السلام عليكم

الله يجزاكِ خير جدواية انتِ فهمت غلط انا عندي فرح بنت أختي ابغى كوافيرة مضبوطه وتقولي اسم اللي تعمل تسريحة وأو مكياج بالاسم لي انا خالة العروسة ..
فيه فيوتشر راحوا له تقريبا كل العائلةلكن ابغى اغير انا وأختي الثانية نروح لمشغل ثاني ..
فهمتي قصدي حبوبة :27:

السلام عليكم ورحمة الله وبركاته ..

أول شي أختي جذابة ششششششششكررررررررا
و آمييييييييييييييين على دعواتك وفيكي الخير والبركة
الله يخليكي .. ويعلم الله إني محتاجة الدعوات ..
وتكفيني دخلتك عالموضوع وإنك قريتي كلامي :) ..

أختي الأصيل ..
بما إنك خالة العروسة يعني لازم تكوني في القاعة
من بدري عشان تستقبلو الناس.. وهادا سبب أكتر من كافي
إنك ماتروحي لريما لأنها حتلطعك و تأخرك ..
وبالنسبة للفيوتشر شغلهم طيب ومعروف .. بس إذا
تبغي تتميزي إنتي و أم العروسة أحسن :) ..
وترى يا بنات إنتو ليش فاهمين إنو إللي تصلح غيرك
تقدر تصلحك كويس برضو ؟؟
يعني أقولك أختي الأصيل إنتي أحجزي عند أي صالون
بس المهم يكون صالون معروف زي إللي قلت لك
عنهم أول .. عشان ما تخاطري ..
ولا تروحي وإنتي في بالك إنك تختاري كوافيرة معينة ..
روحي وإنتي رايقة وعبال ما تسشوري شعرك وتلفيه
أتفرجي عالمكياج إللي سووه قبلك وأسألي مين إللي
سوالهم .. وغالبا يا حبيبتي الصوالين الكبيرة يكونو
كل إللي عندهم شغلهم طيب .. والله أنا أسوي كدة
وسبحان الله كل ما أتشرط تتعكس معايا :23: ..
ولمن أروح من غير تحديد سبحان الله تمشي معايا
زي العسل :) ويطلع شكلي حلو ..
يعني زي مثلا يوم روحت صالون ولاحظت كل الزحمة على
وحدة معينة .. والباقيين عندهم بنت أو بنتين ..
وفي وحدة مسكينة جالسة تنش دبان ..
ماحد يبغا يسوي عندها عشانهم بس ماشيين ورا الزحمة
يحسبو إللي عندها زحمة هي شغلها يجنن ...
جيت وقلت لها إنتي فاضية ؟؟ قالت لي إيوا أتفضلي ..
والله بصراحة أنا أترددت شوية وقلت حتطلعني مشوهة :23:
لكن خلاص أتوكلت على الله لأنها بشوشة وأرتحت لها ..
والللللللللله لمن خلصت لي المكياج وبعد شوية تعديلات
إني طلعت والكل يسألني مين إللي مكيجتك ؟؟ ويحسبوها
إللي عليها الزحمة !!!!! لدرجة لمن طلعت حسبوني عروسة :23:
قلت لهم لالالالا إللي سوت لي هادا المكياج الحلو هديك
إللي محد يبغا يدخل عندها :) ...

وخلصت شعري وأنا خارجة لقيت عندها زحمة وسارو
يتضاربو عليها :32:....
وهي عموما ترى والله مسألة حظوظ يا بنات
مرة تطلعي حلوة ومرة تتعكس معاكي ..
عشان كدة لا تدورو على وحدة معينة بإسمها
روحو وشوفو إللي ترتاحو لها أهم شي
يعني أنا أهم شي بالنسبة لي إنو أكون مرتاحة
تحت يد إللي بتشتغل سواء مكياج أو شعر
أو أي شي تاني ... أهم شي إنتي متقبلتها ..
إنتي حطي في بالك لون فستانك .. وأيش تبغي
تحطي في شعرك إكسسوار أو ورد ..
وخدي كل شي معاكي وروحي لهم وقولي يارب
سهل ويسر وخليني أطلع حلوة :) ..
وإن شاء الله يارب ماتتعكس ولا مع أي وحدة
مننا وكلنا نطلع عرايس حلوين .. وأهالي عرايس
حلوين عشان الأصيل :) ...

تحياتي ..
جـــداويـــــــــة

السلام عليكم ورحمة الله وبركاته ..

يابنات نسيت أٌقولكم شي .. ومهم بالنسبة
لأختي الأصيل ..
ترى غالبا كل الصالونات عندهم نوعين أو
3 أنواع مكياج .. عشان كدة لازم تتأكدو من دا الشي ..
يعني خفيف - متوسط - تقيل ..
أو عادي - تقيل ..
وغالبا التقيل يكون معاه تركيب رموش ..
ويكون التقيل حلو لأهل العروسة أو أهل العريس..
أما العادي والخفيف والمتوسط للمعازيم العاديين ..
وإنتي تقدري تسألي إللي حتمكيجك وممكن تقوليلها
أنا خالة العروسة أو أخت العروسة أو أم العروسة
و أبغاكي تزبطيني .. وأبغا مكياج ثابت طول الليل
وهما حيتوصو فيكي ..
وحتسألك أيش تبغي وأيش ما تبغي ؟؟ وتحبي أسويلك
كدة ولا ما يعجبك ؟؟ أهم شي إنتي تدخلي للي تمكيج
وإنتي نفسك حلوة وتضحكي .. لأنك لو كان دمك واقف
ما راح تاخد وتدي معاكي وتاخد رأيك :) ...
وبرضو أقولكم إللي تمكيج تعرف بالذات عيونك
أيش يليق لها سواء رسمة أو ألوان الشادو ..
عشان كدة برضو خدي رأيها زي ما قلت في ردي
الأولاني ..



تحياتي ..
جـــداويـــــــــة

السلام عليكم

مشالله عليك ياجداويه من جد انتي موسووووووووووووعه في الكوفيرات

بالنسبة لموضوعك اقصد المصورة بقولك حل

بالنسبة لتصوير الفيديو خلى وحده من اهلك تكون فاهمه في استخدام كاميرا الفيديو تصورك

يعني الكاميرا من عندكم وانتوا صوروا ترا مافيه اسهل منه

اما الفوتو غراف جيبي لك وحده تصورك وعندي لك رقم وحده على شرحها هي انها رووووووووووووعه

وانا ماجربتها قبل كذا بس حجزتها لعرسي وبرسلك رقمها عالخاص

شيكي ياحبيبتي عالخاص

على فكره صالون 98 داخل مزاجي من اسمه مدري ليه

بس كيف شغلهم ؟؟؟؟؟؟ واسعارهم طبعا

يالله الباقي بالخاص

:26: :26:

مشكورة قلبي ما قصرتي يا جدواية :27: :26: