرت محتارة بين أكتر من خمسة
كوافيرات وكلهم شغلهم جنان .. بس أسعارهم
شوية فوق :23: أكتر من الوهج بكتير ..
أما بالنسبة لأنك تاخدي لهم صور الله أعلم يمكن
لو فنانين يزبطو لك الميك أب بالزبط ..
وممكن الصورة إللي إنتي عاجبتك ماتليق عليكي !!!
فلمن تسوي لك المكياج تحسي نفسك وحشة وتلوميها!!!
لازم تنتبهي لهادي النقطة كتير ... لأنو إللي يليق
على غيرك مو شرط يليق عليكي ....!!!!
نيجي لتغيير اللوك .. والله ما أقدر أفتيكي .. بس أنا
إللي ريحني للصبغة عندهم إنه إللي تصبغ وحدة
مغربية إسمها بشرى ماشاء الله قصها جنااااااااااان
أحب أقص عندها دايما أنا و أختي وصاحباتي ,
فأنا عشاني مرتاحة لبشرى ممكن أفكر أصبغ عندها
لكن لو غيرها لا .. وإنتي على راحتك بس حاولي
تقولي لها وريني وحدة إنتي صابغتلها لأنو هما يسوو
لبعض ..
وإذا تبغي صبغة وااااااو مالك إلا عطرة ..
أنا عن نفسي حأروح لها إن شاء الله لأنها سوت
لصاحبتي قبل أسبوعين صبغة تجنننننننننننن
أنا عجبتني مرة .. وعموما عطرة مشهورة في جدة
في الصبغة إنتي روحي لها وقوليلها سويلي
صبغة تليق على شكل وجهي ولون بشرتي
حتجلس تطالع فيكي شوية وتقولك حأسوي كدة وكدة
وصدقيني دايما ماشاء الله شورها يطلع حلو
لأنها خلاص سارت فاهمة شغلها .. لكن لا تحددي
لها و تقوليلها أبغا أشقر مثلا وخلاص !!!
بس ممكن تبدي رأيك إنتي وتحطي فكرتك على فكرتها
و هي تقولك يصلح ولا مايصلح وحلو ولا مو حلو
روحي وخدي شورها ولو ماعجبك كلامها لا تسوي
يعني شوفي هي قالت لصاحبتي أسوي لك ( بيجيات )
صاحبتي عصبت وقالت لها لالالالالالالالالالالالا
أيش بيجيات ؟؟ لالالالالالالالالا ما أبغا لالالالالالالالا
سويلي هاي - لايت وخلاص لا تسوي
لي شي غريب لالالالالالالالالالالالالالالا
وطفشتها .. آخر شي أقتنعت بكلام عطرة وسوت
البيجيات .. والله طلعت جننننااااااااااان وغيرت
شكلها وحلتها كتييييررررررر مع إنه البنت كانت
مو قد كدة قبل ما تصبغ ..
و إن شاء الله تطلع لك طلعة حلوة يارب ..


لكن لا تقصي عندها أبدا لو قصت لك
يسير راسك زي شكل الخروف :28:
قصها مرة مو حلو و مقربع !!!

وبالنسبة لريما الله يكافيهم بس ..
والله ما بيني وبينهم شي ولا ليا مصلحة
لكن وربي أخلاقهم ما تنطاق على قد إنه
لينا فنانة في المكياج وتعرف الوجوه أيش
يليق لها والعيون بالذات أيش يليق لها..
لكن إذا تبغي تروحي لها وبعدين ترجعي و تسيري
وقت التصوير ووقت الزفة تتنفضي من النرفزة
روحي لريما لأنها تخلي أخلاقك تفسخ !!!!
وأنا عن نفسي كنت أفكر كتير إني أروح لها
في الملكة لكن خلالالالالالالالالالاص أنا خلقة
متوترة و أعصابي فالتة .. ولو روحت لها حأجلس
أبكي من القهر لأني أعصب بسرعة :( ..
وبالنسبة للفلوس على قول أختي وردة ذبلانة
يذلوكي وهما ماخدين منك فلوس .. لكنها
حار ونار في جتتهم والله حرام فيهم ..
والله لو تستاهل ماكنت فتحت فمي
لكن حرقو دمي وآخرتها جابولي المرض ..
وكمان أصرت عالفلوس ..
والله لو إني وحدة سفيهة ولساني طويل كنت
شرشحت لهم قدام الناس وخليت إللي
مايشتري يتفرج .. لكن أيش تقولي عاد
إحنا متربيين و أهلنا علمونا نحترم إللي يسوى
و إللي مايسوى عشان لا ننزل قيمتنا ..
وكنت معصبة وخليها هي إللي ماكلة حرام
وعند ربي ما يضيع ..
حسبي الله عليها ...
ومرررررة شكرا على دعوتك :) لكي مثلها
إن شاء الله يارب ..
وبالنسبة لصالون أمارة صراحة مادري
صاحباتي يقولو شغلها مرة حلو وفنانة ..
وبالمقابل شوفت وحدة --> البنت في الطبيعة وقسما
بالله زي القمر كأنها عروسة لعبة .. والله العظيم
تطالعي فيها ماتبغي تشيلي عينك منها وبيضا
زي القشطة وعيونها كبار ولوزية وتجنن ..
ماشاء الله تبارك الله .. يعني أي شي يليق عليها ..
راحت لأمارة يوم فرحها طلعتها زي الجنية :22:
سوت لها أشياء غريبة في وجهها وشعرها
سارت عيونها صغيرة .. و رسمتها تفجعععع
وسحبت لها شعرها زي أيام ستي وجدتي
ولصقتو على جبينها وفرقتو بالنص ..
كأنها قاصدة تسويها تريقة !!
وربي أنا أنصدمت من شكلها !!!!!!
مع إنه أخواتها برضو مسويين عند أمارة
لكن طلعو يجننو أحلى من العروسة مية مرة !!!
ووحدة فيهم كان مكياجها خرافي ما ينوصف ..
حاطة لها ألوان جريئة بس ماتتخيلها وطالعة تجنن ..
حاطة لها أحمر × أورنج × فوشي وقسما بالله
عجيييييييب أنا سرت كل شوية أقول لها
غمضي عيونك أبغا أتفرج شوية :) ..
يعني لو كانت سوت زيه للعروسة كانت
طلعت تجنننننن لكن مدري :( !!!
وغير هدولا ما شوفت لها و لاقد روحت لها
عشان كدة ما أقدر أفتيكي .. بس بأقولك إللي شوفتو ..
وبرضو الــلـــــــــه أعــلــــــــــــــــــــم ..

تحياتي ..
جـــداويـــــــــة

حبيبتي جداويه
والله بالنسبه لريما معاكي حق مليون في الميه
ايدا مافي تعامل ولا اخلاق شايفين نفسهم بجد وعلى ايش؟!!
حى ان خلود حقت المكياج سابتهم
والله رحت من شهر اول مره عندهم من الساعه6 وحاجزه لما وصلت حقت الرسبشن ( حسبي الله فيها ) جلست تتفلسف تعكل نفسها فاهمه قالت لوحده لفيلها شعرها وجلست ساعه عبال ما ينشف ولما افتكرو يفكوه على الساعه10 والوقت اتأخر عارفين ايش صار؟؟
طلع شعري عبارة عن حبال :08: :06: وانا اتجننت الوقت راح ولا طلعت بنتيجة من لفهم الزفت
المشكله ان شعري مو اي احد يفهمله الشعره خفيفه ولاز مثبت قوي وعلى قولك كنت اقولها زيدي ولا حياة لمن تنادي

رحت قمت ورحت للي واقفه على الرسبشن وهات يا تهزيء
قلتلها هذا منظر
خذي حساب الفتله وانا ماشيه ومني دافعه شي
جات كاميليا ولستني وقالت حعدلك هو!!!!:22:
رجعوا عادو اللف تاني بسرعه بسرعه عشان يبغو يقفلو:19:
وكملتلي هي واله مره ما عجبتني اعفن تسريحه سويتها
وانا خارجه (اخر وحده ):mad: اعطيتها 200 على اساس 150 تسريحه و 20 ( الحراميه ) فتله
اخذتها وحطتها في الدرج ومشيت بقلها الباقي قالت خلاص التسريحه 180 شعرك طويل ( شعري للكتف )
قلتلها هذا طويل؟؟!!
والمشكله تكلم بظهرها وماشيه
خلتني اولع:06: :30: قلتلها هذا وجهي اذا شفتوني تاني هنا وخرجت عشان زوجي كان بره والا والله كان مسكت فيها برغم انه هذا مو من طبعي
وقلت توبه ارحلهم:11:

كارمن سويت عندها هايلايت طلع روعه ومكياج اريج للفرح كان تحفه كلهم سألوني فين سويت مكياجي

وكلامك ياجداويه صح (للأخت هتان )
انا يوم البروفه اخذت صوره كانت حلوه للمكياج ولما جربتها طلعت ابدا ما تنفعني:22: من المرييييييييخ
قالتلي اريج كثير ناس يبغو يمشوا على كيفهم وهما احرار الا اذا وحده طلبت ذوقي
وقالتلي هذا ما يمشي خليتها تسوي مكياج على ذوقها طلع روووووعه
فخذي برأي الممكيجه احسن

جداويه قوليلي فين مكان وهج وعطره؟؟

السلام عليكم ورحمة الله وبركاته

هلا بيكي أختي قلب المرمر وبركة إنك عبرتيني :(
وبالنسبة لكلامك عن ريما والله صادقة
والله ترى مسويين أخس من الشحاتين
تديها ورقة 200 ماترد الباقي .. تحسبه بخشيش!!!
حتى الجرسونات في المطاعم ما سووها !!!!
سوتها فيا أول مرة وأنا حسابي 150 ريال
أديتها ورقة أم 200 حطتها في الدرج ودارت ظهرها
قلت لها الباقي ؟؟؟ قالت ها !!! قلت لها باقي لي
50 ريال .. أدتني هي وهي تطالع فيا من فوق لتحت
يختي مدري أيش الهرجة !!!!
ترى من جد سايرين لا يطاااااقو بس إللي مبسوطين
معاهم المنافقين و إللي يبخششوهم دايما
أستغفر الله من ذنبهم ...
وهما كل شي عندهم لفيلها شعرها وبدون سشوار
وبدون موس ولا جل ولا بطيخ وعلى قولك شعرك
يسير زي الحبال وكمان منكوش :23:
قال يعني هي موضة الشعر الأبله :28:
وبعدين المفروض يحترمو رأي الزبونة
لأنو شعرها وهي أدرى بيه إذا يفك ولا ما يفك
لالالالا لازم يتفلسفو ولا تنقص منهم وصلة :p
و أنا عن نفسي قلت لك أحلق راسي صلعة
ولا أروح لهم تاني البعدا .. والله سيرتهم تنفض
لي بدني الله يكافيهم ..

وبالنسبة لهاي-لايت كارمن مين إللي سواه ؟؟
بشرى ؟؟ لو بشرى إللي سوتلك حمستيني
إني أسوي عندها لأنو بصراحة بشرى أنا مرة
أرتاح لها في القص .. وعلى ما أعرف هي بس
إللي تصبغ ...
ودايما يقولك أعطي العيش لخبازه لو أكل نصه :42:
عشان كدة إنتي لو تبغي تطلعي حلوة يوم فرحك
ولا ملكتك لا تتفلسفي و روحي لوحدة فاهمة وقوليلها
شوفي أيش يناسب وجهي وبالذات العيون ..
وهي حتكون عارفة أيش لايق لك وتسوي شي
يناسبك .. لكن ممكن تقولي لها أبغا تايجر و التايجر
تخليكي زي الغولة ... وبعدين تلوميها !!!
عشان كدة هما أدرى بالعيون والألوان ..
بس أنا الشي إللي ماعجبني عند كارمن
أساسهم مو قد كدة .. بس أكيد هما يستعملو
أساس خاص للعرايس ولا كيف ؟؟
وبالنسبة ترى لكارمن 1 وحدة صاحبة أختي
تروح لهم دايما مكياجها يجنننننن مادري
عاد يمكن حظوظ ...
بالنسبة للوهج موقعها عند نادي الإتحاد ..
تقاطع الأربعين .. في شارع التضامن العربي ..
هو الشارع شوية ظلام ولمباته صفرا ويجيب
الصداع لكن صراحة الآدمية سمعتها حلوة ..
عشان كدة مابدي أظلمها وبدي أروح لها تاني
وأشوف شغلها والله يعين ويساعد ..
وياحبيبتي عطرة في جمالك إللي في التحلية
روحي جمالك وأسألي عنها ..

و أي شي أنا حاضرة وفي الخدمة
لكن يا بنات جدة لا تسيرو كدة تقرأو الرد وتطنشو
ترى جبر الخواطر على الله :)

وشجعوني عشان أنا لسة حايسة في أشياء
وبدي أخد رأيكم في المصورات ..


تحياتي ..
جـــداويـــــــــة