🇸🇦السعوديه🇸🇦 :

ليش عواطف تصرين على إني مو فاهمتك؟.وليش تتجاوزين ردودي الواضحه؟وليش تحاولين تتكلمي عن الموضوع وكأنه شي خارق للعاده وللفهم! أنا أي موضوع يمس الدين تلقيني أقول قال تعالى وقال الرسول! يعني ما أتكلم بهواي ولا برايي أنا! أتكلم بالدليل والحجه! تقولين مذهبهم..عقيدتهم! وأقولك أساس المولد فاطمي وانت تعرفين وش الفاطميين! وقلتلك حديث الرسول لاتطروني ...الخ وهو بين واضح ويتنافى مع كل مايحدث في مولده. ردودك نقحيها بدليل بمنطق اقنعيني إن من المنطق إننا نسكت ونتقبل إستخدام يوم مولد من هدانا للتوحيد من قبل البعض للشرك والغلو. عندي إحساس إنك ماتعرفين الطقوس بالتفصيل الي يسوونها وبسم الدين والإسلام والسنه. الي نعترض عليهم مسلمين مثلنا مهم ناس خارج عن ديننا عشان نقول لهم دينهم ولنا دينا! كيف صار إنكار تشويه هذا اليوم بالخزعبلات شي غير مقبول! هل صرنا حتى مانقدر فيما بينا نتقبل إننا نشوف هذا بدعه وشي منهي عنه! المؤمن قوي شديد في الحق ينكر ويدافع ويبين ويحاجج ولا يليق به إن يتبنى فكر إنهزامي ومالنا دخل وبكيفهم! ما نحاربهم ولا نشادهم لكن أقلها ما نأيدهم ونقول هذا دينهم! وهذي عبادتهم! العبادات توقيفيه نتعبد لله بما جاء به. وإذا عبدناه بما لم يشرع لنا فتكون بدعه وخطر. والسلام ختام

ليش عواطف تصرين على إني مو فاهمتك؟.وليش تتجاوزين ردودي الواضحه؟وليش تحاولين تتكلمي عن الموضوع...

عواطف تركي . :

وتلوميني لما اقول مو فاهمتني😂 انا اتكلم شرق وانتي تردين غرب بعيد مره شطحه بعيده عن كلامي ومقصدي والله ماودي يطول الاخذ والرد اكثر من كذا لانه عباره عن تكرار نفس الكلام بكل تعليق لي ولك مشكلتك مو قادره تتقبلين الطرف المخالف ولا متقبله اننا متقبلين وجودهم ترجعين كل مره تعيدين نفس الكلام تنتقدين مذهبهم وطقوسهم اياً كانت مو لازم حتى اعرفهاواحنا اساساً مو نقاشنا ولا خلافنا عن طقوسهم واذا هي صح او غلط احنا كلامنا ونقاشنا والموضوع اللي انفتح عنه هو عن تقبل واحترام وجودهم لا اكثر ورأيهم المختلف عن المولد النبوي يعني محد قال ضيعي دينك ومذهبك ولا احد قال اسكتي عن الحق والصواب ولا احد قال لا تدعين للمعروف وتنهين عن المنكر كل هذا الكلام محد جاب طاريه الكلام مخصوص واضح صريح عن انهم موجودين معانا على هذا الكوكب مثل ما احنا موجودين نشاركهم نفس الكوكب وبينا بعض الاختلافات وهذي الاختلافات لازم نحترمها لانها نابعه من فتاوى مذهبهم مو منطق ولا عقل اجي اجبرهم يتبعون اللي اتبعه مره الموضوع ابسط بكثير من كل اللي جالسه تتوجهين له بالكلام من سرد طقوسهم وطريقتهم بالاحتفال بالمولد رغم انه حتى المذاهب الاخرى على اغلب الظن بريئه من اي طقوس غريبه وانا ماني طرف في مذهبهم ولا في طقوسهم ولا طرف في اي دين او طائفه او مله ثانيه حتى لو يعبدون الحجر والشجر احترم وجودهم كبشر ولا اجبرهم يعبدون اللي اعبده لان الهدايه والصلاح رزق وتوفيق من الله ماتجي بالإكراه ولا التنمر ولا الاحتقار اعتقد كذا اتضح كل شي ولا بقى شي نعيد تكراره اكثر من كذا خلاصة الكلاممن ناحيتي وناحيتك : انا اعرف ديننا وحكم المولد النبوي واعرف انه في مذاهب اخرى مباح عندهم الاحتفال وانا شخصيا احترم هذا الاختلاف رغم مخالفته ما نؤمن به في مذهبنا والاحترام لا يعني الايمان بما يؤمنون به . وانتي اعرف انك ما تتقبلين اختلافهم هذا وتعتبرينه مخالف للدين اللي تنهجين نهجه وماتحبين تسكتين وتبين توضحين بكل قوتك وطاقتك انهم غلط واللي يسونه غلط ومخالف لدينك ومذهبك . كذا لخصت وجهات نظري ونظرك واذا ما فهمتي الى الحين مقصدي اعذريني هذا حدود قدرتي على التوضيح ويومك سعيد يارب

وتلوميني لما اقول مو فاهمتني😂 انا اتكلم شرق وانتي تردين غرب بعيد مره شطحه بعيده عن كلامي...

🇸🇦السعوديه🇸🇦 :

معليش عواطف! ترى كلامك واضح لا تتكلمين من باب إنه شي خارق للعاده وشي يستعصى فهمه! والظاهر تتبعين هذا الأسلوب لما ما تعرفين تردين ما ميع دينا ولاضيع هويتنا إلا سالفة التعايش وتقبل الآخر! هذا مبدأ مرفوض شرعًا وعرفًا. ماقامت الرسالات النبويه إلا على مبدأ تغيير المعتقدات الباطله نبذ البدع النهي عن الغلو عبادة الله كما أمرنا لا كما ابتدعنا مسلم يبتدع شي من العباده كالمولد ننكر هذا الشي ونبينه ونوضحه لأن الدين النصيحه لا التقبل والتعايش! حتى الكفار الي مهم على دينا ندعوهم بالتي هي أحسن. الرسول يقول بلغوا عني ولو آيه الدين مهو كلام وصلوات خمس فقط ولما نقول هذا بدعه مامعناته عنف وغباء وكراهيه! معناته المسلم الي مثلي لايبتدع مانهانا عنه الشرع. وعشان تفهمين أكثر وتعرفين وش أقول أقري عن المولد عن طقوسه ورح تكتشفين إن مذهبك وعقيدتك تأمرك بالإنكار للي رح تشوفينه. ماينفع تقولين نتقبل فكرهم بينما انت بنفسك منتي متقبله مذهبك وعقيدتك الي أساسها الدعوه والتبليغ والإنكار. تقبلي المنطلق الي انا أتكلم منه بناء على ديني ومذهبي طيب! وكل الي يسوونه في المولد بدع في بدع. والحمد لله ماعندنا مثل هذي الإحتفالات ولاعمري شفت أحد يسويها على أرض الواقع. ولاعمري جادلت أحد منهم. لكن لو حصل وشفت رح أنكر ورح أبينله الحكم فيها وكيف إنها ممكن تخرجهم من المله. وواثقه انه لو كان موحد حقيقي ويفهم معنى الشرك الخفي رح يستوعر ويفهم ان الي يسوونه غلط. لكنها عاده توارثوها دون انتباه لما فيها. وللإحتياط بهديك هذا الرياكشن 😁😁😁

معليش عواطف! ترى كلامك واضح لا تتكلمين من باب إنه شي خارق للعاده وشي يستعصى فهمه! والظاهر تتبعين...

عواطف تركي . :

توقفت عند هذا السطر : (والظاهر تتبعين هذا الأسلوب لما ما تعرفين تردين ) والله والحلف بالله شي كبير لانك غاده مو وحده ثانيه اني كنت ارد عليك بمثل هذا النقاش وما تجاهلتك رغم ان الكلام مكرر بكل تعليق لي ولك ولو وحده غيرك كنت سحبت عليها من اول او ثاني تعليق بالكثير لاني مقتنعه ان اللي ماقدرت تفهمني من اول توضيح ماراح تفهمني لو اكتب مجلدات وعدم الفهم او تقارب وجهات النظر مو غلط ولا عيب ولا نقص في أي طرف لكن انا تعودت ما اطيل الجدل لنفس السبب اللي ذكرته ومن النضج والعقل اني استوعب هذا الشي وانهي النقاش بكل احترام واكبر دليل على عدم جدوى استمرار الجدال انه مجرد تكرار لكلامي وكلامك بكل تعليق هو نفسه بصيغه ثانيه شوفي كيف رغم كل هذا التكرار والرد عليك قلتي الكلام اللي بين قوسين في بداية ردي اني اسوي كذا اذا ماعرفت ارد يعني وكأن كل المعلقات اللي كتبتها رد على كلامك انا محشوره وماعرفت ارد حسب اللي فهمته من ردك وبطريقه اخرى كأنك تبيني اتبنى رأيك عشان يكون كلامي مافيه اني ماعرفت ارد هههه شي غريب والله كلامي هذا مجرد رد توضيحي من خاطر طيب على اللي بين القوسين لاني انضج وابسط من اللي ظنيتي فيني وانتي اكثر وحده تعرفين المعارك اللي خضتها هنا وصلت للتكفير والالحاد وماصار اني ماعرفت ارد مثل ما تفضلتي بالعكس رديت باللي عندي وخلاص كل شخص هو ومستوى فهمه وتمنيت ان اي عضوه كانت متابعه النقاش هنا توضح وتشرح المقصد اللي ماكان واضح وعجز يوصل سواء من ناحيتي او ناحيتك لان احس الوضع كان يحتاج طرف محايد وبس هذا مجرد تعليق بشكل ودي مسالم من خاطر طيب ومزاج رايق مع الاحترام لشخصك الكريم .

توقفت عند هذا السطر : (والظاهر تتبعين هذا الأسلوب لما ما تعرفين تردين ) والله والحلف بالله شي...