بنات اللي عندها خبره لاتبخل علينا
الله يجزاكم الجنه

اجل انا وش اقول ببريطانيا واول طفل ومقررين قيصري ومااعرف شى بالمواليد ابد لا وماعندي اي شى من خرابيط الحريم الي يشربون بالنفاس
وغيركذا مافي شى هنا اسمه شغالات والمطاعم اكلهم حرااام يعني لازم نطبخ ببيتنا
انا كنت شايله هم مررره بس جارتي اجنبيه وتوها والده والله ماعندها من هالخرابيط اشوفها تشتغل وتغسل وتطبخ وببيتها مع انه اول طفل ولماقلتلها احنا نحط مشد وناكل خرابيط ونقعد 40 يوم ماتت من الضحك تقول اهم شى اكل صحي ورياضه وكل يوم تسوي رياضه وجسمها صار مشدود مو حنا الوحده بس نايمه ومرقوق وبعد الاربعين ماتفرقينهاعن البعير!!

تسلمين الغاليه على هالموضوع المفيد ..
أنا الحمدالله رجعت مثل ما كنت بكل شي ... ما عدا القوه .. أحس ما فيني طاقه لانها كلها تستهلك بالرضاعه و السهر ...

المهم .. قبل كل شي لاااااازم تربطون بطنكم .. وأنا عني كنت ألبس مشد خذته من الصيدليه وممكن تاخذون من أماكن ثانيه مثل محلات سناء و الدانه بلازا و نعومي و غيرها .. وصدقوني الكرشه بتروح في أقل من شهر ..
ولا تنسون انه الرضاعه الطبيعيه لها دور كبيــــــــــــــر في تخفيف الكرشه وطمسها نهائيا كما انها تعيد الرحم لوضعه الطبيعي في 10 أيام بالضبط وبالتالي ترجعين عروس لزوجج وبدون خلطات وبلاوي ..
وبالنسبه للاكل كنت أشرب حلبه .. ولاني ما اتقبلها صافيه بمايها .. كانت اختي تسويلي اياها مغيط وهو موجود في المحمصه جاهز .. خلطه فيها سمسم وحلبه و نشا وشغلات ثانيه تطبخ مع الحليب ..
وكنت أشرب سحلب يوميا وهو جاهز بعد وموجود في الجمعيات والمحمصات و بعض المطحنات ..
و كنت أكل عسل يوميا الصبح .. و أشرب الحبه الحمرا ونحن نسويها نفس الشوربه تقريبا وطعمها لذيذ وكنت أحبها واكثر منها .. واحاول اخلي كل وجباتي صحيه .. يعني فواكه وخضروات ولحوم وابتعد عن الأيسكريم والاشياء البارده عموها لانها تضر كما سمعت من امي .. و البهارات الحاره بعد مضره ف خففوها .. و لاكثار الحليب كنت آكل رهش .. ولا تخافون ما بتمتنون لاني والله نزل وزني ورجع مثل ما كان قبل الولاده بالضبط ...

والله يسهل على الجميع يا رب..

الله يسهلك

الرشاد متى يستخدم العشرين الاولى ولا الاخيره ؟؟؟

والقرض وش فايدته وشلون طريقته ؟؟؟؟