روحي الله يجزاك بالخير وينولك اللي في بالك .

مشكورة ..

سؤال..

ناكل كل اللي مكتوب؟؟ ولا نختار؟؟
الافطـار:
- كوب عصير طماطم أو خضروات - شاي أو كوفي بحليب قليل الدسم وسكر صناعي
- بيض أومليت بالخضار معمول بملعقة صغيرة زيت زيتون أو زيت رشspray
وجبة منتصف النهار
- أي نوع شريحتين جبن قليل الدسم + حبة طماطم متوسطة

ناكله كل اللي مكتوب في وجبة الافطار :|

يزاج الله كل خير اختي قهوة بالبندق
ماقصرتي
واحلى شي انهم كاتبين وصفات نسويها
لاني يوم اتبعت مرة رجيم كنت احتار شو اسوي من الاكلات المسموحة

وجزا الله صاحبة الموضوع انها فتحت هالموضوع عشان نتعرف عالرجيم
وبارك الله فيكم

دودا الأمورة
-------------
انا المشكلة هالأيام حتى النظام القاسي ما فاد فيني .


قهوة بالبندق
-------------

الف الف شكر ما قصرتي

الله يبارك فيج ويعافيج .


بنووووووووووتة
------------------

وجربتيه والا لا .

ترى حتى المرحلة الأولى تختلف .

هذا يعتمد على لو فات يعني قليل الدسم .

اللحوم - الدجاج - الجبن لازم تكون بدون دهن وقليلة الدسم .

يسمح بالحليب والزبادي قليل ومنزوع الدسم

يسمح بالبقوليات .


الفراغ القاتل
-------------

ممتاز 7 كيلو في 20 يوم

وانتي كم نزلتي عليه

خبرج اجسامنا تختلف عن الرجال .

ممكن بعد تحطي اللي عندج


الكيكة
------

جربتيه والا لا ؟

وشخبار الرجيمات معاج .

ان شاء الله ماشية عليها وناقصة يارب .


غزلان الصحاري
-----------------

شخبارج حبيبتي

وان شاء الله يكون الرجيم عجبج وتبتدي فيه .



كرادي حلوين
--------------

ياهلا ومرحبا فيج

الصراحة ضحكت على الإسم وايد حلو :D



الطير المهاجر
---------------

ياهلا ومرحبا فيك

وان شاء الله ينفعك الرجيم .
---------------------------------------------------------------

المشكلة اني لما بديت فيه استانست في الفول ( الباجلا ) اكلته ويا البليلة

وبعدين انتفخ قولوني وهو اولريدي منفوخ .

وكنت رايحة طواريء يوم السبت الفجر عشان القولون .

لذلك فضلت اني ارجع لأتكنز بعد ما اكلت فلافل ما ادري شاللي صار فيني

جاتني رغبة اني آكل شوكولاتة ورحت خبصت الدنيا .

قلت ما ينفع جذيه لازم اضبط نفسي .

فرجعت لأتكنز من يوم ثاني وغيرت نظامي بحيث اني صرت افطر واتغذى بس

بدل ما كنت الأول آكل وجبة وحدة وهي وجبة العشاء وماكان ينزل وزني .

اتمنى اني استمر في النزول

واذا اخذت اجازة رح اعمله بمشيئة الله .

الله يوفقكم يارب

يالله خبرونا بالنتايج اللي ابتدت بالرجيم .

مشكورة غلى مجهودك حبيبتي