من تعرف حساب فروحة الامارات بالاستقرام

سوي بقدر الضغط
قطعي بصله مع ثلاث ملاعق زيت وحركي لين تصير ذهبي وحطي عليه شويه معجون
وطماطم اللي يجيك جاهز بالعلب حطي ربع اونص وبهارات صحيحيه ثلاث حبات قرنفل عود قرفه
ثلاث حبات هيل وأي بهارات عندك مطحونه أنصحك ببهارات اسناد وحركيهم ثم صبي شويه ماء وعلي النار لين تطبخ ثم زيدي ماء نص القدر وقفلي الغطاء زين وخليه ربع ساعه

ثم اغسلي الرز اذا كان الشعلان لاتنقعينه
وزيدي ماء خليه أعلى من الرز بثلاث او اثنين سانتي لاتكثري المويا
وضيفي ملح شويه وحبه فلفل حار بدون تقطيع
وقفلي القدر ووطئ النار لآخر شي خليه ربع ساعه
وربي هذي طريقتي بالكبسه وتطلع لذيذه وريحتها تجنن

يختي اعطيتينا المستحيل بدون ماجي وبدون ثوم وبدون طماطم وش بقى بالكبسه ههههههههه وبعذرك تشتكين
شوفي هي مو مكونات اساسيه لكن مساعده وترفع من درجة الطعم خصوص الثوم مع الكبسه البيضا


طيب وش رايك تسوين طريقتك ولكن حطي فوقها كشنه
عباره عن بصل وحمريه وبعدين كركم وشوي بهار ومكسرات وزبيب وملح
حطي شوي من الرز واخلطيه مع الكشنه بحيث تصير كبستك بيضا بس فيها كشنه تطعم فيها
واذا سلقتي الدجاج حطي طماطم حبه مقطوعه بالنص مارح تحمر بس بتعطي طعم

وثاني شي عااادي ياقلبي لا تستحين اذا جلستي مع اخته قولي فلانه ترا زوجي يحب كبستك بالله عمليني عليها هي راسها بيكبر وتنبسسط منك انك مدحتيها وانتي تتعلمين
واسأليهم عن اللي يعجبك عادي قولي اكل اهلي غير وهو متعود على اكلكم ودي اتعلم له اللي يحب والله محد قايل شي بالعكس اشوفها حلوه بحقك قدام اخته وبس الله يهديه

ياحبيبتي ذكر الله يحلي كل شي. طررل ماانا في المطبخ سمي واذكري الله. وادعي الله انه يسخره لك ويحليك ويحلي طبخك في عينه. واصبري ترى مع الوقت والتجارب راح تتحسنين كثيير. في البدايه كذا ولا تخلين كلامه يأثر فيك حاولي واقري وابحثي ولا شفتي طبخه عند احد اسألي عادي مافيها شي وما يقلل من قيمتك لاسألتي كلنا تعلمنا بالسؤال والبحث والله يعينك ويوفقك ويسخر لك زوجك يارب العالمين.

حطي طماط وثوم وكمون مطحون وبهارات الكبسه انتي روحي للعطار وخوذي بهارات وانتي اطحنيها حطي ماجي مكعبين وقللي الملح سوي كشنه بزبده وحطي معها ليمون اسود مطحون وبهارات وشويه سكر واحمسيها حطي فلفل اخضر اذا شرب الرز المويه عشان تصير ريحة الرز فلفل ومع التكرار بتتعلمي