خواتي السلام عليكم
راح اقول لكم معلومه مهمه عن القهوه
وهي انه فيه نوعين ممتازين قهوه بريه وقهوه هرري
نتكلم عن البريه وهي كويسه ما راح تجيب حرقان المعده لكم بس تبي الحمس يكون غير محروق اوخفيف يعني وسط زين وتحطي الشيبه اثناء الحمس هذا الحمس و
طريقة عملها: تحطي مويه في الابريق دله وربع الدله زين تخليه تغليي شوي ثم تحطي القهوه المطحونه وتخليها تغلي تقريبن 5دقائق وبعد ذلك تصفينها في الدله الي فيها هيل وزعفران
وهني ولاحظي انه هذه القهوه حساسه جدا يعني تبي اهتمام شوي
نجي للقهوه الهرري اخذي راحتك في الحمس يعني الي تبي محروفه تحرق والي تبي وسط تحمس وسط والي تبي خفيف تحمس خفيف حطي شيبه معها
طريقه عملها:مثل البريه بس انتبهي لا تغلي كثير يعني بس تفور مرة اومرتين بس
وصفيها في الدله ويكون فيها هيل وزعفران طبعا
طولت عليكم انسانه حريصه ابيكم تتشطرون وتعزمون

لكم تحياتي

اختي ندى الزهور وين بس شربتي هاالقهوه
اروح اجيب لك............................................. طريقتها
قولي بس

السلام عليكم ..

أهم شيء بالقهوة هو طعمها بعدين نجي للونها ..

وأنا راح اقول لك طريقتنا (نجد) ..
في البدايه القهوة لازم تكون من حمسة البيت ألذ , وفيه نوعين هو الهرري والبري ..
طبعا البريه أغلى وأقل ضرر بالصحه .

اولا حمس القهوة :
أغلب الناس تحمسها بالفرن , لكن طريقتي تكون بقدر مخصصته للحمس , اخلي النار وسط , واضع معها ( شنه) وهي عباره عن نوع من الاعشاب عند العطار تعطي ريحه حلوة وطعم حلو . وأبدأ احمسها واقلبها باني امسك القدر و(أرقل القهوة) يعني احركها بتحريكي للقدر مدري اذا انتي فاهمتني .. المهم لما يجي لونها مصفر مائل للبني اضع عليها قليل من المستكه وتطلع الدخنه والريحه الحلوة , طبعا قبل نضجها بشوي .. وعند استواءها يكون لونها بني فاتح , وترى القهوة اذا ماكانت شقراء لو حطيتي من الزعفران لين بكرة ما يأثر فيها , يعني تكون شقراء افضل .

طبخ القهوة :
بعد مانطحنها كويس بالمولينكس , نكون مركبين بريق القهوة على النار وفيه ماء يكفي لمقدار الدلة وزيادة شوي .. وبعد مايغلي نضيف القهوة ونقصر على النار , وتقريبا القهوة فنجان .. ونتأكد من مدى ثقلها اوخفتها بصب قليل منها بالفنجان , لما يكون المقدار مضبوط نتركها تطبخ من عشر دقايق او ربع ساعه وبالنهايه قبل لا نضعها بالدله نضيف لها ملعقة صغيرة زنجبيل وربع ملعقة صغيرة مسمار مطحون .
ونضع بالدله ملعقتين هيل مطحون وزعفران مطحون بعد ( افضل تطحنينه عشان يلون صح )
ونزل القهوة بالدله ونضعها على النار تقلب قلبه وحده وبس نطفي النار .. لان الهيل مو زين يطبخ يسود القهوة .
وفيه البعض يحط شوي حليب مركز سايل يعطي طعم ثاني وحلو ..

اتمنى تكونين فهمتيني وتنجح معك الطريقه ان شاءالله ..

وبالتوفيق :)

داخلة متاخرة.
بس بما انك تقولين قهوة بطعم الصداء فاكيد السبب هو الماء المستخدم

اشتري ماء صحي وتشوفي الفرق....

خخخخخخخخخخخخخ الله يرج ابليسك يا ندى الزهور
تبين الحريم يروحون وشفايفهم مصفره من الملون حق الرز
اقولك السر كله في الزعفران لازم يكون اصلي وانا جربت كل الانواع الي برتقالي والي ماله لون
الين لقيت ابو شيبه الايراني رهيييييييييييييييييب ويخلي القهوه فا قعه على قولتك الاصلي ينباع في علب زجاجيه صغيره مرة بس روعه تحطين منه شوي يعطيك لون وطعم وحاولي تكون القهوه خفيفه لا تثقلينها والبن تكون حمسته خفيفه يعني مشقر موب غامق
وتحياتي

:26: :26: :26: